ഗോമൂത്രി എന്ന പേര്
കളിയും ചിരിയും വഴക്കും നിറഞ്ഞതായിരുന്നു റെബേക്ക സന്തോഷും നിതിനും ബിഹൈന്റ് വുഡിന് നല്‍കിയ അഭിമുഖം. കുറച്ച് ഗെയിം ഒക്കെയായിട്ടാണ് അഭിമുഖം നടന്നത്. അതിനിടയില്‍ ഒരു സിനമയുടെ പേര് പറയുന്നതിന് ഇടയില്‍ ത്രി അവസാനം വരുന്ന മൂന്ന് സ്ത്രീകളുടെ പേര് പറയാനായി ആവശ്യപ്പെട്ടു. ഗോമൂത്രി എന്ന് റെബേക്ക പറഞ്ഞപ്പോഴാണ്, 'ഹാ അത് കൊച്ചിന് ഇടാന്‍ വേണ്ടി റെബേക്ക ചിന്തിച്ച പേരാണ്' എന്ന് നിതിന്‍ ട്രോള്‍ ചെയ്തത്.
വഴക്കോട് വഴക്ക്
സെറ്റില്‍ ഒരു ദിവസം കുറഞ്ഞത് പതിനഞ്ച് പ്രാവശ്യം എങ്കിലും ഇരുവരും വഴക്കിടുമത്രെ. എന്തിനാണ് എന്നൊന്നുമില്ല, എന്തിനും വഴക്കിടും. രണ്ട് പേരുടെയും വഴക്ക് കാരണം സംവിധായകന്‍ പറയുമത്രെ, 'എങ്കില്‍ പിന്നെ നിങ്ങളുടെ രണ്ട് പേരുടെയും വഴക്ക് തീരട്ടെ, എന്നിട്ട് എടുക്കാം ബാക്കി ഷോട്ട്' എന്ന്. സഹിക്കാന്‍ വളരെ പ്രയാസമാണെന്ന് റെബേക്കയും നിതിനും തന്നെ സമ്മതിയ്ക്കുന്നു.
ഈഗോ ഇല്ലാത്ത നടി
പക്ഷെ കാര്യത്തിലേക്ക് വരുമ്പോള്‍ റെബേക്ക ഷൂട്ടിങ് സമയത്ത് ഒക്കെ വളരെ അധികം സഹായിക്കുന്ന സഹതാരമാണ് എന്ന് നിതിന്‍ പറയുന്നു. റെബേക്കയ്ക്ക് ക്യാമറയുടെ സാങ്കേതികതയെ കുറിച്ചും നന്നായി അറിയാം. അതുകൊണ്ട് ക്ലോസപ് വരുന്ന ഷോട്ടുകളിലെല്ലാം പറഞ്ഞ് തരികയും സഹായിക്കുകയും ചെയ്യു. കൂടെ അഭിനയിച്ചവരില്‍ ഒരു തരി പോലും ഈഗോ ഇല്ലാത്ത താരം റെബേക്ക സന്തോഷ് ആണ് എന്നും നിതിന്‍ പറയുന്നു.
തുടക്കകാലത്തെ കഷ്ടപ്പാടുകള്‍
കരിയറിന്റെ തുടക്കത്തില്‍ വളരെ അധികം ബുദ്ധിമുട്ടുകള്‍ അനുഭവിച്ച ആളാണ് താന്‍ എന്നും നിതിന്‍ പറയുന്നു. മതി, എനിക്ക് പറ്റില്ല ഇനി ഇട്ടിട്ട് പോകാം എന്ന് വരെ കരുതിയ നിമിഷങ്ങളുണ്ട്. വീട്ടില്‍ വിളിച്ച് ഭാര്യയോട് പറയും, എനിക്ക് പറ്റുന്നില്ല, ഇത് എനിക്ക് പറ്റിയ ഏരയ അല്ല എന്നൊക്കെ. അത് തുടക്കകാര്‍ നേരിടുന്ന പ്രശ്‌നങ്ങളാണ്. കളിവീടിന്റെ സെറ്റിലും ഇപ്പോള്‍ തുടക്കകാരായ കുട്ടികള്‍ അത്തരം കാര്യങ്ങള്‍ അനുഭവിയ്ക്കുന്നത് കാണുമ്പോള്‍ അവരെ വിളിച്ചിരുത്തി കാര്യങ്ങള്‍ പറഞ്ഞ് കൊടുക്കാന്‍ ആ അനുഭവം കാരണം ഇപ്പോള്‍ സാധിയ്ക്കുന്നുണ്ട്- നിതിന്‍ പറഞ്ഞു