നമ്മൾ തളർന്നു പോവുകയാണ്; കല്യാണം എന്താ ബാറിൽ വച്ചാണോ നടക്കുന്നത്; നട്ടാൽ കുരുക്കാത്ത സംഭവങ്ങൾ ആണ് വരുന്നത്; മുകേഷ്

എന്തുകൊണ്ട് അഭിമുഖങ്ങൾ കൊടുക്കുന്നതിൽ നിന്നും വിട്ടുനിൽക്കുന്നു എന്ന അവതാരകന്റെ ചോദ്യത്തിനോട് മറുപടി നൽകുകയാണ് മുകേഷ്. സോഷ്യൽ മീഡിയയ്ക്ക് ഒരുപാട് പ്ലസ് ഉണ്ട് എന്നാൽ ഒരുപാട് നെഗറ്റീവ്‌സും ഉണ്ട്. നെഗറ്റീവ് സൈഡുകൾ ഏറ്റവും കൂടുതൽ ബാധിച്ചത് എന്നെ പോലെയുള്ള ആളുകളെയാണ്. സിനിമ നടനും, രാഷ്ട്രീയ പ്രവർത്തനവും പിന്നെ എംഎൽഎ കൂടി ആകുമ്പോൾ അത് വളരെ ഷാർപ്പായിട്ടാണ് കിട്ടുന്നത്.

ഞാൻ തന്നെ ആലോചിക്കാറുണ്ട് എനിക്ക് ഇതിന്റെ ആവശ്യം ഉണ്ടോ എന്ന്. ഞാൻ എന്തിനു പോയി തല വച്ച് കൊടുക്കുന്നു എന്ന് ചിന്തിക്കാറുണ്ട്. ഏറ്റവും ലേറ്റസ്റ്റ് എന്ന്പറയുന്നത് മണിയൻപിള്ള രാജുവിന്റെ മകന്റെ വിവാഹത്തിന് പങ്കെടുക്കാൻ പോയി. തിരുവനന്തപുറത്തുവച്ചാണ് അത് നടക്കുന്നത്. അവിടെ പോയി ഭക്ഷണം കഴിച്ചു ഞാൻ തിരികെ ഇറങ്ങിയപ്പോൾ പഴയ നടി കാർത്തിക അവിടെ നിക്കുന്നു. ഞാൻ അവരെ വിഷ് ചെയ്തു. അപ്പോൾ അവിടെ ഈ ഓൺലൈൻ മീഡിയക്കാർ ഇങ്ങനെ ചുറ്റിനും നിൽക്കുന്നതുമുണ്ട്. - മുകേഷ് പറയുന്നു.

ഞാൻ കാർത്തികയോട് പറഞ്ഞു, അവർക്ക് എന്തെങ്കിലും കൊടുത്തോ, സൂക്ഷിക്കണം കേട്ടോ, എല്ലാം കറക്ട് ആയി പറയണം എന്നും ഞാൻപറഞ്ഞിരുന്നു . ഇത് ഞാൻ പറയുന്നത് കേട്ടപ്പോൾ മീഡിയക്കാർ എന്റെ അടുത്തേക്ക് വന്നു, അതുകണ്ടോണ്ട് ഞാൻ ചിരിച്ചു കൊണ്ട് പറഞ്ഞു നല്ല ഫുഡ്, ഞാൻ കഴിച്ചിട്ട് വരുവാ, അത്രെമേ ഉള്ളൂ എന്നും പറഞ്ഞു കാറിൽ കയറി. അല്ലെങ്കിൽ അവിടെ നിന്നാൽ പലവിധ ചോദ്യങ്ങൾ വരും. അതുകൊണ്ട് അവിടെ നിന്നും തമാശ പറഞ്ഞാണ് പിരിയുന്നത്.

ഈ സംഭവം എന്നാൽ അധികം വൈകാതെ സോഷ്യൽ മീഡിയയിൽ ,മദ്യപിച്ചു മദോന്മത്തനായി വിവാഹ വേദിയിൽ നിന്നും ഇറങ്ങിയ മുകേഷ് കാർത്തികയോട്. എന്ന ടൈറ്റിലിൽ ആണ് ആ ക്ലിപ്പ് പുറത്തുപോയത്. എന്താണ് നമ്മൾ കരുതേണ്ടത്. നമ്മൾ തകർന്നു പോവുകയാണ്. കാരണം നമ്മൾ വിവാഹത്തിന് പങ്കെടുക്കാൻ വേണ്ടിയാണു പോയത്. അതെന്താണ് ബാറിൽ വച്ചാണോ അപ്പോൾ വിവാഹംന നടക്കുന്നത്. ഇങ്ങനെ നട്ടാൽ കിളിക്കാത്ത സംഭവങ്ങൾ ആണ് പുറത്തുവരുന്നത്. - മുകേഷ് കൈരളി ചാനലിനോട് പറഞ്ഞു.