'ആങ്ങള ക്രിസ്ത്യാനി പെങ്കൊച്ചിനെ കെട്ടണമെന്ന് പറഞ്ഞപ്പോൾ' അന്നും ഇന്നും അമ്മ എങ്ങനെ; അശ്വതി പറയുന്നു!

എന്നും എപ്പോഴും പ്രേക്ഷകരുടെ പ്രിയങ്കരിയായ അവതാരകയാണ് അശ്വതി ശ്രീകാന്ത്. സ്വതസിധമായ അവതരണ ശൈലി തന്നെയാണ് അശ്വതി എന്ന അവതാരകയുടെ മുതൽക്കൂട്ട്. ഒന്നാം നിര അവതാരകർക്കൊപ്പം അശ്വതി ചുരുങ്ങിയ സമയം കൊണ്ടാണ് തന്റെ സ്ഥാനം ഉറപ്പിച്ചത്. തിരക്കുകകളിൽ നിന്നും തിരക്കുകളിലേക്ക് ഓടുമ്പോഴും കുടുംബത്തിനായുള്ള സമയം താരം മാറ്റിവയ്ക്കാറുണ്ട്. മകൾക്കൊപ്പവും ഭർത്താവിനൊപ്പവുമുള്ള ഏറ്റവും മനോഹര നിമിഷങ്ങൾ അശ്വതി പങ്ക് വയ്ക്കുകയും ചെയ്യാറുണ്ട്. മാത്രവുമല്ല, ആനുകാലിക വിഷയങ്ങളിൽ ശക്തമായ ഭാഷയിൽ തന്നെയാണ് ഒരു എഴുത്തുകാരി കൂടിയായ താരത്തിന്റെ പ്രതികരണം.

വിശേഷങ്ങൾ എല്ലാം പങ്ക് വയ്ക്കുന്ന അശ്വതി പെസഹാ ദിനം പങ്ക് വച്ച ഒരു കുറിപ്പാണു ഇപ്പോൾ ആരാധകർ ഏറ്റെടുത്തിരിക്കുന്നത്. നിരവധി ആരാധകരാണ് ആശംസ അറിയിച്ചു കൊണ്ട് രംഗത്ത് വരുന്നതും.ഒരു ക്രിസ്ത്യാനി പെങ്കൊച്ചിനെ വിവാഹം കഴിക്കണമെന്നു ആങ്ങള പറഞ്ഞപ്പോൾ തന്റെ അമ്മയുടെ അന്നത്തെ അവസ്ഥയും, ഇന്നത്തെ വ്യത്യാസവും ആണ് താരം ഇൻസ്റ്റാഗ്രാം പോസ്റ്റിലൂടെ പറയുന്നത്.

ALSO READ: സൂപ്പർ നായികയുടെ കുട്ടിക്കാല ചിത്രം ഏറ്റെടുത്ത് ആരാധകർ!

"എന്റെ ആങ്ങള ഒരു ക്രിസ്ത്യാനി പെങ്കൊച്ചിനെ കെട്ടണമെന്ന് പറഞ്ഞപ്പോൾ അന്ന് ഹൃദയം തകർന്ന് കരഞ്ഞ അമ്മ ഇന്നലെ എന്നെ ഫോൺ ചെയ്ത് പറയുന്നു ‘നാളെ പെസഹാ അല്ലേടി, അനറ്റിന് അവളുടെ വീട്ടിൽ പോവാൻ പറ്റൂല്ലല്ലോ, അവളുടെ അമ്മയോട് ചോദിച്ച് ഞാൻ പെസഹാപ്പം ഉണ്ടാക്കാൻ പോവ്വാ’ന്ന്. പിന്നല്ല. യേശു നമുക്ക് അറിയാത്ത ആളൊന്നുമല്ലല്ലോ. ജാതിയ്ക്കും മതത്തിനും അപ്പുറം നില നിൽക്കേണ്ടത് മനുഷ്യ സ്നേഹമാണെന്ന് വീണ്ടും വീണ്ടും തിരിച്ചറിയുന്ന ഈ കൊറോണക്കാലത്ത് സ്നേഹത്തോടെ പെസഹാ ആശംസകൾ",അശ്വതി പറഞ്ഞു.