ALSO READ: പണ്ട് ഞങ്ങൾ ഇങ്ങനെ ആയിരുന്നു; മിയയ്ക്കും ഡിംപിളിനും ഒപ്പം അശ്വതി ജെറിൻ!
കക്കിടിപ്പുറത്തുകാരൻ!
പൊന്നാനി കോഴിപറമ്പില്‍ തറവാട്ടില്‍ നെടുംപറമ്പില്‍ താമിയുടെയും മാളുക്കുട്ടിയുടെയും മകനായിട്ടാണ് ജിതേഷ് ജനിക്കുന്നത്. കക്കിടിപ്പുറം എല്‍പി സ്‌കൂളിലും, കുമരനെല്ലൂര്‍ ഹൈസ്‌കൂളിലും പഠിക്കുന്ന സമയത്ത് തന്നെ തെയ്യംകെട്ട്, നാടകരചന, കഥാപ്രസംഗം, പാട്ടെഴുത്ത്, സംഗീതം, സംവിധാനം തുടങ്ങിയ മേഖലകളില്‍ കഴിവു തെളിയിച്ചിട്ടുണ്ട്. എന്നാൽ അതുല്യ കലാകാരനെ നാലാൾ അറിയാൻ ഏറെ വൈകി!
അറുനൂറോളം പാട്ടുകൾ!
നാടറിയാൻ, കൈതോല, പാലം നല്ല നടപ്പാലം, വാനിന്‍ ചോട്ടിലെ. (നാടകം- ദിവ്യബലി) തുടങ്ങിയ വളരെ പ്രസിദ്ധമായ പാട്ടുകളടക്കം ഏകദേശം 600 ഓളം പാട്ടുകളെഴുതിയിട്ടുണ്ട്. അതിൽ കൈതോല, പാലം നല്ല നടപ്പാലം, തുടങ്ങിയ ഗാനങ്ങൾ ആണ് ഏറെ ശ്രദ്ധിക്കപ്പെട്ടത്. പാട്ടിനെ സ്നേഹിക്കുന്നവർ മതിമറന്ന് ആസ്വദിച്ച വരികൾ ആണ് ജിതേഷിന്റെ ഗാനങ്ങൾക്കുള്ളത്.
അപ്രതീക്ഷിത മരണം തട്ടിയെടുത്തപ്പോൾ!
നാടറിഞ്ഞു തുടങ്ങിയപ്പോഴേക്കും ജിതേഷിനെ മരണം തട്ടി എടുത്തതിന്റെ നിരാശയിലാണ് ആരാധകർ. ഒരുപാട് ഇഷ്ടപെട്ട പാട്ട്, രചയിതാവിനെ തിരിച്ചറിഞ്ഞപ്പോൾ ഒരുപാട് വൈകി... ഇപ്പോൾ ഇങ്ങനെ ഒരു വാർത്തയും. മലയാള സിനിമയിൽ അവസരം കൊടുത്തിരുന്നുയെങ്കിൽ കുറെ കൂടി ജീവൻതുടിക്കുന്ന പാട്ടുകൾ നമുക്ക് കേൾക്കാമായിരുന്നു എന്ത് ചെയ്യാൻ നമുക്കിനി ആ ശബ്ദം കേൾക്കാൻ കഴിയില്ലാലോ തുടങ്ങി നിരവധി കമന്റുകൾ നൽകിക്കൊണ്ടാണ് ജിതിഷിന്റെ മരണവാർത്ത ആരാധകർ ഏറ്റെടുത്തിരിക്കുന്നത്. .
ആദരാഞ്ജലികളുമായി താരങ്ങൾ!
ജിതേഷിന് നിരവധി താരങ്ങൾ ആണ് ആദരാഞ്ജലികൾ നേർന്നുകൊണ്ട് രംഗത്ത് വരുന്നത്. മഞ്ജു പത്രോസ്, ടിനി ടോം, ജോജു ജോർജ്, തുടങ്ങി പ്രമുഖ താരങ്ങൾ എല്ലാവരും ജിതേഷിന് ആദരാഞ്ജലികൾ നേർന്നുകൊണ്ട് രംഗത്ത് എത്തിയിട്ടുണ്ട്. കൈതോല പായ വിരിച്ച് എന്നാ നാടൻ പാട്ടിൻറെ രചയിതാവ് ജിതേഷ് ഏട്ടൻ നാടൻ പാട്ടിൻറെ ലോകത്തിൽ നിന്ന് വിടപറഞ്ഞു കണ്ണീരിൽ കുതിർന്ന ആദരാഞ്ജലികൾ എന്നാണ് നടൻ ജോജു കുറിച്ചത്.