നക്ഷത്രകുഞ്ഞിന് പിറന്നാൾ ആശംസകൾ നേർന്ന് ചിറ്റമ്മയും അമ്മൂമ്മയും!

പതിനൊന്ന് വർഷത്തെ അൺ കണ്ടീഷണൽ ലവ് എന്നാണ് അമ്മയും നടിയും ഫാഷൻ ഡിസൈനർ കൂടിയായ പൂർണിമ മകൾക്ക് പിറന്നാളാശംസ നേർന്നത്. എൻ്റെ കുഞ്ഞിപ്പെണ്ണിന് ഹാപ്പി ബർത്ത്ഡേ മമ്മാസ് ഗേൾ എന്നും പൂർണിമ കുറിച്ചപ്പോൾ എൻ്റെ പ്രിയപ്പെട്ട നച്ചുമ്മയ്ക്ക് പിറന്നാളാശംസകൾ. താരകങ്ങളോളം നിന്നെ അച്ഛൻ സ്നേഹിക്കുന്നുവെന്നായിരുന്നു ഇന്ദ്രന്റെ വാക്കുകൾ.

പ്രാർത്ഥനയും അനുജത്തിക്ക് സൂപ്പർ വിഷസുമായിട്ടാണ് രംഗത്ത് വന്നത് നച്ചൂസിന് ഒപ്പം ഉള്ള ചിത്രങ്ങൾ സഹിതമാണ് ചേച്ചികുട്ടി ആശംസ പങ്ക് വച്ചത്. വാക്കുകൾക്ക് അതീതമാണ് എനിക്ക് നിന്നോടുള്ള സ്നേഹം,നീ ഇല്ലെങ്കിൽ ഞാൻ എന്താകും എന്ന് പോലും എനിക്ക് അറിയില്ല, തുടങ്ങി വികാരഭാരതിമായ വരികളിലൂടെയാണ് പ്രാർത്ഥന ആശംസ നേർന്നു രംഗത്ത് വന്നത്.

പ്രിയ മോഹനും നിഹാലും നച്ചുകുട്ടിക്ക് കാലത്ത് തന്നെ ആശംസകൾ നേർന്നുകൊണ്ട് എത്തിയിരുന്നു. നച്ചുവിന്റെ ഒപ്പം ഉള്ള സുന്ദരമായ നിമിഷങ്ങൾ ചേർത്തുവച്ച വീഡിയോ ആണ് പ്രിയ പങ്ക് വച്ചത്. നച്ചുവിനെ എടുത്തുനിൽക്കുന്ന ചിത്രം നിഹാൽ പങ്ക് വച്ചപ്പോൾ അമ്മൂമ്മയുടെ പൊന്നുമോൾക്ക് , സൺഷൈന് മധുരമേറിയ പിറന്നാൾ ഉമ്മകൾ എന്നാണ് മല്ലിക സുകുമാരൻ കുറിച്ചത്.