അവനും ഈ വാലന്റൈൻസ് ഡേ ആഘോഷിച്ചു! വീഡിയോ കണ്ട് ഞെട്ടിപ്പോയി! ശങ്കരുവിനെക്കുറിച്ച് മനോജിന്റെ കുറിപ്പ്

വാലന്റൈന്‍സ് ഡേയില്‍ പോസ്റ്റ് ചെയ്യാനായി മകന്‍ ഉണ്ടാക്കിയ വീഡിയോ പങ്കിട്ടെത്തിയിരിക്കുകയാണ് മനോജ് കുമാര്‍. അവന്റെ കൈയ്യിലെ ഫോണ്‍ വെച്ച് ഇങ്ങനെയൊരു വീഡിയോ കണ്ടപ്പോള്‍ ശരിക്കും ഞെട്ടലായിരുന്നുവെന്ന് മനോജ് പറയുന്നു. അച്ഛന്റെയും അമ്മയുടെയും കഴിവ് മകന് കിട്ടാതിരിക്കുമോയെന്നായിരുന്നു ആരാധകരുടെ ചോദ്യങ്ങള്‍.
ഞങ്ങളുടെ ചെറുക്കൻ ശങ്കുരു. അവന്റെ മനസ്സിൽ ആരുമില്ലെങ്കിലും ( അറിയില്ലാട്ടോ) അവനും ഈ വാലന്റൈൻസ് ഡേ അണ്ണാൻ കുഞ്ഞിനും തന്നാലായത്" എന്ന രീതിയിൽ "ആഘോഷിച്ചു. സത്യം പറയാലോ, ഇൻസ്റ്റയിൽ ഇടാൻ അവൻ തയ്യാറാക്കിയ അവൻ്റെ ഈ വീഡിയോ കണ്ടപ്പോൾ ഞാൻ ഞെട്ടിപ്പോയി. കാരണം, അവന്റെ കൈയ്യിലുള്ള ഒരു സാധാരണ മൊബൈലിൽ അവൻ സ്വയം സൃഷ്ടിച്ചതാണ് ഇത്. ഞങ്ങൾ അറിഞ്ഞിട്ടു കൂടിയില്ല. അച്ഛൻ എന്ന നിലയിൽ നിന്റെ കഴിവിനെ ഞാൻ അഭിനന്ദിക്കുന്നു മോനെ. പക്ഷെ , ഇപ്പോൾ നീ "പ്രണയിക്കേണ്ടത്" നിൻ്റെ വിദ്യാഭ്യാസത്തെ മാത്രമാണ്.
അത് കഴിഞ്ഞ് നീ നിൻ്റെ ഉയരങ്ങൾ താണ്ടി സ്വന്തം നില കണ്ടെത്തിയതിന് ശേഷം ഏത് ജാതിയിലോ, മതത്തിലോ, സാമ്പത്തികമായി താഴ്ന്ന തലത്തിലുള്ളതോ, അങ്ങിനെ എന്തുമായി കൊള്ളട്ടേ. അതൊന്നും ഈ പപ്പയ്ക്ക് പ്രശ്നമല്ല. നല്ല സൽസ്വഭാവിയായ ഒരു പെൺകുട്ടിയായിരിക്കണം നിൻ്റെ ലൈഫ് പാർട്നർ അത്രേയുള്ളു. എൻ്റെ മുഖപുസ്തക സുഹൃത്തുക്കളെ സാക്ഷി നിർത്തി ഞാൻ പറയുന്ന കാര്യമാണിത്. അപ്പോൾ ശരി മോനേ അതൊക്കെ വിദൂരഭാവിയിലുള്ള കാര്യങ്ങളാണ്. ഇപ്പോഴേ അതൊന്നും ആലോചിച്ച് തല പുണ്ണാക്കേണ്ട. നന്നായി പഠിക്കൂ നല്ല വിജയം നേടൂ. ഞാൻ നിന്റെ പപ്പ മാത്രമല്ല നിന്റെ ചങ്ക് ബ്രോയും കൂടെയാണ് എപ്പോഴും. "സ്ഫടികത്തിലെ ചാക്കോ മാഷ് "ആവാതിരിക്കാൻ ശ്രമിക്കാം നമ്മളെല്ലാവരും എന്നുമായിരുന്നു മനോജിന്റെ കുറിപ്പ്.