ആത്മഹത്യ ചെയ്യാൻ പോയപ്പോൾ പിടിച്ചു നിർത്തിയത് എന്റെ മക്കൾ; അവർക്കായി എന്റെ ജീവിതം; ഉഷയുടെ ജീവിതം പറഞ്ഞ് ലക്ഷ്മി

സ്ഥിരം സസ്പെൻസ് ഒളിപ്പിച്ചു വച്ചിട്ടാണ് ലക്ഷ്മി പുത്തൻ വീഡിയോ തുടങ്ങുന്നത്. കല്യാണിയെ കാണാൻ പോകുന്നു. ആദ്യമായിട്ടാണ് കല്ലുവിനെ കാണുന്നത്. പക്ഷെ അവൾക്ക് ഏറെ ഇഷ്ടം മസാല ദോശ ആണെന്നും ലക്ഷ്മി പറയുന്നുണ്ട്. ഒപ്പം കല്ലുവിനെ അണിയാക്കാൻ മാലയും, കഴിക്കാൻ കൊടുക്കാൻ ആരോറൂട്ട് ബിസ്ക്കറ്റും ഒക്കെ ആയിട്ടാണ് താരത്തിന്റെ യാത്ര. പൊതുവെ നാണം കുണുങ്ങിയാണ് കല്ലു, വായി നോക്കരുത് അവളെ എന്നും കൂടെ ഉള്ള പയ്യന്മാരോടായി ലക്ഷ്മി പറയുന്നു.

കല്യാണി ഇനി പുറത്തുപോകുമോ, അവൾക്ക് ഇഷ്ടമുള്ള മസാല ദോശ ഒക്കെ ആയിട്ടാണ് വന്നിരിക്കുന്നത്. കല്യാണിക്ക് അങ്ങനെ അണിഞ്ഞൊരുങ്ങി നടക്കുന്നത് ഒന്നും ഇഷ്ടം അല്ല. പക്ഷെ നമ്മൾ വാങ്ങിയിട്ടാണ് പോകുന്നത്. കല്യാണി സോഷ്യൽ മീഡിയയിലും ഒന്നുമില്ല, വളരെ സിംപിൾ ആയ കുട്ടിയാണ്. ആദ്യമായിട്ടാണ് ഞാൻ കാണുന്നത്. കല്യാണി ബാച്ചിലർ ആണ് ഇത് വരെയും കല്യാണം കഴിച്ചിട്ടില്ല. അതുകൊണ്ട് വായിനോക്കാൻ നിക്കരുത് എന്നും ലക്ഷ്മി പറയുന്നുണ്ട്.

കല്യാണിയുടെ വീട്ടിൽ എത്തി എന്ന് പറയുന്നതും ഉഷ ദേവി സ്വീകരിക്കാൻ വരുന്നതും ലക്ഷ്മി പങ്കിട്ട വീഡിയോയിൽ ഉണ്ട്. ഇവരുടെ വിശേഷങ്ങൾ പറയുന്ന കൂട്ടത്തിൽ ആണ്, മക്കൾക്കായി ഒരു ഹൈ ടെക്ക് തൊഴുത്ത് വേണം എന്നാണ് തന്റെ ആഗ്രഹം എന്ന് ഉഷ പറയുന്നത്. തന്നാൽ ആകുംപോലെ സഹായിക്കാം എന്നും ലക്ഷ്മിയും പറയുന്നുണ്ട്. താൻ ഇത്രയും സുഖങ്ങളിൽ കഴിയുമ്പോൾ, തന്റെ മക്കൾക്കും സുഖങ്ങൾ വേണം എന്നാണ് ആഗ്രഹം എന്നും ഉഷ പറയുന്നു.

എനിക്ക് ഒരു മകൻ ആണ്, ഭർത്താവ് മരിച്ചുപോയി. മകൻ ഒരു പെണ്ണിനെ പ്രേമിച്ചു കെട്ടിയതാണ് അവൻ അവളുടെ വീട്ടിൽ ആണ്. ഇപ്പൊ അവർ തമ്മിലും തെറ്റി. ഇങ്ങോട്ട് വന്നിട്ടും കാര്യമില്ല, കാരണം അവന് കടം ആണ്. ഞാൻ ഇതെല്ലാം വിറ്റു പിറക്കി കൊടുത്താലും കടം തീരില്ല. പിന്നെ ഈ മക്കളെ നോക്കേണ്ടത് ഞാൻ അല്ലെ. എനിക്ക് വിശന്നിട്ട് ഞാൻ ആത്മഹത്യക്ക് വരെ നോക്കിയ ആളാണ്. ഇവർക്ക് പുല്ലൊക്കെ ഇട്ടു കൊടുത്തിട്ട് അമ്മ പോവാണ് എന്ന് പറഞ്ഞു.

ഞാൻ വിഷം കുടിക്കാൻ പോയ സമയത്ത് അവൾ എന്നെ അമ്മേ എന്ന് നീട്ടി വിളിച്ചു. അതോടുകൂടി എനിക്ക് മനസിലായി അവൾക്ക് എന്നെ വേണം എന്ന്. എന്നാൽ ഇനി ഞാൻ അത്തരം ഒരു അവിവേകം കാണിക്കില്ല എന്നും ഉഷ പറയുന്നു. ആ അമ്മ പറയുന്നത് കേട്ടപ്പോൾ സങ്കടം വന്നു, നല്ലൊരു തൊഴുത്ത്, ഫാൻ, പാട്ടുപെട്ടി എല്ലാം അവർക്ക് പെട്ടെന്ന് ലഭിക്കട്ടെ. ആ അമ്മയെയും, അമ്മയുടെ പൊന്നു മക്കളെയും ദൈവം അനുഗ്രഹിക്കട്ടെ എന്നാണ് വീഡിയോ കണ്ട ആളുകൾ പറയുന്നത്.