അതെ ഞാന്‍ കല്യാണം കഴിക്കാന്‍ റെഡിയാണ്! ആലോചനകള്‍ ക്ഷണിക്കുന്നു! എല്ലാം അമ്മയ്ക്ക് വേണ്ടിയെന്ന് തിങ്കള്‍ ബാല്‍

മലയാളി ഹൗസിലൂടെയായി ശ്രദ്ധിക്കപ്പെട്ട താരമാണ് തിങ്കള്‍ ബാല്‍. യൂട്യൂബ് ചാനലിലൂടെയായും തിങ്കള്‍ വിശേഷങ്ങള്‍ പങ്കിടാറുണ്ട്. തിങ്കളിന്റെ സഹോദരിയായ ഡിംപലും നയനയും പ്രേക്ഷകര്‍ക്ക് പരിചിതയാണ്. ബിഗ് ബോസില്‍ ഡിംപല്‍ മത്സരിച്ചിരുന്നു. പപ്പയുടെ അപ്രതീക്ഷിത വിയോഗത്തെ തുടര്‍ന്നായിരുന്നു ഡിംപല്‍ പുറത്തേക്ക് പോന്നത്. ജീവിതത്തില്‍ എല്ലാ കാര്യങ്ങളിലും തനിക്ക് കൂട്ടായിരുന്നതും തന്നെ മനസിലാക്കി പിന്തുണച്ചും പപ്പയായിരുന്നുവെന്ന് ഡിംപല്‍ പറഞ്ഞിരുന്നു. പപ്പയെക്കുറിച്ച് പറഞ്ഞ് ഇടയ്ക്കിടയ്ക്ക് മക്കളെല്ലാം വാചാലരാവാറുണ്ട്. വസ്ത്രധാരണത്തെക്കുറിച്ചായാലും മറ്റ് കാര്യങ്ങളെക്കുറിച്ച് ചോദിച്ച് വിമര്‍ശിക്കുന്നവര്‍ക്കുമെല്ലാം ഡിംപലും തിങ്കളും ശക്തമായ മറുപടി നല്‍കാറുണ്ട്.
അമ്മയ്ക്ക് വേണ്ടി താന്‍ കല്യാണം കഴിക്കാന്‍ തീരുമാനിച്ചുവെന്ന് വ്യക്തമാക്കി എത്തിയിരിക്കുകയാണ് തിങ്കള്‍ ബാല്‍. ഇന്‍സ്റ്റഗ്രാം പോസ്റ്റിലൂടെയാണ് മാട്രിമോണിയല്‍ പ്രൊഫൈലിന്റെ സ്‌ക്രീന്‍ ഷോട്ട് പങ്കുവെച്ചത്. അവസരങ്ങള്‍ക്കായി കാത്തിരിക്കുന്നുവെന്നായിരുന്നു. അമ്മയുടെ ആഗ്രഹപ്രകാരം എനിക്ക് വരനെ അന്വേഷിക്കുന്നുവെന്നും തിങ്കള്‍ കുറിച്ചിരുന്നു. ആ പയ്യനെ ദൈവം അനുഗ്രഹിക്കട്ടെ എന്നായിരുന്നു തിങ്കളിന്റെ സഹോദരിയായ നയനയുടെ കമന്റ്. നാളെ ഞാന്‍ നിനക്ക് വേണ്ടി മറ്റൊരു പ്രൊഫൈല്‍ ക്രിയേറ്റ് ചെയ്യുമെന്നായിരുന്നു തിങ്കള്‍ പരഞ്ഞത്. ഞാനിപ്പോള്‍ സന്തോഷത്തോടെയാണ് ജീവിക്കുന്നത്. സിംഗിള്‍ ലൈഫ് ആസ്വദിക്കുന്നുവെന്നായിരുന്നു നയനയുടെ മറുപടി.
Also Watch
ഈ പ്രൊഫൈലിലൂടെ ഞാന്‍ ആഗ്രഹിക്കുന്ന തരത്തിലുള്ള പയ്യനെ കിട്ടുമെന്ന പ്രതീക്ഷയൊന്നുമില്ല. അമ്മയാണ് ഒന്ന് ചെയ്ത് നോക്കാന്‍ പറഞ്ഞത്. സീരിയസായി ഞാന്‍ കല്യാണം നോക്കുന്നുണ്ട്. ഇപ്പോള്‍ കല്യാണത്തിന് തയ്യാറാണെന്നുമായിരുന്നു തിങ്കള്‍ കുറിച്ചത്. നിമിഷനേരം കൊണ്ടായിരുന്നു തിങ്കളിന്റെ പോസ്റ്റ് വൈറലായി മാറിയത്. നിരവധി പേരാണ് കമന്റുകളുമായെത്തിയത്. എന്തൊക്കെയാണ് പ്രതീക്ഷകള്‍ എന്നായിരുന്നു ചിലര്‍ ചോദിച്ചത്. നിങ്ങളുടെ പ്രതീക്ഷകളെക്കുറിച്ച് എനിക്ക് മെസ്സേജ് ഇടാമെന്നായിരുന്നു തിങ്കളിന്റെ മറുപടി.