ഞങ്ങളുടെ സന്തോഷം!!! പുതിയ ചിത്രങ്ങളുമായി മൃദുലയും യുവയും; ആശംസകളുമായി ആരാധകർ

ഒരു സമയത്ത് മിനിസ്ക്രീനിൽ വളരെ തിരക്കുള്ള നടിമാരിൽ ഒരാളായിരുന്നു മൃദുല. സോഷ്യൽ മീഡിയയിലും താരത്തിന് നിരവധി ഫോളോവേഴ്സാണ് ഉണ്ടായിരുന്നത്. ഭാര്യ, പൂക്കാലം വരവായി എന്നീ സീരിയലുകളിലെ മൃദുലയുടെ കഥാപാത്രങ്ങൾ ഏറെ ശ്രദ്ധിക്കപ്പെട്ടിരുന്നു. തുമ്പപ്പൂ എന്ന പരമ്പരയിലും താരം അഭിനയിച്ചിരുന്നു. സീരിയലിൽ ഹിറ്റായി നിന്ന സമയത്തായിരുന്നു താരത്തിന്റെ വിവാഹം. ഗർഭിണിയായതോടെ അഭിനയത്തിൽ നിന്ന് ഇടവേളയെടുത്തിരിക്കുകയാണ് മൃദുല.

യുവയുടേയും മൃദുലയുടേയും ഒന്നാം വിവാഹ വാർഷികത്തിന് എടുത്ത ചിത്രങ്ങളാണിപ്പോൾ താരങ്ങൾ പങ്കുവച്ചിരിക്കുന്നത്. ഞങ്ങളുടെ സന്തോഷം എന്നാണ് മൃദുല ചിത്രങ്ങൾക്ക് ക്യാപ്ഷൻ നൽകിയിരിക്കുന്നത്. സന്തോഷത്തിലേക്കുള്ള എന്റെ ടൈം മെഷീനാണ് നീ എന്നാണ് യുവ ചിത്രങ്ങൾ പങ്കുവച്ച് കുറിച്ചിരിക്കുന്നത്. രണ്ട് പേർക്കും പിറക്കാൻ പോകുന്ന കുഞ്ഞിനും ആശംസകൾ നേരുകയാണിപ്പോൾ ഇരുവരുടേയും ആരാധകർ.

കഴിഞ്ഞ ദിവസമായിരുന്നു ബേബി ഷവർ ആഘോഷങ്ങൾ യുവയും മൃദുലയും നടത്തിയത്. ഇരുവരുടേയും അടുത്ത ബന്ധുക്കൾ മാത്രമായിരുന്നു ചടങ്ങിൽ പങ്കെടുത്തത്. ഇതിന്റെ ചിത്രങ്ങളും വീഡിയോയുമെല്ലാം സോഷ്യൽ മീഡിയയിൽ വൈറലായിരുന്നു. ബേബി ഷവർ പാർട്ടിയിൽ വയലറ്റ് നിറത്തിലെ ഗൗൺ അണിഞ്ഞാണ് മൃദുലയെത്തിയത്.

തങ്ങളുടെ കുഞ്ഞുവാവ വരാൻ സമയമായെന്ന് മൃദുല അടുത്തിടെ പറഞ്ഞിരുന്നു. അധികം നാൾ അതിനായി കാത്തിരിക്കേണ്ടി വരില്ലെന്നും താരം അറിയിച്ചു. കഴിഞ്ഞ ദിവസം സഹോദരി പാർവതിയ്ക്കൊപ്പമുള്ള ചിത്രങ്ങൾ മൃദുല പങ്കുവച്ചിരുന്നു. രസകരമായ ചിത്രത്തിന് നിരവധി കമന്റുകളും ലഭിച്ചിരുന്നു. ഒരു വർഷം മുൻപ് ഞാനും അവളും എന്ന് പറഞ്ഞു കൊണ്ടായിരുന്നു മൃദുല ചിത്രം പോസ്റ്റ് ചെയതത്.