ഞങ്ങളുടേത് പ്രണയവിവാഹമല്ല! മാളൂനെ ആലോചിച്ചാലോ എന്ന ചോദ്യം ഇവിടെ വരെ എത്തി! വിവാഹശേഷം മാളവികയും തേജസും പ്രതികരിച്ചത്

കല്യാണ ചടങ്ങിന് ശേഷമായി സെറ്റ് സാരിയണിഞ്ഞും മാളവിക എത്തിയിരുന്നു. മഞ്ഞ കുര്‍ത്തിയും മുണ്ടുമായിരുന്നു തേജസിന്റെ വേഷം. നായികനായകന്‍ കഴിഞ്ഞ് കുറച്ച് വര്‍ഷങ്ങള്‍ക്ക് ശേഷം തേജസേട്ടന് കല്യാണാലോചന വരാന്‍ തുടങ്ങിയപ്പോള്‍ ചേച്ചിയാണ് മാളൂനെ ആലോചിച്ചാലോ എന്ന് ചോദിച്ചത്. മാളു യൂട്യൂബ് ചാനല്‍ തുടങ്ങും മുന്‍പെ എനിക്ക് പരിചയമുണ്ട്. ചാനല്‍ തുടങ്ങുന്നതിനെക്കുറിച്ചൊക്കെ ഞങ്ങള്‍ ഡിസ്‌കസ് ചെയ്തിരുന്നു. നായികനായകന്‍ ചെയ്തിരുന്ന സമയത്ത് ഞാന്‍ ഡിഗ്രി ഫസ്റ്റ് ഇയറായിരുന്നു. അതുകഴിഞ്ഞ് 3 വര്‍ഷത്തിന് ശേഷമാണ് ഈ പ്രൊപ്പോസല്‍ വന്നത്.

മാളു ചെയ്യുന്ന വീഡിയോകളൊക്കെ കാണാറുണ്ട്. ഞാന്‍ കൂടുതലും കളിയാക്കിയുള്ള കമന്റുകളാണ് പറയാറുള്ളത്. നല്ല കമന്‍സൊന്നും പറയാറില്ലായിരുന്നു. ചെറിയ ട്രോളുകളെക്കുറിച്ചൊക്കെ ഞാന്‍ പറയുമായിരുന്നു. എനിക്ക് മാളൂനെപ്പോലെ നിര്‍ത്താതെ സംസാരിക്കാനറിയില്ല. തമാശകളും ട്രോളുകളുമൊക്കെയേ എനിക്ക് വരുള്ളൂ. ഇവരോട് ഇങ്ങനെയൊന്നും പറയല്ലേ, ഇതൊക്കെ എങ്ങനെയാണ് വരുന്നതെന്നറിയില്ല. മാളവിക കൈപിടിച്ചതോടെ മതിയല്ലേ എന്നായിരുന്നു തേജസിന്റെ ചോദ്യം.

രണ്ടാളും ഒന്നിച്ച് സിനിമയിലൊക്കെ ഉണ്ടാവുമോ എന്ന് ചോദിച്ചപ്പോള്‍ അങ്ങനെയൊന്നുമില്ലെന്നായിരുന്നു മാളവികയുടെ മറുപടി. ഞങ്ങളൊരുമിച്ച് ഒരു റിയാലിറ്റി ഷോയിലുണ്ടായിരുന്നു. അതുകഴിഞ്ഞ് ഞാന്‍ മര്‍ച്ചന്‍്‌റ് നേവിയിലേക്ക് തിരിച്ച് പോയി. ഒരുമിച്ച് പ്രൊഡക്ടീവായുള്ള കണ്ടന്റുകള്‍ പ്രതീക്ഷിക്കാമോ എന്ന് ചോദിച്ചപ്പോള്‍ അങ്ങനെയല്ല, തേജസേട്ടന്‍ എഞ്ചീനിയറാണ്. ആ കരിയറുമായി മുന്നോട്ട് പോവും. ഞാന്‍ എന്റെ കരിയറുമായി മുന്നോട്ട് പോവും. ഒന്നിച്ചുള്ളപ്പോള്‍ വീഡിയോകളൊക്കെ ചെയ്യും.

യൂട്യൂബ് ചാനലിലൂടെയായി മാളവിക എല്ലാ വിശേഷങ്ങളും പങ്കിടുന്നുണ്ടായിരുന്നു. വിവാഹം 2023 ല്‍ കാണുമെന്ന് പറഞ്ഞ താരം അവസാനനിമിഷമാണ് വരനെ കാണിച്ചത്. പെണ്ണുകാണല്‍ മാത്രമല്ല ചെറുക്കന്‍ വീട് കാണലുമുണ്ടായിരുന്നു. ആ ചടങ്ങിന് മാളവികയും പോയിരുന്നു. തേജസേട്ടന്റെ വീട്ടുകാരാണ് എന്നോടും ചെല്ലാനായി പറഞ്ഞത്. ഇങ്ങനെയൊരു ചടങ്ങ് ശരിക്കും നല്ലതാണ്. വിവാഹശേഷം താമസിക്കാന്‍ പോവുന്ന വീട് പെണ്‍കുട്ടി നേരത്തെ കണ്ടിരിക്കുന്നതില്‍ തെറ്റില്ലെന്നായിരുന്നു മാളവിക പറഞ്ഞത്.