രസകരമായ പോസ്റ്റുകള്‍
രസകരമായ റീല്‍ വീഡിയോകള്‍ പങ്കുവച്ചും, അല്ലെങ്കില്‍ മനോഹരമായ ഫോട്ടോയ്ക്ക് രസകരമായ ക്യാപ്ഷന്‍ കൊടുത്തും റിമി പ്രേക്ഷകരെ ചിരിപ്പിക്കാറുണ്ട്. ഇപ്പോഴിതാ തന്റെ പഴയൊരു ഓര്‍മ പങ്കുവച്ചിരിയ്ക്കുകയാണ് ഇന്‍സ്റ്റഗ്രാമില്‍ റിമി ടോമി. 1999 നവംബര്‍ 17 പ്രസിദ്ധീകരിച്ച മാതൃഭൂമി പത്രത്തിന്റെ പേപ്പര്‍ കട്ടിങ്‌സ് ആണ് പോസ്റ്റ്. പാല അള്‍ഫോണ്‍സ് കോളേജിലെ ഗായക സംഘത്തെ കുറിച്ചുള്ളതാണ് വാര്‍ത്ത. ആ സംഘത്തില്‍ ഒരാളായി റിമി ടോമിയും ഉണ്ട്
പലരും പറയാന്‍ മടിക്കുന്നത്
പോസ്റ്റ് കണ്ട് പലരും ആദ്യം കണക്കുകൂട്ടുന്നത് തന്റെ പ്രായമായിരിയ്ക്കും എന്ന് മുന്‍കൂട്ടി മനസ്സിലാക്കിയ റിമി ടോമി ഡേറ്റ് ഓഫ് ബര്‍ത്ത് കൃത്യമായി പറയുകയായിരുന്നു. മഞ്ജു വാര്യര്‍ അടക്കം പലരും പറയാന്‍ മടിച്ച കാര്യമാണ് റിമി ടോമി ഇപ്പോള്‍ വെളിപ്പെടുത്തിയിരിയ്ക്കുന്നത് എന്നതാണ് ഹൈലൈറ്റ്. പലര്‍ക്കും യഥാര്‍ത്ഥ പ്രായം തുറന്ന് പറയാന്‍ മടിയുണ്ടാവും. എന്നാല്‍ റിമി ടോമിയ്ക്ക് ആ മിടി ഇല്ല.
ഇന്‍സ്റ്റഗ്രാം പോസ്റ്റ്
'പാല അല്‍ഫോണ്‍സ് കോളേജ് മ്യൂസിക് ടീം. പ്രായം ഒരുപാട് കണക്ക് കൂട്ടേണ്ട. പ്രി ഡിഗ്രിയ്ക്ക് ഫസ്റ്റ് ഇയര്‍ ആണ്. ജനന തിയ്യതി, 22 /9/83' എന്ന് പറഞ്ഞ് കൊണ്ടാണ് റിമി ടോമി പോസ്റ്റ് പങ്കുവച്ചിരിയ്ക്കുന്നത്. പോസ്റ്റിന് താഴെ രമേഷ് പിഷാരടി കമന്റ് എഴുതുകയും അതിന് റിമി ടോമി റിപ്ലേ നല്‍കുകയും ചെയ്തിട്ടുണ്ട്.
അവതാരികയില്‍ നിന്ന് ഗായിക
ടെലിവിഷന്‍ അവതാരക ലോകത്ത് നിന്ന് മലയാള സിനിമയിലെ പിന്നണി ഗാന ലോകത്ത് എത്തിയ റിമി ടോമി , മുന്‍നിര ഗായികയായി നില്‍ക്കുമ്പോഴും അവതരണ ലോകത്ത് സജീവമായിരുന്നു. ഒന്നും ഒന്ന് മൂന്ന് എന്ന ടെലിവിഷന്‍ ഷോയുടെ വിജയം തന്നെ റിമി ടോമിയുടെ അവതരണ ശൈലിയാണ്.
നായികയും ആയി
പാടുന്നതിനൊപ്പം ആടുകയും ചെയ്യുന്ന ഗായിക എന്നാണ് റിമി ടോമിയ്ക്കുള്ള വിശേഷണം. തിങ്കള്‍ മുതല്‍ വെള്ളിവരെ എന്ന ചിത്രത്തില്‍ ജയറാമിന്റെ നായികയായി അഭിനയിച്ചുകൊണ്ട് റിമി അഭിനയ ലോകത്തും സാന്നിധ്യം അറിയിച്ചിട്ടുണ്ട്. കുഞ്ഞിരാമായണം എന്ന ചിത്രത്തില്‍ അതിഥി താരമായും റിമി എത്തിയിരുന്നു.