'എന്റെ രാജ്ഞി എപ്പോഴും ഒരു വജ്രമായി തിളങ്ങട്ടെ' മൃദുലയ്ക്ക് സമ്മാനിച്ച മോതിരവുമായി യുവ!

മലയാളികളുടെ പ്രിയ താരങ്ങൾ ആയ യുവ കൃഷ്ണയും മൃദുലയും ജീവിതത്തിൽ ഒന്നാകാനായുള്ള ഒരുക്കത്തിൽ ആണ്. 'മഞ്ഞിൽ വിരിഞ്ഞ പൂവി'ലെ മനു പ്രതാപ് എന്ന ഒറ്റ കഥാപാത്രത്തിലൂടെ പ്രേക്ഷകർക്ക് പ്രിയങ്കരനായി മാറിയ താരമാണ് യുവകൃഷ്ണ.

യുവയുടെ ജീവിതസഖിയാവുന്ന മൃദുല വിജയ് ഒട്ടനവധി കഥാപാത്രങ്ങളിലൂടെ മിനി സ്‌ക്രീനിന്റെ സ്വന്തം നായികയാണ്. ഇരുവരുടേയും വിവാഹനിശ്ചയം വളരെ ലളിതമായി അടുത്ത ബന്ധുക്കളുടെ സാന്നിദ്ധ്യത്തിൽ ഡിസംബർ 23 ആണ് നടന്നത്.
ALSO READ: 'ജീനിയസ് പുലി'യോ മറ്റു പുലി വിഭാഗങ്ങളിലോ ഉള്ള ആളല്ല'; സംഗീതയുടെ മാസ് മറുപടി!
വിവാഹ നിശ്ചയത്തിന്റെ ചിത്രങ്ങളും വീഡിയോയും സമൂഹ മാധ്യമങ്ങളിൽ വൈറൽ ആയിരുന്നു. സീരിയൽ മേഖലയിൽ ആണ് ഇരുവരും ഏങ്കിലും ഇതൊരു പ്രണയവിവാഹമല്ല. രണ്ട് കുടുംബക്കാരും ആലോചിച്ചുറപ്പിച്ച വിവാഹം ആണ്. ഇപ്പോൾ ആണ് തങ്ങൾ പ്രണയത്തിൽ ആയതെന്ന് ഇരുവരും പ്രതികരിച്ചിരുന്നു.

യുവയുടേയും മൃദുലയുടേയും അമ്മ വേഷത്തിൽ സീരിയലുകളിൽ നിറയുന്ന രേഖ രതീഷ് വഴിയാണ് ആലോചന വന്നതെന്നും രണ്ട് കുടുംബക്കാർക്കും ഇഷ്ടമായി ഉറപ്പിക്കുകയായിരുന്നു എന്നും ഇരുവരും സൂചിപ്പിച്ചിരുന്നു.

ALSO READ: പൂർണ്ണിമയ്ക്ക് ഒപ്പം രണ്ട് രഞ്ജിനിമാർ; ഒരു രഞ്ജിനിയെ മനസിലാകാതെ ആരാധകർ!
വിവാഹനിശ്ചയത്തിന് പിന്നാലെ ഇരുവരും തങ്ങളുടെ സുന്ദര നിമിഷങ്ങൾ ആരാധകർക്കായി പങ്കിടാറുണ്ട്. അത്തരത്തിൽ ഇപ്പോൾ ഇരുവരും തങ്ങളുടെ എൻകേജ് മെന്റ് റിങ് ചേർത്തുവച്ചുകൊണ്ടാണ് എത്തിയിരിക്കുന്നത്. 'എന്റെ രാജ്ഞി എപ്പോഴും ഒരു വജ്രമായി തിളങ്ങട്ടെ' എന്ന ക്യാപ്‌ഷനിലൂടെയാണ് യുവ ചിത്രം പങ്ക് വച്ചത്.

ഈ വർഷം ഇരുവരുടെയും വിവാഹം ഉണ്ടായേക്കും എന്നാണ് സൂചന.