തീർച്ചയായിട്ടും എന്റെ ചുരുളമ്മക്ക് തന്നെയാണ് ആദ്യ സ്ഥാനം; ആരാധകരുടെ സംശയങ്ങൾക്ക് ശ്രീനിയുടെ മറുപടി!

മലയാള മിനി സ്‌ക്രീൻ പ്രേക്ഷകരുടെ പ്രിയപ്പെട്ട താര ദമ്പതികൾ ആണ് പേളിയും ശ്രീനിഷും. ബിഗ് ബോസിൽ വച്ചുണ്ടായ പ്രണയം ജീവിതത്തിലും പകർത്തിയവർ ആണ് ഇരുവരും. ഇപ്പോഴും തങ്ങൾ പ്രണയത്തിൽ ആണെന്ന് അവരുടെ പോസ്റ്റുകൾ പലപ്പോഴും വ്യതമാക്കാറുണ്ട്. അടുത്തിടെയാണ് ഇവരുടെ ജീവിതത്തിലേക്ക് പുതിയ ഒരംഗം കൂടി വന്നെത്തിയത്.


നില എത്തിയ ശേഷം പേളി പങ്കിട്ട വീഡിയോകൾ എല്ലാം സോഷ്യൽ മീഡിയ ട്രെൻഡിങ്ങിൽ ഒന്നാമതായിരുന്നു.

ALSO READ:മാനുഷിക പരിഗണനയാകാം; ഇതിലൂടെ എന്നെ കള്ളനാക്കി മാറ്റരുത്; എന്റേതായ പ്രശ്നങ്ങൾ ഒരുപാടുണ്ട്; ആരെയും ഉപദ്രവിക്കാതെ, ജീവിക്കുന്ന ഒരാളാണ് ഞാൻ;സൂരജിന് ചിലത് പറയാനുണ്ട്!

സോഷ്യൽ മീഡിയയിൽ ഏറെ സജീവമായ താര ദമ്പതികൾ പങ്കിടുന്ന എന്ത് വിശേഷവും അതിവേഗമാണ് ആരാധകരിലേക്ക് എത്തുന്നത്. ഇപ്പോൾ ആരാധകരുടെ കുഴപ്പിക്കുന്ന ചോദ്യത്തിന് ശ്രീനിഷ് നൽകിയ മറുപടിയാണ് പേളിഷ് ആരാധകർക്ക് ഏറെ സന്തോഷം നൽകിയത്. കുഞ്ഞിനാണോ പേര്‍ളിയ്ക്ക് ആണോ കൂടുതല്‍ പ്രധാന്യമെന്ന ചോദ്യത്തിന് ശ്രീനിഷ് നൽകിയ മറുപടിയാണ് വൈറൽ ആകുന്നത്.

' തീര്‍ച്ചയായും എന്റെ ചുരുളമ്മയ്ക്ക്', എന്നാണ് ശ്രീനിഷ് മറുപടി നൽകിയത്. മകള്‍ക്ക് നില എന്ന് പേരിട്ടത് ആരാണെന്ന ചോദ്യത്തിന് 'എന്റെ പൊണ്ടാട്ടി' ആണെന്നും നടൻ വ്യക്തമാക്കി. പ്രസവത്തിന് ആശുപത്രിയില്‍ എത്തിച്ചതിന് ശേഷം ഫോം പൂരിപ്പിക്കുന്ന പേളിയുടെ വീഡിയോ കൂടി ശ്രീനിഷ് പങ്കുവെച്ചിട്ടുണ്ട്. ശ്രീനിയ്ക്ക് സഹോദരന്മാരുണ്ടോ എന്ന ചോദ്യത്തിന് രണ്ട് പെങ്ങന്മാരുണ്ടെന്ന് പറഞ്ഞ് അവർക്ക് ഒപ്പമുള്ള ഫോട്ടോയും താരം പങ്കിട്ടിട്ടുണ്ട്.

ALSO READ: നമ്മുടെ വേദികയ്ക്ക് എന്തുപറ്റിയെന്ന് പ്രേക്ഷകർ; മനോധൈര്യം കൂട്ടാൻ എപ്പൊഴും വത്യസ്തമായ വഴിയാണ് തിരഞ്ഞെടുക്കാറുളളതെന്ന് അമേയ!


മകൾക്ക് നില എന്ന് പേരിട്ടിരിക്കുന്നതിൻ്റെ കാരണവും മുൻപ് താരങ്ങൾ പങ്കുവെച്ചിട്ടുണ്ട്. അവളെ ആദ്യമായി ഞങ്ങൾ കയ്യിൽ എടുത്തപ്പോൾ ചന്ദ്രനെ കയ്യിൽ പിടിച്ചിരിക്കുന്നതിനു സമാനമായ അനുഭവമാണ് ഞങ്ങൾക്ക് ഉണ്ടായത്. വളരെ വിലപ്പെട്ടതാണ്. അത്തരത്തിലൊരു സ്വപ്നം സാക്ഷാത്കരിച്ചിരിക്കുകയാണ് ഇപ്പോൾ. അത് ശുദ്ധവും ദൈവികവുമായി അനുഭവപ്പെട്ടെന്നും അതിനാലാണ് ചന്ദ്രൻ എന്നർഥം വരുന്ന നിലാ എന്ന പേര് അവൾക്ക് നൽകിയതെന്നും പേളി മാണി മുൻപേ വ്യക്തമാക്കിയിട്ടുണ്ട്.