ഉമ്മച്ചി ദിനാശംസകള്‍!
ഉമ്മച്ചി ദിനാശംസകള്‍ എന്ന് പറഞ്ഞുകൊണ്ടാണ് ജസ്‌ല മാതൃദിനത്തിനു അമ്മയ്ക്കായി കുറിപ്പ് എഴുതിയത്. കുഞ്ഞുനാളിലേ ഭക്ഷണം കഴിക്കാന്‍ മടിയുള്ള എനിക്ക് വായില്‍ ഭക്ഷണം കയറ്റി കുത്തിത്തിരുക്കി അടുക്കളയിലെ ചോറു തവി കൊണ്ട് ചന്തിക്കടിക്കണ നോവാണ് ഉമ്മച്ചി. ദൈവവിശ്വാസിയല്ലാത്ത മകളെ വീട്ടില്‍ നിന്ന് പുറത്താക്കണം എന്ന് പറഞ്ഞ സ്വന്തം ആങ്ങളമാരോട് നിങ്ങള്‍ പൊയ്ക്കോളു..ഞാന്‍ പെറ്റുവളര്‍ത്തിയ മകളെ എനിക്കറിയാം..അവളൊരു വ്യക്തിയാണ്..അവള്‍ക്ക് അവളുടെ ചിന്തകളും ശരികളുമുണ്ടാവും..അതില്‍ ആരും ഇടപെടണ്ട എന്ന് പറഞ്ഞെന്നെ ചേര്‍ത്ത് പിടിച്ച ഉമ്മ. ഞാൻ കണ്ടതിൽ വച്ചേറ്റവും ശക്തയായ സ്ത്രീയാണ് എനിക്കെന്റെ ഉമ്മ എന്നാണ് ജസ്‌ല പറയുന്നത്.
രണ്ട് അമ്മമാർക്കൊപ്പം ശ്രീ പദ്മ!
പരമ്പരകളിൽ വില്ലത്തി വേഷത്തിൽ എത്തുന്ന ശ്രീ പദ്മയുടെ മദേഴ്‌സ് ഡേ വിഷസ് ഇങ്ങനെ ആയിരുന്നു. "ജന്മം തന്ന ഒരമ്മ. മരുമകളായി പെറ്റ മോനെ ഏല്പിച്ചു മര്യാദക്ക് എന്റെ മോനെ നോക്കിക്കോ. എന്നുപറഞ്ഞു മകൾ ആയി സ്വീകരിച്ച മറ്റൊരമ്മ. എന്താലേ ഭാഗ്യം. ഇങ്ങനെ പോസ്റ്റ് കാണിച്ചു സ്‌നേഹം അറിയുക്കുന്നതിൽ കാര്യമൊന്നും ഇല്ല എന്നെനിക്കു അറിയാം.എന്നാലും അമ്മമാർക്കായി അവരെ അവരുടെ വില മനസിലാക്കി വിഷ് ചെയ്യാൻ ആയി ഒരു ഡേ ഉള്ളപ്പോ നമ്മളായിട്ടു കുറയണ്ടല്ലോ അല്ലെ", എന്നാണ് പദ്മയുടെ ആശംസ.
എന്റെ ജീവനായ ഉമ്മ!
എന്റെ ജീവൻ; എന്റെ എല്ലാം എല്ലാമായ അമ്മ ഐ ലവ് യൂ എന്നാണ് സീത ഫെയിം ഷാനവാസ് സോഷ്യൽ മീഡിയയിൽ കുറിച്ചത്. ഉമ്മച്ചിക്കൊപ്പമുള്ള നിരവധി ചിത്രങ്ങളും താരം പങ്കിട്ടിട്ടുണ്ട് ഒപ്പം സീതയിൽ പ്രേക്ഷകരുടെ മനസ്സിൽ അൽപ്പം നൊമ്പരം ഉണ്ടാക്കിയ ഒരു ദൃശ്യവും താരം പങ്ക് വച്ചിരുന്നു.
അമ്മേ...
അമ്മേ എന്ന നീട്ടിയൊരു വിളിയോടെയാണ് മിനി സ്ക്രീനിലെ താരം മുക്ത മദേഴ്‌സ് ഡേ വിഷസുമായി എത്തിയത്. ഞാൻ എല്ലാമാകാൻ അമ്മ എന്നെ സഹായിച്ചു. ഞങ്ങളെ നന്നായി പരിപാലിച്ചതിന് നന്ദി. അമ്മയുടെ കടമകൾ എപ്പോഴും അത്ര എളുപ്പമല്ലെന്ന് എനിക്കറിയാം! ഞാൻ അമ്മയെ ഒരുപാട് ഒരുപാട് സ്നേഹിക്കുന്നു അമ്മേ. ഹാപ്പി മദേഴ്‌സ് ഡേ എന്നാണ് മുക്ത പറയുന്നത്.
ആദിത്യൻ ജയനും!
എപ്പോഴും അമ്മയെ പറ്റി വാചാലൻ ആകുന്ന ആദിത്യൻ ജയനും അമ്മയ്‌ക്കൊപ്പമുള്ള ചിത്രമാണ് പങ്ക് വച്ചത്. ജീവനോടെ ഇല്ലെങ്കിലും തന്റെ ഒപ്പം അമ്മ എപ്പോഴും ഒരു സാന്നിധ്യമായി ഉണ്ട് എന്നാണ് താരം പലപ്പോഴും പറഞ്ഞിട്ടുള്ളത്.