Ponnu And Shebin Reveals Why They Turn Off Their Comment Box
ഞാനിപ്പോഴും ക്രിസ്ത്യനാണ്! അമ്പലത്തിലെ കല്യാണം അവർക്കിഷ്ടമായില്ല! കമന്റ് ബോക്സ് ഓഫാക്കിയതിന്റെ കാരണം പറഞ്ഞ് പൊന്നുവും ഷെബിനും
നേരത്തെ പ്രശ്നങ്ങളൊക്കെയുണ്ടായിരുന്നു. ഇപ്പോ ഞങ്ങൾ എല്ലാവരും ഒന്നാണ്. അച്ചി വീട്ടിൽ നിൽക്കുകയാണെന്നൊക്കെ പറയുന്നതെന്തിനാണ്. അവിടെ ഞങ്ങൾക്ക് ഫ്ളാറ്റുണ്ട്. ഇവിടെ വന്നിട്ട് പോവാൻ നിൽക്കുവാണെങ്കിൽ കുണുക്കന് പെട്ടെന്ന് മനസിലാവും. അവൻ വന്ന് ഞങ്ങളെ ചുറ്റും. കുണുക്കനെ കൊണ്ടുപോയാലോ എന്നൊക്കെയുള്ള ആലോചനയുണ്ടായിരുന്നു.
Edited byഅനുപമ നായർ | Samayam Malayalam21 Jan 2023, 11:52 pm
യൂട്യൂബ് ചാനലിലൂടെയായി വിശേഷങ്ങൾ പങ്കിടുന്നവരാണ് പൊന്നുവും ഷെബിനും. ഉപ്പും മുളകും ലൈറ്റ്, പൊന്നൂസ് വ്ളോഗ് ചാനലിലൂടെയായി പൊന്നുവിന്റെ പ്രണയവും ഒളിച്ചോട്ടവും വീട്ടിലേക്കുള്ള തിരിച്ച് വരവുമെല്ലാം വലിയ ചർച്ചയായിരുന്നു. ഇവരുടെ വീഡിയോയ്ക്ക് റിയാക്ഷനുമായും ചിലരെത്തിയിരുന്നു. പ്രേക്ഷകരുടെ ചോദ്യങ്ങൾക്കും വിമർശനങ്ങൾക്കുമെല്ലാം മറുപടിയേകിയും പൊന്നുവും ഷെബിനും എത്തിയിരുന്നു. പതിവിൽ നിന്നും വ്യത്യസ്തമായ കമന്റ് ബോക്സ് എന്നന്നേക്കുമായി ഓഫ് ചെയ്തിരിക്കുകയാണെന്നും ഇവർ വ്യക്തമാക്കിയിരുന്നു. പുതിയ വീഡിയോയിലൂടെയായാണ് ഇതേക്കുറിച്ച് വിശദീകരിച്ചത്.
ഓഫാക്കി
ഞങ്ങൾ കമന്റ് ബോക്സ് ഓഫാക്കി വെച്ചിരിക്കുകയാണ്. ആദ്യം മുതൽ അവസാനം വരെയുള്ള വീഡിയോകളിൽ ഇനി കമന്റ് ചെയ്യാനാവില്ല. പൈസ കൊടുത്ത് ആൾക്കാരെക്കൊണ്ട് ഞങ്ങളെ ചീത്ത വിളിപ്പിക്കുകയാണ് ചിലർ ചെയ്യുന്നത്. ആരാണ് ഇതിന് പിന്നിലെന്ന് ഞങ്ങൾക്ക് അറിയാം. ഞങ്ങളെ നെഗറ്റീവ് പറഞ്ഞ് ആ വ്യക്തിയെ പൊക്കിപ്പറയാനാണ് നിർദേശം. ഫേക്ക് അക്കൗണ്ടിലൂടെയാണ് ആക്രമണം. ഞങ്ങൾ വീഡിയോ ഇടുന്നത് നിർത്തില്ല. നിങ്ങൾക്ക് അഭിപ്രായം പറയാൻ വാട്സാപ്പ് അല്ലെങ്കിൽ ടെലഗ്രാം ഞങ്ങൾ തുടങ്ങുന്നുണ്ട്. ചൊറിയുന്നവരുടെ ചൊറിച്ചിൽ ഞാൻ മാറ്റിക്കൊടുക്കാം.
പൊന്നുവിന് യോഗ്യതയില്ല
ബ്യൂട്ടീഷ്യനാവാൻ പൊന്നുവിന് യോഗ്യതയില്ലെന്നൊക്കെ പറയുന്നതെന്തിനാണ്. പൊന്നു പഠിച്ചിട്ടാണ് ആ ജോലിക്ക് ഇറങ്ങാൻ പോവുന്നത്. എന്റെ ഭാര്യയെക്കുറിച്ച് പറഞ്ഞാൽ ഞാൻ പ്രതികരിക്കും. എന്റെ വൈഫിനെ പ്രൊട്ടക്ട് ചെയ്യുക എന്നത് എനിക്ക് പ്രധാനപ്പെട്ടതാണെന്നും ഷെബിൻ പറഞ്ഞിരുന്നു. ഞങ്ങളൊന്നിച്ച് എവിടെയെങ്കിലും പോവുകയാണെങ്കിൽ അവൻ നടുവിലെ സീറ്റിലിരുന്നാൽ പറയും ഇപ്പോൾ അനിയത്തിയുടെ കൂടെയാണെന്ന്. ഇപ്പോൾ അവൻ അവരുടെ മൂന്നാളുടേയും വല്യേട്ടനാണ്. അവൻ അത്രയും നന്നായി കെയർ ചെയ്യുന്നതാണ്. അതേക്കുറിച്ച് എനിക്കറിയാമെന്നുമായിരുന്നു പൊന്നു പറഞ്ഞത്.
അച്ചി വീട്ടിൽ നിൽക്കുന്നതല്ല
നേരത്തെ പ്രശ്നങ്ങളൊക്കെയുണ്ടായിരുന്നു. ഇപ്പോ ഞങ്ങൾ എല്ലാവരും ഒന്നാണ്. അച്ചി വീട്ടിൽ നിൽക്കുകയാണെന്നൊക്കെ പറയുന്നതെന്തിനാണ്. അവിടെ ഞങ്ങൾക്ക് ഫ്ളാറ്റുണ്ട്. ഇവിടെ വന്നിട്ട് പോവാൻ നിൽക്കുവാണെങ്കിൽ കുണുക്കന് പെട്ടെന്ന് മനസിലാവും. അവൻ വന്ന് ഞങ്ങളെ ചുറ്റും. കുണുക്കനെ കൊണ്ടുപോയാലോ എന്നൊക്കെയുള്ള ആലോചനയുണ്ടായിരുന്നു. കുണുക്കനെ കാണാതെ അമ്മയ്ക്കും അച്ഛനും നിൽക്കാനാവില്ലെന്ന് പറഞ്ഞു. ഇവനുമായും നല്ല കൂട്ടാണ്. ഒന്നിച്ചാണ് കിടക്കുന്നതൊക്കെ. അത്രയും കൂട്ടാണ് അവനുമായി. അവനെ വിഷമിപ്പിക്കാൻ മനസ് വരുന്നില്ല. ഫ്ളാറ്റ് ഉപേക്ഷിച്ച് വന്നതല്ല ഞങ്ങൾ.
ക്രിസ്ത്യാനിയാണ്
ക്രിസ്ത്യാനിയായ ഞാൻ ഗുരുവായൂരമ്പലത്തിൽ വെച്ചാണ് കല്യാണം കഴിച്ചത്. സർട്ടിഫിക്കറ്റിന് വേണ്ടി ചെയ്തതാണ്. അക്കാര്യത്തിൽ വീട്ടുകാർക്ക് നല്ല എതിർപ്പുണ്ട്. അത് ഇപ്പോഴും തുടരുന്നു. ഞാനിപ്പോഴും ക്രിസ്ത്യാനി തന്നെയാണ്. മതമൊന്നും മാറിയിട്ടില്ല. അതുകൊണ്ടാണ് ഞങ്ങളെ വീട്ടിലേക്ക് വിളിക്കാത്തത്. നിങ്ങൾ എവിടെയെങ്കിലും പോയി സമാധാനത്തോടെ ജീവിച്ചോ എന്നാണ് അവർ പറഞ്ഞത്. ഞാൻ അത്രയും മോശക്കാരിയാണെങ്കിൽ അവർ ഇവനെ ഇവിടുന്ന് വിളിച്ച് കൊണ്ടുപോവില്ലേ, ഒന്നും അറിയാതെയാണ് പലരും കമന്റ് ഇടുന്നതെന്നുമായിരുന്നു പൊന്നു പറഞ്ഞത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.