ഷോയില്‍ പറഞ്ഞിരുന്നു
ബിഗ്ഗ് ബോസ് ഹൗസില്‍ വച്ച് റോബിന് അസുഖമുണ്ട് എന്നൊരു പരക്കെ സംസാരം ഉണ്ടായിരുന്നു. വര്‍ഷത്തില്‍ ഒരിക്കല്‍ താന്‍ എം ആര്‍ ഐ സ്‌കാനിങ് എടുക്കാറുണ്ട് എന്നും ഷോയ്ക്ക് അകത്ത് വച്ച് പറഞ്ഞിട്ടുണ്ട്. എന്നാല്‍ എന്താണ് തന്റെ രോഗം എന്ന് ഇതുവരെ പറഞ്ഞിട്ടില്ല. ഇപ്പോഴിതാ, അഭിമുഖത്തില്‍ സംസാരിക്കുന്നതിന് ഇടയില്‍ തനിക്ക് ബോണ്‍ ട്യൂമര്‍ ആണ് എന്ന് വെളിപ്പെടുത്തിയിരിയ്ക്കുകയാണ് താരം.
ബോണ്‍ ട്യൂമറാണ്
എപ്പോഴും സന്തോഷിച്ചു കൊണ്ടിരിയ്ക്കുന്ന ആളല്ല ഞാന്‍. എനിക്കും ഒരുപാട് വേദനകള്‍ ഉണ്ടായിട്ടുണ്ട്. സത്യത്തില്‍ എന്റെ വീഴ്ചകളാണ് വിജയത്തിലേക്ക് എന്നെ നയിച്ചത്. മരുന്ന് കഴിച്ചിട്ടും, ഉറങ്ങിയിട്ടും മാറാത്ത കടുത്ത തല വേദന വന്നാല്‍ എങ്ങിനെയിരിയ്ക്കും. അതെല്ലാം സഹിക്കുന്ന ആളാണ് ഞാന്‍. എനിക്ക് ബോണ്‍ ട്യൂമര്‍ ആണ്. രണ്ട് വര്‍ഷമായി ഞാന്‍ ആ അസുഖത്തെ നേരിട്ടുകൊണ്ടിരിയ്ക്കുകയാണ്. റോബിന് പറഞ്ഞു തുടങ്ങി.
കടുത്ത തലവേദന വരുമ്പോള്‍
തലയുടെ വലത് ഭാഗത്ത് വലിയൊരു മുഴയുണ്ട്. അത് പുറത്തേക്ക് വളരുകയാണ്. അകത്തോട്ട് പോയാല്‍ പ്രശ്‌നമാണ്. തലച്ചോറിനെ രോഗം ബാധിയ്ക്കുന്നുണ്ടോ എന്ന് എല്ലാ വര്‍ഷവും ഞാന്‍ സ്‌കാനിങ് ചെയ്തു നോക്കാറുണ്ട്. പക്ഷെ ഇതൊന്നും എന്നെ തളര്‍ത്തുന്നില്ല. ഞാന്‍ മുന്നോട്ട് പോകുക തന്നെയാണ് ചെയ്യുന്നത്. എന്റെ ജീവിതത്തില്‍ ചിരിച്ച് കളിച്ചിട്ടുള്ളതിനെക്കാള്‍ കൂടുതല്‍ കരഞ്ഞിട്ടുള്ള ആളാണ് ഞാന്‍
ഇതൊന്നും എന്നെ തളര്‍ത്തില്ല
ചെയ്തു പോയ കാര്യങ്ങളെ കുറിച്ച് ഞാന്‍ ഒരിക്കലും കുറ്റബോധപ്പെടാറോ വിഷമിക്കാറോ ഇല്ല. കഴിഞ്ഞ് പോയ കാര്യങ്ങള്‍ ഓര്‍ത്ത് വിഷമിച്ചാല്‍ അവിടെ തന്നെ നിന്ന് പോകും, അതുകൊണ്ട് അതില്‍ നിന്ന് പിന്‍തിരിഞ്ഞ് നടക്കണം. എന്ന് കരുതി കഴിഞ്ഞതൊന്നും മറക്കുന്ന ആളല്ല ഞാന്‍. എല്ലാം എന്റെ ഓര്‍മയിലുണ്ടാവും, പക്ഷെ അതോര്‍ത്ത് ദുഃഖിച്ചിരിയ്ക്കില്ല. വെല്ലുവിളി സ്വീകരിച്ച് മുന്നോട്ട് പോകുന്നതിലാണ് കാര്യം- റോബിന് പറഞ്ഞു