ആനപ്പുറത്തേറി റോൺസണും നീരജയും; വീണ്ടും ശ്രദ്ധപിടിച്ചുപറ്റി താര ദമ്പതികൾ!

മിനി സ്ക്രീനിലെ വില്ലൻ ജീവിതത്തിൽ ഇപ്പോൾ കട്ട റൊമാന്സിലാണ്. പ്രണയദിനത്തിലാണ് തന്റെ വിവാഹം കഴിഞ്ഞ വിവരവും, ജീവിത പങ്കാളി ആയ സെലിബ്രിറ്റിയെക്കുറിച്ചും റോൺസൺ വെളിപ്പെടുത്തുന്നത്. ഒരുപക്ഷെ റോൺസണ് മുൻപ് തന്നെ താരത്തിന്റെ ജീവിത പങ്കാളി മിനി സ്‌ക്രീൻ പ്രേക്ഷകരുടെ പ്രിയ താരമായിരുന്നിരിക്കാം. ഒട്ടനവധി ചിത്രങ്ങളിലും, പരമ്പരകളിലും നിറഞ്ഞ നീരജയാണ് വലതുകാൽ വച്ച് റോൺസന്റെ ജീവിതത്തിലേക്ക് കടന്നത്.

പ്രേക്ഷകർ ഇരുകൈയ്യും നീട്ടി സ്വീകരിച്ച താരങ്ങൾ ജീവിതത്തിൽ ഒരുമിച്ചതിന്റെ ത്രില്ലിലായിരുന്നു ഇരുവരുടെയും ആരാധകർ. ഇപ്പോൾ ഇരുവരും വീണ്ടും പ്രേക്ഷക ശ്രദ്ധ നേടിയെടുക്കുകയാണ്. വിവാഹ വേഷത്തിൽ ആനപുറത്തേറിയ താരങ്ങളുടെ വീഡിയോ ആണ് ഇപ്പോൾ വൈറൽ ആകുന്നത്.പോരാമേ...’എന്നാരംഭിക്കുന്ന ഗാനത്തിനൊപ്പം ആണ് ഇരുവരുടെയും പ്രണയാർദ്ര നിമിഷങ്ങൾ വീഡിയോയിൽ നിറഞ്ഞിരിക്കുന്നത്.

ALSO READ: ഉപ്പും മുളകിലേക്കും കൊണ്ട് വന്നത് കേശുവിന്റെ അമ്മ; കരിയറിൽ വഴിത്തിരിവായത് രാരീ രാരീരം!കനകം ഉള്ളുതുറക്കുന്നു!

റോൺസൺ ആണ് വീഡിയോ സ്വന്തം പേജിലൂടെ ഷെയർ ചെയ്തിരിക്കുന്നത്. ഇരുവരുടെയും സേവ് ദി ഡേറ്റ് രംഗങ്ങൾ ആണ് ഇപ്പോൾ പുറത്തുവന്നിരിക്കുന്നത്. നിരവധി ആളുകൾ ആണ് ഇരുവർക്കും ആശംസയുമായി രംഗത്ത് വരുന്നത്.

ഹിന്ദു ആചാരപ്രകാരം ഫെബ്രുവരി 2 നായിരുന്നു നീരജയുടെ തറവാട്ട് ക്ഷേത്രത്തിൽ വച്ച് ഇരുവരുടെയും വിവാഹം നടക്കുന്നത്. അടുത്ത ബന്ധുക്കൾ മാത്രമാണ് വിവാഹത്തിൽ പങ്കെടുത്തത്. ഫെബ്രുവരി 28, 29, മാർച്ച് 1 എന്നീ ദിവസങ്ങളിൽ എറണാകുളത്ത് തങ്ങൾ വിവാഹ സത്കാരം ഒരുക്കിയിട്ടുണ്ടെന്ന് റോൺസൺ അഭിമുഖത്തിലൂടെ വ്യക്തമാക്കിയിരുന്നു. റൊൺസന്റേത് ഇത് രണ്ടാം വിവാഹമാണ്.