എനിക്ക് ഭേദം ആയി കൊണ്ടിരിക്കുന്നു; എല്ലാവരുടെയും പ്രാർത്ഥനയ്ക്കും സ്നേഹത്തിനും നന്ദി; മിഥുൻ

ഒരു ഇൻട്രോ ആവശ്യമില്ലാത്ത വ്യക്തിത്വം ആണ് മിഥുൻ രമേശിന്റേത്. നടൻ, അർജെ, അവതാരകൻ എന്നീനിലകളിൽ തന്റേതായ സ്ഥാനം നേടിയെടുത്ത താരത്തിന് അടുത്തിടെയാണ് ബെൽസ് പാൾസി ബാധിക്കുന്നത്.

തിരുവനന്തപുരം അനന്തപുരി ആശുപത്രിയില്‍ അഡ്മിറ്റായ വിവരം മിഥുൻ തന്നെയാണ് സമൂഹമാധ്യമത്തിലൂടെ പങ്കുവെച്ചത്. വിജയകരമായി അങ്ങനെ ആശുപത്രിയില്‍ കയറി എന്ന് പറഞ്ഞുകൊണ്ടാണ് തന്റെ ആരോഗ്യസ്ഥിതിയെ കുറിച്ച് മിഥുൻ പ്രതികരിച്ചത്. ഇപ്പോഴിതാ തന്റെ നിലവിലെ അവസ്ഥയെ കുറിച്ച് പറയുകയാണ് നടൻ.

ഞാൻ ഭേദപ്പെട്ടുവരുന്നു. എല്ലാവരുടെയും പ്രാർത്ഥനയ്ക്കും, സ്നേഹത്തിനും നന്ദി എന്നും സോഷ്യൽ മീഡിയയിലൂടെ മിഥുൻ പറയുന്നു. മിഥുന്റെ തിരിച്ചുവരവിനായി ഞങ്ങൾ കാത്തിരിക്കുന്നു എന്നാണ് സോഷ്യൽ മീഡിയയിലൂടെ അദ്ദേഹത്തിന്റെ ഫാൻസ്‌ കമന്റുകൾ പങ്കിടുന്നത്.


"കഴിഞ്ഞ കുറച്ച് ദിവസങ്ങളായി യാത്രകള്‍ ആയിരുന്നു. നിങ്ങള്‍ക്ക് ഇപ്പോള്‍ കാണുന്നുണ്ടോയെന്ന് എനിക്ക് അറിയില്ല. എനിക്ക് ബെല്‍സ് പാള്‍സി ചെറുതായി ബാധിച്ചിട്ടുണ്ട്. ജസ്റ്റിന്‍ ബീബറിന് ഒക്കെ വന്ന അസുഖമാണ്. ചിരിക്കുന്ന സമയം മുഖത്തിന്റെ ഒരു സൈഡ് അനക്കാന്‍ ആകില്ല. കണ്ണുകള്‍ താനേ അടഞ്ഞ് പോകുന്ന അവസ്ഥ.- ആയിരുന്നു എന്നാണ് അസുഖത്തെ കുറിച്ച് മിഥുൻ പങ്കിട്ട വാക്കുകൾ.

'മിഥുൻ രമേശിന്റെ വീഡിയോയിൽ നിന്നും മനസിലാകുന്നത് അദ്ദേഹത്തെ വലിയ രീതിയിൽ രോഗം ബാധിച്ചിട്ടില്ല എന്നതാണ്. അതുകൊണ്ടുതന്നെ രണ്ടാഴ്ച കൊണ്ടൊക്കെ അദ്ദേഹം നോർമലായി വരും. തിരിച്ച് വരുമ്പോൾ അവരെ കംഫർട്ട് ആക്കുക. റെസ്റ്റ്, ഉറക്കം, എന്നിവ അത്യാവശ്യമാണെന്നാണ് മിഥുന്റെ വീഡിയോ വന്നതിനു പിന്നാലെ ഡോക്ടർ രാജേഷ് കുമാർ പങ്കിട്ട വീഡിയോയിൽ പറഞ്ഞത്.