നിങ്ങളെ കിട്ടിയതാണ് എന്റെ ജീവിതത്തിലെ ഏറ്റവും വലിയ ഭാഗ്യം! ഭര്‍ത്താവിനെക്കുറിച്ച് ലക്ഷ്മി നായര്‍

കുക്കറി ഷോയും യൂട്യൂബ് ചാനലുമായി സജീവമാണ് ലക്ഷ്മി നായര്‍. കുടുംബത്തിലെ വിശേഷങ്ങളും ചാനലിലൂടെ പങ്കിടാറുണ്ട്. വീണ്ടും അമ്മൂമ്മയാവുന്നതിന്റെ സന്തോഷവും, അനുക്കുട്ടിയുടെ സീമന്തം ചടങ്ങിന്റെ വിശേഷങ്ങളുമെല്ലാം പങ്കുവെച്ച് ലക്ഷ്മി നായര്‍ എത്തിയിരുന്നു. സ്ഥല പരിമിതികളുണ്ടായിരുന്നുവെങ്കിലും വീട്ടില്‍ വെച്ച് തന്നെ ചടങ്ങ് നടത്തുകയായിരുന്നു ഇവര്‍. അനുക്കുട്ടിയുടെയും വിഷ്ണുവിന്റെയും സന്തോഷം ഏറ്റവും പ്രധാനപ്പെട്ടതാണ്. ചടങ്ങ് ആഗ്രഹിച്ച പോലെ തന്നെ മനോഹരമായി നടത്താന്‍ കഴിഞ്ഞുവെന്നും അവര്‍ പറഞ്ഞിരുന്നു.
എന്റെ ജീവിതത്തിലെ ഏറ്റവും വലിയ നേട്ടമെന്ന് പറയുന്നത് എനിക്ക് നിങ്ങളെ കിട്ടിയതാണെന്നായിരുന്നു ഭര്‍ത്താവിനോട് ലക്ഷ്മി പറഞ്ഞത്. ഭര്‍ത്താവിനൊപ്പമുള്ള ഫോട്ടോയും കുറിപ്പും ക്ഷണനേരം കൊണ്ടാണ് വൈറലായി മാറിയത്. ബോബി ചേട്ടന്റെ പിന്തുണയെക്കുറിച്ച് നേരത്തെയും ലക്ഷ്മി വാചാലയായിരുന്നു. എല്ലാ കാര്യങ്ങളിലും സ്വാതന്ത്ര്യം തന്ന വ്യക്തിയാണ് അദ്ദേഹം. എന്റെ വളര്‍ച്ചയ്ക്ക് പിന്നിലെ പ്രധാന ശക്തി അദ്ദേഹമാണ്. എന്ത് കാര്യം വേണമെങ്കിലും ചെയ്‌തോളൂ എന്നെ മെനക്കെടുത്തരുതെന്നാണ് അദ്ദേഹം പറയാറുള്ളത്. ആദ്യം ഡ്രൈവിംഗ് അറിയില്ലായിരുന്നു. വിളിച്ച് കൊണ്ടുവരലൊന്നും എന്ന് നടക്കില്ലെന്നും സ്വന്തമായി ഡ്രൈവ് ചെയ്ത് വരണമെന്നുമായിരുന്നു അദ്ദേഹം പറഞ്ഞത്. അതേപോലെ ഷോപ്പിംഗിനൊന്നും അദ്ദേഹം വരാറില്ല.
Also Watch:
എല്ലാ കാര്യങ്ങളും സ്വന്തമായി ചെയ്യാന്‍ പ്രാപ്തയാക്കിയത് അദ്ദേഹമാണ്. കാര്യങ്ങള്‍ സ്വന്തമായി ചെയ്ത് പഠിക്കണമെന്നതായിരുന്നു പുള്ളിയുടെ പോളിസി. എല്ലാത്തിനും ചേട്ടനെ ആശ്രയിക്കുന്ന എന്റെ ക്യാരക്ടര്‍ അദ്ദേഹം തന്നെ മാറ്റിയെടുക്കുകയായിരുന്നു. ഞാന്‍ വീഡിയോ ചെയ്യുന്നതിലൊന്നും അദ്ദേഹത്തിന് കുഴപ്പമില്ല, പക്ഷേ, ലൈംലൈറ്റിനോട് താല്‍പര്യമില്ലാത്തതിനാല്‍ അദ്ദേഹം അങ്ങനെ പ്രത്യക്ഷപ്പെടാറില്ലെന്ന് മാത്രമെന്ന് മുന്‍പ് ലക്ഷ്മി നായര്‍ പറഞ്ഞിരുന്നു.