മഷുറയുടെ ബേബി ഷവര്‍ ഒരുക്കങ്ങള്‍ തുടങ്ങി, അടുത്ത ബേബി ഷവര്‍ ചടങ്ങ് സുഹാനയ്‌ക്കോ?

ബഷീര്‍ ബഷി ബിഗ്ഗ് ബോസ് ഹൗസില്‍ വന്ന് സ്റ്റാര്‍ ആയതിനൊപ്പം വളര്‍ന്നതാണ് ഭാര്യമാരായ മഷുറ ബഷീറും സുഹാന ബഷീറും. യൂട്യൂബില്‍ വളരെ അധികം സജീവമായ മഷുറ തന്റെ എല്ലാ വിശേഷങ്ങളും യൂട്യൂബിലൂടെ പങ്കുവയ്ക്കാറുണ്ട്. ഗര്‍ഭിണിയായ ശേഷവും അതിന്റേതായ ക്ഷീണവും മറ്റുമെല്ലാം ഉണ്ടെങ്കിലും വീഡിയോ കാത്ത് നില്‍ക്കുന്ന ആരാധകരെ നിരാശപ്പെടുത്താറില്ല. കൃത്യമായ ഇടവേളകളില്‍ മഷുറ വീഡിയോസ് പങ്കുവയ്ക്കാറുണ്ട്.

ഇപ്പോഴിതാ ഏഴാം മാസത്തില്‍ നടക്കുന്ന ബേബി ഷവര്‍ ചടങ്ങിന് വേണ്ടിയുള്ള തയ്യാറെടുപ്പുകളാണ് മഷുറ തന്റെ യൂട്യൂബ് ചാനലില്‍ പങ്കുവച്ചിരിയ്ക്കുന്നത്. കാസര്‍കോടുകാരിയായ മഷുറയെ സംബന്ധിച്ച് ഈ ചടങ്ങുകള്‍ എല്ലാം അല്പം പുതുമയുള്ളതാണ്. വീഡിയോകളിലൂടെ ആരാധകര്‍ക്ക് അധികം പരിചയമില്ലാത്ത മഷുറയുടെ വാപ്പയും ആങ്ങളയും എല്ലാം വീഡിയോയില്‍ വരുന്നുണ്ട്.

ഇത് ആരുടെ ബേബി ഷവര്‍ ആണെന്ന് ചോദിയ്ക്കുമ്പോള്‍ മഷുറയുടേതാണ് എന്ന് പറയുന്നത്, അടുത്തത് സുഹാനയുടേത് ആണോ എന്ന് തമാശയില്‍ ചോദിയ്ക്കുന്നതും വീഡിയോയില്‍ കാണാം. പണ്ടൊക്കെ ഗര്‍ഭിണിമാരുടെ കൈയ്യിലും കാലിലും എല്ലാം നീര് വരുന്നത് കാണുമ്പോള്‍ ആഹ എന്തൊരു ഭംഗി എന്ന് താന്‍ ചിന്തിച്ചിരുന്നു എന്നും, എന്നാല്‍ ഇപ്പോള്‍ അത് തനിക്ക് വന്നപ്പോഴാണ് അതിന്റെ വേദനകളെ കുറിച്ച് അറിയുന്നത് എന്നും മഷുറ പറയുന്നു.

വീട്ടിലേക്ക് വരുന്ന അതിഥികളെയും, ഭക്ഷണം ഒരുക്കുന്നതിന്റെ തിരക്കുകളും, ഡെക്രേഷനും ഒക്കെയായി ആകെ മൊത്തം തിരക്ക് തന്നെയാണ് ഇപ്പോള്‍ ബഷിയുടെ വീട്ടില്‍. ബേബി ഷോവര്‍ ചടങ്ങ് കഴിഞ്ഞ് ചിത്രങ്ങള്‍ ഇന്‍സ്റ്റഗ്രാമില്‍ മഷുറ പങ്കുവച്ചിട്ടുണ്ട്. വീഡിയോയ്ക്ക് വേണ്ടി കാത്തിരിയ്ക്കുകയാണ് എന്ന് പ്രിപ്രേഷന്‍ വീഡിയോയ്ക്ക് താഴെ വന്ന് ആരാധകര്‍ കമന്റ് ഇട്ടിട്ടുണ്ട്.