ഇങ്ങനെയൊന്നും ആരോടും ചെയ്യരുത്! ഞങ്ങള്‍ക്ക് വല്ലാതെ വിഷമം തോന്നി! മോശം അനുഭവത്തെക്കുറിച്ച് പൊന്നു

കുഞ്ഞതിഥിയുടെ വരവ് കാത്തിരിക്കുകയാണ് പൊന്നുവും ഷെബിനും. വീഡിയോയിലൂടെയായി എല്ലാ വിശേഷങ്ങളും ഇവര്‍ പങ്കിടാറുണ്ട്. പൊന്നുവിന്റെ ഇപ്പോഴത്തെ രീതികളെക്കുറിച്ചുള്ള വീഡിയോയുമായെത്തിയിരിക്കുകയാണ് ഷെബിന്‍. പൊന്നു എഴുന്നേറ്റ് വരുമ്പോള്‍ കേട്ടത് കുണുക്കന്റെയും കുണുക്കിയുടെയും പഠനത്തിന്റെ ബഹളമാണ്. വീഡിയോ കണ്ട് ഫുഡ് കഴിക്കാനായി പോയി മോശം അനുഭവമുണ്ടായതിനെക്കുറിച്ചും ഇവര്‍ സംസാരിച്ചിരുന്നു. ജനങ്ങളെ ഇങ്ങനെ പറ്റിക്കരുത്. ഉള്ളത് അതേപോലെ തന്നെ പറയണം. ഫുഡ് അടിപൊളിയാണെങ്കില്‍ മാത്രമേ ഞങ്ങള്‍ അങ്ങനെ പറയാറുള്ളൂ. വിശന്ന് വലഞ്ഞ് പോയാണ് ഞങ്ങള്‍ ആ ഹോട്ടല്‍ തേടിപ്പിടിച്ച് പോയത്. വല്ലാത്തൊരു സങ്കടമായിപ്പോയി. ഫുഡ് വ്‌ളോഗ് എന്നൊക്കെ പറയുമ്പോള്‍ നല്ലതായി ചെയ്യാന്‍ പഠിക്കണമെന്നായിരുന്നു പൊന്നുവിന്റെ അമ്മ പറഞ്ഞത്.
കഞ്ഞിയും പയറും പപ്പടവുമായിരുന്നു രാവിലത്തെ ഭക്ഷണം. ഇങ്ങനെയുള്ള ഭക്ഷണം ഇഷ്ടമാണെന്നും പൊന്നു പറയുന്നുണ്ടായിരുന്നു. കുണുക്കനെയും കൂട്ടിയാണ് പുറത്തേക്ക് പോയത്. കാത്തുവിനോട് പറഞ്ഞോ യാത്ര പോവുന്നതെന്നും പൊന്നു കുണുക്കനോട് ചോദിച്ചിരുന്നു. കാത്തുവെന്നാണ് ഞങ്ങള്‍ വരാന്‍ പോവുന്ന കുഞ്ഞിനെ വിളിക്കുന്നത്. പെണ്‍കുഞ്ഞായിരിക്കണമെന്നാണ് എല്ലാവരും ആഗ്രഹിക്കുന്നതെന്നും പൊന്നുവിന്റെ അമ്മ പറഞ്ഞിരുന്നു.

കാര്‍ കഴുകാനായി പോയതും അതിനിടയില്‍ ജ്യൂസ് കുടിക്കാന്‍ പോയതുമെല്ലാം ഷെബിനും പൊന്നുവും കാണിച്ചിരുന്നു. ഞങ്ങള്‍ പോവുന്നിടത്തെല്ലാം കുണുക്കനും വരാറുണ്ട്. എല്ലാവരും വന്നില്ലെങ്കിലും അവനെ ഞങ്ങള്‍ കൂട്ടാറുണ്ട്. കുണുക്കന്‍ പറയുന്ന കാര്യങ്ങളെല്ലാം ഷെബിന്‍ ചെയ്ത് കൊടുക്കുന്നതും വീഡിയോയില്‍ കാണാം. എനിക്കൊരു ടോപ്പ് മേടിക്കണമെന്ന് പൊന്നു പറഞ്ഞിരുന്നു. അത് മറന്നിട്ടില്ലെന്നായിരുന്നു ഷെബിന്‍ പറഞ്ഞത്. പ്രണയവിവാഹവും അതിന് ശേഷമുള്ള പ്രശ്‌നങ്ങളും കുഞ്ഞതിഥി വരുന്ന സന്തോഷവുമെല്ലാം പൊന്നുവും ഷെബിനും യൂട്യൂബ് ചാനലിലൂടെയായി പങ്കുവെച്ചിരുന്നു. ഉപ്പും മുളകും ലൈറ്റ് ചാനലിലൂടെയായി പൊന്നുവിന്റെ അമ്മയും സജീവമാണ്.