Also Read: ദുൽഖറുമായി സഹകരിക്കില്ലെന്ന് ദിലീപ് തലപ്പത്തുള്ള തീയേറ്ററുടമകളുടെ സംഘടന!; യുവതാരത്തിൻ്റെ നിർമ്മാണക്കമ്പനിക്കും വിലക്ക്!
'ഒറ്റ പ്രസവത്തിൽ മൂന്ന് കുഞ്ഞുങ്ങളുണ്ടായ വിശേഷം, ഞാൻ വീണ്ടും പ്രസവിച്ചുവത്രേ, അതൊരുപാട് ചിരിപ്പിച്ചു'; ഭർത്താവിനെ കുറിച്ചും കൊച്ചുമക്കളെ കുറിച്ചും വാചാലയായി ലക്ഷ്മി നായർ!!
പാചക പരിപാടികളിലൂടെയും വ്ളോഗിങ്ങിലൂടെയുമായി പ്രേക്ഷകര്ക്ക് സുപരിചിതയാണ് ലക്ഷ്മി നായര്. മലയാളികളുടെ സ്വീകരണമുറിയിലെ സ്ഥിരസാന്നിധ്യം. കൈരളി ടിവിയിലെ മാജിക് ഓവൻ, ഫ്ലേവേഴ്സ് ഓഫ് ഇന്ത്യ എന്നീ ടെലിവിഷൻ പരിപാടികളിലൂടെയാണ് ലക്ഷ്മി നായർ ശ്രദ്ധേയയായത്. യൂട്യൂബിലും സജീവമാണ് ലക്ഷ്മി ഇപ്പോൾ. തിരുവനന്തപുരം ലോ അക്കാദമിയിൽ പ്രിൻസിപ്പൽ കൂടിയാണ് പാചകത്തിൽ ഡോക്ടറേറ്റ് കരസ്ഥമാക്കിയിട്ടുള്ള ലക്ഷ്മി.
Also Read: ദുൽഖറുമായി സഹകരിക്കില്ലെന്ന് ദിലീപ് തലപ്പത്തുള്ള തീയേറ്ററുടമകളുടെ സംഘടന!; യുവതാരത്തിൻ്റെ നിർമ്മാണക്കമ്പനിക്കും വിലക്ക്!
വ്ളോഗിങ്ങിൽ സജീവം
ലക്ഷ്മി നായർ വ്ലോഗ്സ് എന്ന പേരിലുള്ള യൂട്യൂബ് ചാനലിലെ കണ്ടൻ്റ് ക്രിയേറ്റർ കൂടിയാണ് താരം. അടുത്തിടെയായിരുന്നു ലക്ഷ്മി നായരുടെ കുടുംബത്തിലേക്ക് 3 കുഞ്ഞതിഥികള് എത്തിയത്. മകള് പാര്വതി പ്രസവിച്ചുവെന്ന സന്തോഷം യൂട്യൂബ് ചാനലിലൂടെ പങ്കുവെച്ചിരുന്നു. പിന്നാലെ നിരന്തരമായി ഭർത്താവിനെ കുറിച്ചുള്ള അന്വേഷണങ്ങൾ വന്നപ്പോൾ അടുത്തിടെ ഭർത്താവിനെ കുറിച്ചുള്ള എല്ലാ വിവരങ്ങളും ലക്ഷ്മി നായർ പങ്കുവെച്ചിരുന്നു.
ലക്ഷ്മി നായർ
ലക്ഷ്മി നായർ പങ്കുവെച്ച വിവാഹ വിശേഷങ്ങളാണ് ഇപ്പോൾ ശ്രദ്ധ നേടുന്നത്. ലക്ഷ്മി നായരുടെ ഭർത്താവ് വക്കീലായ അജയ് കൃഷ്ണൻ ആണ്. 1988 മേയ് ഏഴിനായിരുന്നു ഇവർ വിവാഹിതരായത്. ഇപ്പോൾ മക്കളും കൊച്ചുമക്കളുമെല്ലാമായി സന്തോഷത്തോടെ കഴിയുകയാണ് ലക്ഷ്മി നായർ.
ഭർത്താവിനെ കുറിച്ചുള്ള വിവരങ്ങൾ
പെട്ടെന്നൊരു ദിവസം ഭർത്താവിനെ കുറിച്ചുള്ള വിവരങ്ങൾ പങ്കുവെച്ച് വീഡിയോ ചെയ്യാനുണ്ടായതിനു പിന്നിൽ എല്ലാവരുടെയും ചോദ്യങ്ങൾ കൂടിയപ്പോഴാണെന്ന് വ്യക്തമാക്കിയിരിക്കുകയാണ് ലക്ഷ്മി നായർ. ജിഞ്ചർ മീഡിയയ്ക്ക് നൽകിയ അഭിമുഖത്തിലാണ് ലക്ഷ്മി നായർ ഇക്കാര്യം പറഞ്ഞത്.
ചോദ്യങ്ങൾ കൂടിയപ്പോൾ
'ഭർത്താവ് അധികമൊന്നും ക്യാമറയ്ക്ക് മുമ്പിൽ പ്രത്യക്ഷപ്പെടാറില്ല. വിളിച്ചാലും ക്യാമറയ്ക്ക് മുന്നിൽ നിന്ന് ഓടി മറയാൻ ശ്രമിക്കാറാണ് പതിവ്. അദ്ദേഹത്തെ അധികം കാണാത്തതിനാൽ തന്നെ നിരവധി പേർ എപ്പോഴും സോഷ്യൽമീഡിയയിലൂടെയൊക്കെ ഭർത്താവിനെ കുറിച്ച് ചോദിക്കാറുണ്ട്.
എല്ലാവർക്കും മറുപടി
എല്ലാവർക്കും മറുപടി നൽകാറുമുണ്ട്. അങ്ങനെ മറുപടി പറഞ്ഞ് മടുത്തപ്പോഴാണ് ക്ലാരിഫിക്കേഷൻ വീഡിയോ ചെയ്യാമെന്ന് വെച്ചത്. യുട്യൂബിൽ വീഡിയോ പെട്ടെന്ന് വൈറലായി. ഞാൻ പോസ്റ്റ് ചെയ്ത വീഡിയോകളിൽ ഏറ്റവും കൂടുതൽ ശ്രദ്ധിക്കപ്പെട്ടതും ആ വീഡിയോ ആയിരുന്നുവെന്നും ലക്ഷ്മി നായർ പറഞ്ഞു.
വീട്ടിൽ നിറയെ വക്കീലന്മാർ
ഞാൻ ജനിച്ചപ്പോൾ മുതൽ വീട്ടിലും അച്ഛൻ്റെ ഓഫീസിലും എല്ലാം വക്കീലന്മാരായിരുന്നു, വക്കീലുമാരെ കണ്ട് മടുത്തു. അതുകൊണ്ട് തന്നെ എനിക്ക് വക്കീലിനെ കല്യാണം കഴിക്കാൻ താൽപര്യമേ ഇല്ലായിരുന്നു. ഡിഗ്രി കഴിഞ്ഞപ്പോൾ മുതൽ കല്യാണ ആലോചനകൾ വന്നു. കേരളം വിടണമെന്നായിരുന്നു ആഗ്രഹം, വിദേശത്ത് ജീവിക്കാനിഷ്ടമായിരുന്നു.
യുഎസ്സിൽ പോവണമെന്നായിരുന്നു
യുഎസിലേക്ക് പോവണമെന്നാഗ്രഹിച്ചപ്പോൾ അച്ഛന് തടസ്സം പറഞ്ഞു. ഒരു വക്കീലിനെ കൊണ്ട് എന്നെ കെട്ടിക്കണം എന്നായിരുന്നു അച്ഛൻ ആഗ്രഹിച്ചിരുന്നത്. ഞങ്ങളുടെ കോളജിൽ പഠിച്ചയാളാണ് ഭർത്താവ്. ഞാനും അവിടെ വെച്ച് കണ്ടിട്ടുണ്ട്. കല്യാണം നോക്കിയപ്പോൾ ആളെ കുറിച്ച് വീട്ടിൽ എല്ലാവരും പറഞ്ഞുവെന്നും ലക്ഷ്മി വിശദീകരിക്കുന്നു
സുന്ദരനായിരുന്നു
ആളെ കാണാൻ സുന്ദരനായിരുന്നു അതുകൊണ്ട് എന്നോട് പറഞ്ഞപ്പോൾ എനിക്കും ഇഷ്ടമായി. നന്നായി ഇംഗ്ലീഷ് സംസാരിക്കും. ലാഗ്വേജ് നന്നായി ഉള്ള ഒരാളെ കല്യാണം കഴിക്കണമെന്നതും സ്വപ്നമായിരുന്നു. ഭംഗിയുള്ള ആളായത് കൊണ്ട് പിന്നെ വക്കീലാണ് എന്ന കാര്യം ഞാൻ അധികം മൈൻഡ് ചെയ്തില്ലെന്നും ലക്ഷ്മി പറഞ്ഞു.
സുഖമായി കഴിയുന്നു
അങ്ങനെയാണ് വിവാഹം നടന്നത്. ഇപ്പോൾ മക്കളും കൊച്ചുമക്കളുമെല്ലാമായി സുഖമായി കഴിയുന്നു. ഭർത്താവിനെ കുറിച്ചുള്ള വീഡിയോ ഇട്ടപ്പോൾ നിരവധി പേർ ആശംസകൾ നേർന്നും സന്തോഷം അറിയിച്ചും സ്നേഹം അറിയിച്ചും കമന്റുകളുമായി വന്നു.
സ്നേഹിക്കുന്നുവെന്ന് തിരിച്ചറിഞ്ഞു
അന്നാണ് ഇത്രയേറെ ആളുകൾ സ്നേഹിക്കുന്നുണ്ടെന്ന് ഞാൻ അറിഞ്ഞത്. ഭർത്താവിനെ കുറിച്ചുള്ള വീഡിയോ ഇട്ടശേഷം വന്ന ഓൺലൈൻ ക്ലിക്ക് ബൈറ്റ് ന്യൂസുകൾ എന്നെ ഒരുപാട് ചിരിപ്പിച്ചു. അതുപോലെ ഒറ്റ പ്രസവത്തിൽ മകൾക്ക് മൂന്ന് കുഞ്ഞുങ്ങളുണ്ടായ വിവരം പങ്കുവെച്ചപ്പോഴും എന്തോ ഞാൻ വീണ്ടും പ്രസവിച്ചുവെന്നപ്പോലെയൊക്കെയാണ് വാർത്തകൾ വന്നതെന്നും' ലക്ഷ്മി നായർ നിറചിരിയോടെ പറഞ്ഞു.