വീട്ടിലേക്ക് വന്നത്
പ്രണയിച്ചിരുന്ന സമയത്ത് രാഹുല്‍ കെ ഈശ്വര്‍ ആയിരുന്നു. ഇന്ന് നിങ്ങള്‍ കാണുന്ന രാഹുല്‍ ഈശ്വറേ ആയിരുന്നില്ല അന്ന്. മുടിയൊക്കെ കെട്ടിവെച്ച് ബൈക്കില്‍ എന്റെ കോളേജിന്റെ അവിടേക്ക് വരാറുണ്ടായിരുന്നു. എന്നെ എവിടെയോ വെച്ച് കണ്ടിട്ടുണ്ടെന്നും, ഇത് തന്നെയാണോ വീടെന്ന് അറിയില്ലെന്നും ഒരു സര്‍വ്വേയുടെ ആവശ്യമുണ്ടെന്നും കള്ളം പറഞ്ഞാണ് വീട്ടിലേക്ക് ആദ്യമായി വന്നത്. വളരെ സ്ട്രിക്ടായാണ് എന്നെ വളര്‍ത്തിയത്. ഒറ്റയ്ക്ക് പുറത്ത് പോവാനുള്ള സ്വാതന്ത്ര്യം പോലുമുണ്ടായിരുന്നില്ല.
പ്രണയം അറിഞ്ഞപ്പോൾ
ആങ്കേഴ്‌സായല്ല നമ്മള്‍ പരിചയപ്പെട്ടത്. പ്രണയം എന്റെ വീട്ടിലറിഞ്ഞപ്പോള്‍ പ്രശ്നമായിരുന്നു. അതിന് ശേഷമായി ഞങ്ങള്‍ പിരിഞ്ഞ് നില്‍ക്കുകയായിരുന്നു. അതിന് ശേഷമായാണ് ശബരിമല വിഷയവുമായി ബന്ധപ്പെട്ട് ചേട്ടന് മാധ്യമങ്ങളില്‍ നിറഞ്ഞുനില്‍ക്കാന്‍ തുടങ്ങിയത്. എന്റെ സുഹൃത്തുക്കളുമായി ചേട്ടന് സൗഹൃദമുണ്ടായിരുന്നു, അത് ഞാന്‍ പിന്നീടാണ് അറിഞ്ഞത്. മുത്തശ്ശനും മുത്തശ്ശിയുമൊക്കെ ഓര്‍ത്തഡോക്‌സാണെങ്കിലും ചേട്ടന്റെ അമ്മയൊക്കെ മോഡേണാണ്. ഭയങ്കരമായ കള്‍ച്ചറല്‍ വ്യത്യാസങ്ങളൊന്നും എനിക്ക് അനുഭവപ്പെട്ടിരുന്നില്ല.
എതിർക്കാറുണ്ട്
ചേട്ടന്റെ അഭിപ്രായങ്ങള്‍ കേട്ട് ഞാന്‍ എതിര്‍പ്പ് പ്രകടിപ്പിക്കാറുണ്ട്. ചേട്ടന് പറയുന്നതെല്ലാം പിന്നീട് ശരിയായി വരാറുണ്ട്. അങ്ങനെയാണ് ഞാനും അനുകൂലിച്ച് തുടങ്ങിയത്. ശബരിമല വിഷയത്തില്‍ ആദ്യം എതിര്‍പ്പ് പ്രകടിപ്പിച്ചത് ചേട്ടനായിരുന്നു. ചേട്ടന് നിയമം പഠിക്കാന്‍ വൈകിയെന്നാണ് എന്റെ അഭിപ്രായം. മകന്‍ വന്നതോടെ ജീവിതത്തിലൊരുപാട് മാറ്റങ്ങള്‍ വന്നെന്നായിരുന്നു രാഹുല്‍ ഈശ്വര്‍ പറഞ്ഞത്. സംസാരിക്കുന്നതിനിടെ ചേട്ടൻ എന്നെ കൺഫ്യൂഷനാക്കുകയാണ് ചെയ്യാറുള്ളത്.
പരിപാടികളിൽ നിന്നും മാറ്റി
ദീപ വിജയന്‍ ദീപ രാഹുല്‍ ഈശ്വറായപ്പോള്‍ ഞാന്‍ ചെയ്‌തോണ്ടിരുന്ന പല പരിപാടികളും പോയി. ബിജെപി അനുഭാവി ആയി എന്നായിരുന്നു പലരും പറഞ്ഞത്. വിശ്വാസി എന്ന ലെവലില്‍ മാത്രമാണ് ഞാനന്ന് സംസാരിച്ചതെന്നായിരുന്നു ദീപ പറയുന്നു. ചേട്ടനെ അറസ്റ്റ് ചെയ്തപ്പോള്‍ ഞാന്‍ വല്ലാതെ തളര്‍ന്നുപോയിരുന്നു. എന്റെ ഭര്‍ത്താവിനെ അറസ്റ്റ് ചെയ്തു എന്നുള്ളത് എനിക്ക് വിശ്വസിക്കാനായിരുന്നില്ല. ഞാന്‍ ആ സമയത്ത് എന്റെ വീട്ടിലായിരുന്നു. നീ ടിവി കാണ് എന്നായിരുന്നു ഞാന്‍ പറഞ്ഞത്. അറസ്റ്റിന്റെ വാര്‍ത്ത ടിവിയിലൂടെ പോവുന്നുണ്ടായിരുന്നു.