രണ്ടാം വിവാഹം എന്ന് പറയുന്നത് സിംപിൾ ആണ്; ആ സ്‌പെയ്‌സ് വിട്ടുകൊടുക്കാൻ ഒരു മടി: ആ സ്ഥാനം എന്ന് പറയുന്നത് വലുതാണ്; രമേശ്

ഏപ്രിൽ ഇരുപത് വരുമ്പോഴേക്കും ആറുവർഷം ആകും. ഇനിയും ഒരു വിവാഹം കഴിക്കാൻ ആളുകൾ പറയാറുണ്ട്. പക്ഷെ ആ സ്‌പെയ്‌സ് എന്ന് പറയുന്നത് വളരെ വലുതാണ്. അശ്വതി എന്ന് പറയുമ്പോൾ തന്നെ രമേശ് കുമാറിന്റെ ഭാര്യ എന്നാണ് ആറിയപ്പെടുക. ആ ഒരു സ്‌പെയ്‌സ് വിട്ടുകൊടുക്കാൻ ഒരു മടി. അവളുടെ ചെറുപ്രായത്തിൽ തന്നെ എന്റെ ഒപ്പം ഉണ്ടായിരുന്ന ആളാണ് അശ്വതി.

ചെറുപ്രായം എന്ന് പറയുമ്പോൾ 20 വയസ്സുമുതൽ കൂടെ തന്നെ ഉണ്ടായിരുന്നു. ശരിക്കും ആ പ്രണയം എന്ന് പറയുന്നത് വല്ലാത്ത സുഖമാണ്. നമ്മളുടെ പ്രണയം സത്യത്തിൽ ഒരു വലിയ കഥയാണ്. ഒരു കുളി ഉണ്ടാക്കിയ പ്രണയം ആണ് ഞങ്ങളുടേത്. ഒരു ദിവസം എന്റെ ഒരു ഫ്രണ്ട് വിളിച്ചിട്ട് ബിഎസ്എൻഎൽ ന്റെ സ്കീമിനെ കുറിച്ച് പറഞ്ഞു. അങ്ങനെ ഞാനും ചേച്ചിയും ആ സ്കീമിലൂടെവിളിക്കാൻ തുടങ്ങി. ഒരു ദിവസം വിളിച്ചപ്പോ ചേച്ചി കുളിക്കുകയാണ്. ഫോൺ എടുത്തത് അശ്വതി ആണ്.

അശ്വതി ഫോൺ എടുത്തപ്പോൾ ആരാണ് എന്നൊക്കെ തിരക്കി, ഞാൻ ആണെന്ന് അറിഞ്ഞപ്പോൾ എന്നെ കുറെ വഴക്ക് പറഞ്ഞു. പിന്നെയും വിളിക്കുന്നത് ആവർത്തിച്ചു. പക്ഷെ അപ്പോൾ തന്നെ ഒരു ബോണ്ടിങ് വന്നു. നമ്മൾ ഇത് വരെ കണ്ടിട്ടുകൂടിയില്ല, എങ്കിലും ഒരു ഇഷ്ടം തോന്നി തുടങ്ങി. അങ്ങനെ ഞങ്ങൾ പരസ്പരം നല്ല കൂട്ടായി. കാണാം എന്ന് തീരുമാനിക്കുന്നു. എന്നാൽ സ്വന്തം രൂപത്തിൽ എനിക്ക് ഒരു കോൺഫിഡൻസ് എനിക്ക് തീരെ ഇല്ലായിരുന്നു.

ആദ്യമായി ഞങ്ങൾ പരസ്പരം കാണുന്നത് ഫോട്ടോയിലൂടെയാണ്. അശ്വതി നല്ല കോൺഫിഡൻസ് ആണ് തന്നത്. അങ്ങനെ ഒരു ദിവസം ഞങ്ങൾ തൃപ്പൂണിത്തുറ റെയിൽവേ സ്റ്റേഷനിൽ വച്ചാണ് കാണുന്നത്. ബ്ലൂ കളർ ചുരിദാറും വയലറ്റ് പൂക്കൾ ഉള്ള ഷാൾ ഒക്കെ ഇട്ട ഒരു കുട്ടി. എന്നെ കണ്ട ഉടനെ തന്നെ എന്നെ ചേർത്ത് നിർത്തി. ഞങ്ങൾ ഒരു ചായ ഒക്കെ കുടിച്ചു പോകും മുൻപേ ഞങ്ങൾ ഒരു ഫോട്ടോ എടുത്തു, ആ ചിത്രം ഇന്നും കൈയ്യിൽ ഉണ്ട് രമേശ് കുമാർ ഒരു കോടിയിൽ പറയുന്ന വാക്കുകൾ ആണ് ഇപ്പോൾ വൈറൽ ആകുന്നത്.

ഞങ്ങളുടെവിവാഹവാര്ഷികത്തിനു കേക്ക് വാങ്ങാനും പായസം വക്കാനുമൊക്കെ പറഞ്ഞ് മുന്നിൽ നിൽക്കുന്നത് അവനാണ്..അവനിപ്പോൾ വലിയ കൊച്ചായി മാറിയിരിക്കുന്നു .. എഴുതാനും വായിക്കാനുമൊക്കെ പഠിച്ചിരിക്കുന്നു. അമ്മയെക്കുറിച്ചുള്ള എന്റെ എഴുത്തുകളും അമ്മ അവനു വേണ്ടി എഴുതിവച്ച കുറിപ്പുകളുമൊക്കെ അവൻ വായിക്കാൻ തുടങ്ങിയിരിക്കുന്നു.. പ്രിയപ്പെട്ട ദിവസങ്ങളൊക്കെ എന്നേക്കാൾ വ്യക്തമായി ഓർത്ത് വക്കാൻ തുടങ്ങിയിരിക്കുന്നു. പിള്ളേരൊക്കെ എത്ര പെട്ടെന്നാണ് വലുതാവുന്നതല്ലേ.

ഇടക്കൊക്കെ സ്വപ്നത്തിലൊന്നു വരാൻ വേണ്ടിപറയും അവളോട് ,അനാവശ്യമായി ഒരു സ്വപ്നത്തിൽ പോലും വന്ന് എന്നെ പുറകോട്ട് വലിക്കാതിരിക്കാൻ ശ്രദ്ധിക്കുന്നുണ്ടവളിപ്പോഴും. ഞാനിങ്ങനെ വല്ലാതെ പ്രതിരോധത്തിൽ നിൽക്കുമ്പോഴൊക്കെ ഓരോ സ്വപ്നത്തിലൂടെ അരികത്തോടിയെത്തും.സ്വപ്നത്തിൽ ഏറ്റവും പ്രിയപ്പെട്ട കൊച്ചിയിലെ വീടിന്റെ ബാൽക്കണിയിലിരുന്ന് ഓരോ കാപ്പിയും കുടിച്ച് ലോക വർത്താനങ്ങളൊക്കെ പറഞ്ഞ് താഴെ റോഡിലൂടെ പോകുന്നവരോടൊക്കെ ചിരിച്ച് കാട്ടി കുറേ നേരമങ്ങനെയിരിക്കും- എന്ന് പറഞ്ഞുകൊണ്ട് - രമേശ് പങ്കിട്ട കുറിപ്പും ഇപ്പോൾ ശ്രദ്ധേയമാകുന്നുണ്ട്.