നിങ്ങളൊരു മുസ്ലീമാണോ? സന എന്തിനാണ് മേക്കപ്പിടുന്നത്, വേറെ അഫയറുണ്ടോ? ചോദ്യങ്ങള്‍ക്ക് മറുപടിയുമായി ഷിഹാബും സനയും! വീഡിയോ വൈറൽ

ഇതെന്തിനാണ് പുട്ടി അടിച്ചത് പോലെ നടക്കുന്നതെന്നായിരുന്നു ഒരാള്‍ ചോദിച്ചത്. മേക്കപ്പ് ചെയ്ത് എന്ത് കോലമെന്നായിരുന്നു വേറൊരാള്‍ ചോദിച്ചത്. എന്തിനാണ് ഇത്ര മേക്കപ്പിടുന്നത്, സനയക്ക് വേറെ അഫയറുണ്ടോയെന്നുള്ള ചോദ്യവുമുണ്ടായിരുന്നു. ഇഷ്ടമുള്ള വസ്ത്രം ധരിക്കുന്നത് ഒരാളുടെ സ്വാതന്ത്ര്യമാണ്. വീട്ടിലിടുന്ന വസ്ത്രം ധരിച്ച് പുറത്തേക്ക് പോവാനാവില്ലല്ലോ. പുറത്ത് ആളുകള്‍ കാണുന്ന സമയത്ത് നമ്മളെ മനോഹരമായി കാണണമെന്ന് കരുതിയാണ് നമ്മള്‍ നല്ല ഡ്രസ് ഇടുന്നത്. അല്ലാതെ അഫയറുള്ളത് കൊണ്ടല്ല, അത് തെറ്റിദ്ധാരണയാണെന്നായിരുന്നു ഷിഹാബ് പറഞ്ഞത്.

സന അധികം സംസാരിക്കുന്നയാളല്ല, ഭയങ്കര ജാഡയാണെന്നൊക്കെയാണ് ചിലര്‍ എന്നെക്കുറിച്ച് പറയുന്നത്. ഒരുപാട് സംസാരിക്കുന്നവര്‍ പാവമെന്നാണോ, അവര്‍ക്ക് ഇളക്കം കൂടുതലാണെന്നൊക്കെ പറയുന്നത് കേട്ടിട്ടുണ്ട്. എന്തിനാണ് ഒരു വീഡിയോ കണ്ട് മേക്കപ്പ് ചെയ്തിട്ടുണ്ട്, അധികം സംസാരിക്കുന്നില്ല, ജാഡയാണ് എന്നൊക്കെ എന്തിനാണ് വിലയിരുത്തുന്നതെന്നായിരുന്നു ഷിഹാബ് ചോദിച്ചത്. എനിക്ക് ഒരുങ്ങി നടക്കാനിഷ്ടമാണ്, ഇവിടെയാര്‍ക്കും അതില്‍ പ്രശ്‌നമില്ല. ഞങ്ങളുടെ വീട്ടുകാര്‍ക്കും വിഷയമല്ല. സനയ്ക്ക് അതിലൊരു സന്തോഷം കിട്ടുന്നുണ്ടെങ്കില്‍ കിട്ടട്ടെയെന്നായിരുന്നു ഷിഹാബിന്റെ മറുപടി.

എടാ ഷിഹാബേ നീ മുസ്ലീമാണോയെന്നായിരുന്നു ഒരാളുടെ ചോദ്യം. അല്ലേ, അങ്ങനെയാണ് പേരന്‍സ് എന്നെ വളര്‍ത്തിയിട്ടുള്ളതെന്നായിരുന്നു ഷിഹാബ് പറഞ്ഞത്. പൊട്ടക്കിണറ്റിലെ തവളയെപ്പോലെയാണോ നിങ്ങള്‍ ജീവിക്കുന്നത്. തെറ്റായ രീതിയില്‍, മറ്റുള്ളവരെ പ്രകോപിപ്പിക്കുന്നത് പോലെ ഒരുങ്ങാന്‍ പാടില്ലെന്നുള്ളത് ന്യായമായ കാര്യമാണ്. എന്നാല്‍ വീഡിയോ എടുക്കുമ്പോള്‍ മുഖത്ത് കുറച്ച് മേക്കപ്പിടുന്നത് തെറ്റാണോയെന്നായിരുന്നു ഷിഹാബ് ചോദിച്ചത്. ഇങ്ങനെയുള്ള കമന്റുകളോടൊന്നും മറുപടി പറയാന്‍ താല്‍പര്യമില്ല.

സൗന്ദര്യം പ്രദര്‍ശനത്തിന് മുന്‍പ് റിഫ മെഹ്നുവിന്റെയും ഷഹാനയുടേയുമൊക്കെ കാര്യം ഓര്‍ക്കുന്നത് നന്നാണെന്നായിരുന്നു ഒരാളുടെ ചോദ്യം. അതെങ്ങനെയാണ്, സൗന്ദര്യം കൊണ്ടാണോ അവര്‍ ആത്മഹത്യ ചെയ്തത്. സൗന്ദര്യം ഇല്ലാത്തതിന്റെ പേരില്‍ ആത്മഹത്യ ചെയ്യാന്‍ നില്‍ക്കുകയാണോ നിങ്ങള്‍. എന്തിനാണ് ഇങ്ങനെയൊക്കെ മണ്ടത്തരം പറയുന്നതെന്നായിരുന്നു ഷിഹാബിന്റെ മറുപടി.

സന ജീന്‍സും ടോപ്പുമൊക്കെ ധരിക്കാറുണ്ട്. സനയ്ക്ക് അത് ബോറായിത്തോന്നിയിട്ടില്ല. ശരീരത്തിന്റെ ഭാഗങ്ങളൊന്നും പ്രദര്‍ശിപ്പിക്കുന്നില്ല. വേറൊരു റിഫയാവരുത് എന്ന് പറയാന്‍ കാരണം യൂട്യൂബില്‍ വീഡിയോ പോസ്റ്റ് ചെയ്തത് കൊണ്ടാണോ. ലൈക്കും സബ്‌സ്‌ക്രൈബേഴ്‌സൊന്നും ഖബറിലേക്ക് ഉണ്ടാവില്ലെന്നും കമന്റിലുണ്ടായിരുന്നു. പ്രാര്‍ത്ഥനയും കുടുംബകാര്യങ്ങളുമൊക്കെയായി നിന്നാല്‍പ്പോരേ നിങ്ങള്‍ക്ക്, അല്ലെങ്കില്‍ ഇതൊക്കെ ഉള്‍ക്കൊള്ളാന്‍ തയ്യാറാവണമെന്നായിരുന്നു ഷിഹാബ് പറഞ്ഞത്. മോശമായ ഒരു കാര്യവും ഞങ്ങള്‍ ചെയ്യുന്നില്ല.