തേജസേട്ടനെ കാണാനുള്ള നിമിത്തമായിരുന്നു! നായികനായകനില്‍ പങ്കെടുത്തതിനെക്കുറിച്ച് മാളവിക കൃഷ്ണദാസ്‌

ഡാന്‍സിലൂടെ തുടങ്ങി അഭിനയത്തിലും കഴിവ് തെളിയിക്കുകയായിരുന്നു മാളവിക കൃഷ്ണദാസ്. യുവജനോത്സവ വേദികളില്‍ തിളങ്ങിയ താരം റിയാലിറ്റി ഷോകളിലും മത്സരിച്ചിരുന്നു. നായികനായകന് ശേഷമായി അവതാരകയായും മാളവിക തിളങ്ങിയിരുന്നു. ഡാന്‍സിംഗ് സ്റ്റാര്‍സിലെ പ്രധാന താരങ്ങളിലൊരാളാണ് ഇപ്പോള്‍ മാളവിക. കൂട്ടായി ഒരു പെണ്‍കുട്ടി മതിയെന്നുണ്ടായിരുന്നു. അങ്ങനെയാണ് അന്ന ചേച്ചിയിലേക്ക് എത്തിയത്. കോളേജില്‍ ചേച്ചി സീനിയറായിരുന്നു. അന്ന് അങ്ങനെ വലിയ പരിചയമൊന്നുമുണ്ടായിരുന്നില്ല. ഇടയ്ക്ക് പാലാപ്പള്ളി പാട്ടിനൊപ്പമായി ഡാന്‍സ് ചെയ്തിരുന്നു. അങ്ങനെ കൂട്ടായതാണ്. ബിഹൈന്‍ഡ് വുഡ്‌സിന് നല്‍കിയ അഭിമുഖത്തിലായിരുന്നു മാളവിക വിശേഷങ്ങള്‍ പങ്കുവെച്ചത്.
മനസില്ലാ മനസോടെയായാണ് നായികനായകനില്‍ മത്സരിച്ചത്. ചെ്‌ന്നൈയില്‍ ഡാന്‍സ് പഠിക്കാനായി പോയിരുന്നു. അതുകഴിഞ്ഞ് തിരിച്ച് വന്നപ്പോഴായിരുന്നു നായികനായകന്റെ പരസ്യം കണ്ടത്. അതിലേക്ക് മാളു അയയ്ക്കണമെന്നായിരുന്നു എല്ലാവരും പറഞ്ഞത്. എനിക്കൊരുപാട് ഇഷ്ടമുള്ള, കാര്യങ്ങളെല്ലാം പറഞ്ഞ് തരാറുള്ള അമ്മൂമ്മയും എന്നോട് ഇതിന് അയയ്ക്കണമെന്ന് പറഞ്ഞിരുന്നു. പൂജാമുറിയില്‍ കൃഷ്ണന് മുന്നിലായി യെസ്, നോ എന്നെഴുതിയ പേപ്പര്‍ വെച്ച് നറുക്കിട്ട് തീരുമാനിക്കുകയായിരുന്നു. അങ്ങനെയാണ് ഷോയിലേക്ക് അപേക്ഷ അയച്ചത്. രണ്ട് തവണയായാണ് അയച്ചത്. എന്തെങ്കിലും അഭിനയിച്ച് അയയ്ക്കണമെന്ന് അവര്‍ പറഞ്ഞപ്പോള്‍ ആകെ അങ്കലാപ്പായിരുന്നു. ഷോയിലേക്ക് പോവണോ, വേണ്ടയോ എന്ന കണ്‍ഫ്യൂഷനിലായിരുന്നു. പിന്നെ രണ്ടും കല്‍പ്പിച്ച് അങ്ങ് പോവുകയായിരുന്നു.
തേജസേട്ടനെ കിട്ടാനുള്ളൊരു നിമിത്തമായി മാറുകയായിരുന്നു അത്. ആദ്യം ചേട്ടനായാണ് തേജസിനെ കണ്ടതെന്നും മാളവിക പറഞ്ഞിരുന്നു. നായികനായകനില്‍ വെച്ചാണോ നിങ്ങള്‍ പ്രണയത്തിലായതെന്ന് എല്ലാവരും ചോദിച്ചിരുന്നു. ഒരുമിച്ച് പ്രണയം റൗണ്ട് ചെയ്തിരുന്നു ഇരുവരും. ആര്‍ടിഒ ഓഫീസറിന് മുന്നില്‍ ഡ്രൈവിംഗ് ലൈസന്‍സിനായി ചെല്ലു്ന്ന ചൊവ്വാദോഷക്കാരിയായ അശ്വതിയായാണ് മാളവിക എത്തിയത്. ഈ സ്‌കിറ്റിന് മികച്ച സ്വീകാര്യതയായിരുന്നു ലഭിച്ചത്. ജീവിതത്തിലും നിങ്ങള്‍ രണ്ടാളും ഒരുമിച്ചെങ്കില്‍ നല്ലതായേനെ എന്നായിരുന്നു അന്ന് എല്ലാവരും ഒരുപോലെ പറഞ്ഞത്.