മൗനരാഗം ലൈഫ് മാറ്റിമറിച്ചു
എങ്ങനെയാണു ഈ ശരീര ഭാഷ പഠിച്ചത് എന്നുഅവതാരക ചോദിക്കുമ്പോൾ യൂ ട്യൂബിൽ നിന്നാണ് താൻ പഠിച്ചത് എന്ന് പറയുകയാണ് ഐശ്വര്യ. നലീഫും നായികയ്ക്കൊപ്പം ബിഹൈൻഡ് വുഡ്സിൽ അഭിമുഖത്തിൽ പങ്കെടുക്കാൻ എത്തിയിരുന്നു. ഒരു നായകൻ ആകണം എന്ന ആഗ്രഹം ഒന്നും തനിക്ക് ഉണ്ടായിരുന്നില്ല, പകരം ഒരു നടൻ ആകണം എന്നെ ഉണ്ടായിരുന്നുള്ളൂ എന്ന് പറയുകയാണ് നലീഫ്. മൗനരാഗം തന്റെ ലൈഫ് തന്നെ മാറ്റിമറിച്ചുവെന്നും നലീഫ് പറയുന്നു.
ഇപ്പോഴും എനിക്ക് മനസിലായിട്ടില്ല
ഐഷുവിന്റെ ആംഗ്യ ഭാഷ തനിക്ക് ഇപ്പോഴും മനസിലായിട്ടില്ല എന്ന് ചിരിച്ചുകൊണ്ട് പറയുന്നു നലീഫ്. എത്രകാലം ഈ രീതിയിൽ ഉള്ള സംസാരം ഉണ്ടാകും എന്ന് ചോദിക്കുമ്പോൾ അധികം വൈകാതെ സീരിയലിലെ കഥാപാത്രത്തിന് ശബ്ദം ലഭിക്കുമെന്നും ഉടനെ തന്നെ സംസാരിച്ചു തുടങ്ങും എന്ന സൂചനയും ഇരുവരും അഭിമുഖത്തിൽ നൽകുന്നുണ്ട്. താനും ഐശ്വര്യയും തമ്മിൽ നല്ല കൂട്ടുകാർ ആണ്, ആ സൗഹൃദം ആണ് സ്ക്രീനിൽ എത്തുന്നത് എന്നും ഇരുവരും പറഞ്ഞു.
നിങ്ങളും ഇത് തന്നെ പങ്കിടും
എല്ലാവരേയും പോലെ സിനിമ തന്നെയാണ് എന്റെയും സ്വപ്നം. സീരിയല് ഷെഡ്യൂള് നല്ല ടൈറ്റാണ്. സിനിമയക്ക് വേണ്ടത്ര സമയം കൊടുക്കാന് പറ്റുന്നില്ല. എന്നാലും എത്രയും വേഗം ഞാന് സിനിമ ചെയ്യും എന്നും നലീഫ് പറഞ്ഞിട്ടുണ്ട്.
ഇവരുടെ പുത്തൻ വീഡിയോ വൈറൽ ആയതോടെ ശരിക്കും 'ഇവൾ സംസാരിക്കില്ല', എന്ന കമന്റും ആരാധകർ പങ്കിട്ടു. അതേസമയം തമിഴ് ചാനലിൽ നൽകിയ അഭിമുഖത്തിൽ ഐശ്വര്യ സംസാരിച്ചു എന്ന കാര്യവും ആരാധകർ വീഡിയോയിൽ കമന്റായി പങ്കിടുന്നുണ്ട്. രസകരമായ സംഗതി, ശരിക്കും ഇവൾ സംസാരിക്കില്ലേ എന്നായിരിക്കും നിങ്ങളും തംബ് പങ്കിടുന്നത് എന്നും നാലീഫ് അഭിമുഖത്തിൽ വീണയോട് പറയുന്നു.
ഇവരെ ചുറ്റിപ്പറ്റിയുള്ള സംഭവ വികാസങ്ങൾ
മിണ്ടാപ്പെണ്ണായ കല്യാണിക്ക് കുടുംബത്തില് നിന്നും അര്ഹിക്കുന്ന പരിഗണന ലഭിക്കുന്നില്ല.ജോലി ചെയ്യുന്ന സ്ഥാപനത്തിന്റെ ഉടമയായ കിരണില് നിന്നുമാണ് കല്യാണിക്ക് സ്നേഹവും കരുകലും ലഭിക്കുന്നത്. കിരണിന്റെ സഹോദരിയായ സോണിയെ വിവാഹം കഴിച്ചത് കല്യാണിയുടെ സഹോദരനാണ്. ഇവരുടെ വിവാഹശേഷം കല്യാണിയും കിരണും വിവാഹിതർ ആകുന്നു. ഇവരെ ചുറ്റിപ്പറ്റിയുള്ള സംഭവ വികാസങ്ങൾ ആണ് പരമ്പരയുടെ ഇതിവൃത്തം.