വെറുതെ ദേഷ്യപ്പെട്ടു, സങ്കടം വന്നു; ആദ്യ കുറെ ദിവസം അമ്മയായ സന്തോഷം പോലും ആസ്വാദിക്കാനായില്ല; പോസ്റ്റ് പാർട്ടം ഡിപ്രഷനെക്കുറിച്ച് മൃദുല

കുഞ്ഞു വന്ന ശേഷം ഉത്തരവാദിത്വങ്ങൾ കൂടി എന്ന് വനിതയ്ക്ക് നൽകിയ അഭിമുഖത്തിലാണ് നടി പറയുന്നത്. സമയം കൈകാര്യം ചെയ്യാൻ നന്നായി പഠിച്ചു. ഉറക്കം, യാത്രകൾ ഒക്കെയും മോളെ ചുറ്റിപ്പറ്റിയാണ് ചിട്ടപ്പെടുത്തുക. മോൾക്ക് ശാഠ്യങ്ങൾ ഒന്നുമില്ല. അമ്മ എപ്പോഴും അടുത്ത് വേണം എന്നൊന്നുമില്ല, വിശക്കുമ്പോൾ കണ്ടാൽ മതി എന്ന് മാത്രം.

പ്രസവശേഷം ചെറിയ വിഷാദം ഉണ്ടായിരുന്നു.പോസ്റ്റ്പാർട്ടം ഡിപ്രെഷനിൽ ഞാൻ ശ്രദ്ധാലുവായിരുന്നു. ശാരീരിക ബുദ്ധിമുട്ടുകൾക്ക് ഒപ്പം ജീവിതശൈലി മാറിയത്തിന്റെ ബുദ്ധിമുട്ടുകളും ഏറെയുണ്ടായി.വെറുതെ ദേഷ്യപ്പെട്ടു, സങ്കടപ്പെട്ടു അമ്മയായ സന്തോഷം ആദ്യ കുറെ ദിവസങ്ങളിൽ ആസ്വദിക്കാൻ പോലും ആയില്ല. ഉണ്ണിയേട്ടൻ ഒപ്പം തന്നെ ഉണ്ടായിരുന്നു. ഇപ്പോൾ അതൊക്കെ മാറി ഹാപ്പി ആയി പോകുന്നു.

ചെറുപ്പം മുതൽ ജീവിതത്തെ പ്രായോഗികമായി സമീപിക്കുന്ന ആളാണോ എന്ന ചോദ്യത്തിന് മൃദുല നൽകിയ മറുപടി ഇങ്ങനെ ആയിരുന്നു. ചെറിയ പ്രായത്തിൽ തന്നെ ഉത്തരവാദിത്വങ്ങൾ നമ്മളിലേക്ക് വരുമ്പോൾ അങ്ങനെ ചിന്തിച്ചു തുടങ്ങും. ആര്ഭാടങ്ങളിൽ ഞാൻ വിശ്വസിക്കുന്ന ആളല്ല. ഞങ്ങളുടെ വിവാഹവും ലളിതമായിരുന്നു. എന്റെ വിവാഹത്തിന്റെ ചിലവുകൾ സ്വയം കണ്ടെത്തിയ ആളാണ് ഞാൻ. ഒരു ദിവസത്തിനു വേണ്ടി സമ്പാദ്യം എന്തിനു ചിലവിടണം എന്നായിരുന്നു.

ഭാവി കൂടി മുൻപിൽ കണ്ടാണ് കാര്യങ്ങൾ കൊണ്ടുപോവുക. ഉണ്ണിയേട്ടനും അതുപോലെ ഒരാളാണ്. 1000 രൂപയ്ക്കും, നൂറു രൂപയ്ക്കും എങ്ങനെ ജീവിക്കാം എന്ന് അറിയുന്ന ആളാണ്. മോഡലിങ് ചെയ്തിരുന്ന സമയത്തെ കഷ്ടപാടുകളെക്കുറിച്ചും ബംഗളുരുവിൽ 100 രൂപ കൊണ്ട് ഒരു ദിവസം തള്ളി നീക്കിയതിനെക്കുറിച്ചും എന്നോട് പറഞ്ഞിട്ടുണ്ട്. മകളും അധ്വാനിച്ചു ജീവിക്കുന്നതിന്റെ മഹത്വം മനസിലാക്കണം എന്നുണ്ട്.- മൃദുല പറയുന്നു.