മതവും, ഇന്ഡസ്ട്രിയും പ്രശ്നമായി; രജിസ്റ്റർ വിവാഹമല്ലാതെ മാർഗ്ഗമില്ലായിരുന്നു; രവി വർമ്മന്റെ യഥാർത്ഥ പ്രണയ കഥ!

നിരവധി സീരിയലുകളിലും സിനിമകളിലും മികച്ച വേഷങ്ങള്‍ ചെയ്ത ഷിജു കുറച്ചുകാലം അഭിനയത്തിൽ നിന്നും ഇടവേള എടുത്തിരിക്കുകയായിരുന്നു. 2016ല്‍ ജാഗ്രത എന്ന പരമ്പരയിലാണ് ഷിജു അവസാനമായെത്തിയത്. ഇടയ്ക്ക് സ്വാമി അയ്യപ്പനിലെ പുനസംപ്രേക്ഷണത്തിലും പന്തളം മഹാരാജാവായി ഷിജു എത്തി.

മഴവില്‍ക്കൂടാരം, ഇഷ്ടമാണ് നൂറുവട്ടം, കാലചക്രം, സിദ്ധാര്‍ത്ഥ, വാചാലം കാര്യസ്ഥന്‍, കമ്മത്ത് ആന്‍ഡ് കമ്മത്ത്, സൗണ്ട് തോമ, കസിന്‍സ്, ഒരു പഴയ ബോംബ് കഥ, പാവ, ജമ്നാപ്യാരി തുടങ്ങിയ മലയാളം സിനിമകളിലും ഷിജു നിറഞ്ഞു നിന്നു. മാത്രവും ആല്ല തമിഴകത്ത് നിന്നും മലയാളത്തിലേക്കും പിന്നീട് ഇന്റര്‍ നാഷണല്‍ സിനിമയിലേക്കും എത്തിയ ആൾ കൂടിയാണ് ഷിജു.

കുവൈത്ത് എയര്‍ വേഴ്സിലെ എയര്‍ ഹോസ്റ്റസും ഭരതനാട്യം ഡാന്‍സറുമായ പ്രീതി പ്രേമിനെയാണ് ഷിജു വിവാഹം ചെയ്തത്. ഇരുവർക്കും ഒരു മകളാണ്. പ്രണയവിവാഹമായിരുന്നു ഷിജുവിന്റേ്ത്. സുഹൃത്തായിരുന്നു ആദ്യം പ്രീതി എന്ന് മനസിലൊരു മഴവില്ല് എന്ന പരിപാടിയിൽ ഷിജു തുറന്നു പറഞ്ഞിട്ടുണ്ട്. വിവാഹം കഴിഞ്ഞിട്ട് വർഷങ്ങൾ ആയെങ്കിലും ഇപ്പോഴും തങ്ങൾ പ്രേമത്തിന്റെ ഹാങ്ങോവറിൽ ആണ് എന്ന് ഇരുവരും പറയുന്നു.

കുവൈത്തിലാണ് ഷിജുവിന്റെ ഭാര്യ പ്രീത ജനിച്ചു വളര്‍ന്നത്. അച്ഛന്‍ മരിച്ച സമയത്താണ് ഷിജുവിനെ താൻ പരിചയപ്പെടുന്നത് എന്ന് പ്രീത പറയുന്നു. ഷിജുവിലൂടെ അച്ഛന്റെ വിടവ് മാറുകയായിരുന്നു. തന്നെ ഒരുപാട് മാറ്റങ്ങള്‍ വരുത്തിയെന്നും ഒരുപാട് ബോള്‍ഡാക്കിയതും ഷിജു ആണെന്നും പ്രീത പറയുന്നു. മാത്രവുമല്ല, വിവാഹത്തിന് തന്റെ അമ്മ എതിര് ആയിരുന്നതായും മതവും, ഇന്ഡസ്ട്രിയും പ്രശ്നമായപ്പോൾ രജിസ്റ്റർ വിവാഹമല്ലാതെ മാർഗ്ഗമില്ലായിരുന്നു എന്നും പ്രീതയും ഷിജുവും പറയുന്നുണ്ട്. വീഡിയോ ഇപ്പോൾ സോഷ്യൽ മീഡിയയിൽ വൈറൽ ആണ്.