എന്റെ അച്ഛന്‍ മുസ്ലീം ആണ്, ഞാന്‍ അമ്പലത്തിലും പോവും വിളക്കും കത്തിയ്ക്കും; ഇനിയ പറയുന്നു, പ്രണയത്തെ കുറിച്ച് ചോദിച്ചപ്പോള്‍ നടിയുടെ മറുപടി

പ്രണയിക്കാന്‍ വീട്ടില്‍ എല്ലാ വിധ സ്വാതന്ത്രവും നല്‍കിയിട്ടുണ്ട്. എന്റെ അച്ഛനും അമ്മയും പ്രണയിച്ച് വിവാഹം ചെയ്തവരാണ്. അച്ഛന്‍ മുസ്ലീമും അമ്മ ഹിന്ദുവും. വീട്ടില്‍ മുസ്ലീം ആചാരങ്ങള്‍ പ്രകാരമുള്ള ആഘോഷങ്ങളും നടക്കാറുണ്ട്. ഞാന്‍ പള്ളിയിലും പോവും അമ്പലത്തിലും പോകും. വീട്ടില്‍ വിളക്ക് കത്തിക്കാറും ഉണ്ട്- ഇനിയ പറഞ്ഞു.

പ്രണയിക്കാനുള്ള എല്ലാ സ്വാതന്ത്രവും ഉണ്ടെങ്കിലും സമയമില്ല എന്നതാണ് ഇപ്പോഴത്തെ പ്രശ്‌നം. പറ്റിയ ആളെ കിട്ടിയിട്ടില്ല. മിക്കവാറും അച്ഛനും അമ്മയും അധികം വൈകാതെ എന്നെ ലോക്ക് ചെയ്യും എന്നാണ് കരുതുന്നത്. സീരിയസ് ആയ പ്രണയം ഒന്നും ഇതുവരെ ജീവിതത്തില്‍ ഉണ്ടായിട്ടില്ല.

എന്റെ ആദ്യത്തെ പ്രണയം പതിമൂന്നാം വയസ്സില്‍ ആയിരുന്നു. സീരിയസ് ആയിരുന്ന ബന്ധം ഒന്നും ആയിരുന്നില്ല, എന്നാലും ആ പ്രണയമാണ് ഇപ്പോഴും ഓര്‍മിയ്ക്കുന്നത്. ഞാന്‍ അഭിനയത്തിലേക്ക് വരുന്ന സമയത്തായിരുന്നു ആ പ്രണയം. അവര്‍ക്ക് അഭിനയത്തോട് താത്പര്യം ഉണ്ടായിരുന്നില്ല, അവരുടെ വീട്ടുകാര്‍ക്കും അത് ഇഷ്ടമല്ല, അതോടെ വിട്ടു.

കല്യാണം കഴിക്കുകയാണെങ്കില്‍ ഷാഹിദ് കപൂറിനെ പോലെ ഒരാളെ കല്യാണം കഴിക്കണം എന്നാണ് എന്റെ ആഗ്രഹം. ചെറുപ്പത്തിലേ തോന്നിയ ക്രഷ് ആണ്. ഇപ്പോഴും അത് അങ്ങനെ തന്നെയുണ്ട്. എന്നാല്‍ അത് പോലെ ഒരാളെ ജീവിതത്തില്‍ കണ്ടിട്ടില്ല, കണ്ട് മുട്ടാന്‍ വേണ്ടി ശ്രമിച്ചിട്ടും ഇല്ല- ഇനിയ പറഞ്ഞു.