ചിപ്പിചേച്ചിയുടെ വാക്കുകളും ധൈര്യം തന്നു: മനസ്സ് മടുത്ത അനുഭവങ്ങളിലൂടെ കടന്നുപോയി' കണ്ണൻ പറയുന്നു.

തന്നെ എല്ലാവരും കണ്ണൻ എന്ന് തന്നെ ആണ് വിളിക്കുന്നത്. താനും അതേപോലെ തന്നെയാണ് യാഥാർത്ഥത്തിലും അവരെ വിളിക്കുന്നത്. വല്യേട്ടൻ എന്നും ശിവേട്ടൻ ഹരിയേട്ടൻ ഏട്ടത്തി അങ്ങനെ തന്നെ ആണ് വിളിക്കുന്നത്. താൻ കൂടുതൽ സംസാരിക്കുന്നത് ശിവേട്ടനോട് ആണ്. ശിവേട്ടനോടൊപ്പം ആണ് ഉറങ്ങുന്നത് എന്നും അച്ചു കൗമുദിക്ക് നൽകിയ അഭിമുഖത്തിൽ പറയുന്നു.

കുട്ടിക്കാലം മുതൽ അഭിനയ മോഹം ഉണ്ടായിരുന്നത് കൊണ്ടുതന്നെ ഏറ്റവും കൂടുതൽ പിന്തുണച്ചത് കുടുംബം ആയിരുന്നു. പ്രത്യേകിച്ചും അച്ഛൻ. സ്വന്തം കഴിവിൽ നടൻ ആയാൽ മതി എന്നായിരുന്നു അച്ഛൻ പറഞ്ഞത്. ഇന്ന് ഏറ്റവും കൂടുതൽ സന്തോഷിക്കുന്നതും അച്ഛൻ തന്നെ ആണ്. എന്റെ അഭിനയത്തിന് വീട്ടിൽ മാർക്ക് ഇടുന്നത് അമ്മയും അനിയത്തിയുമാണ് എന്നും അച്ചു പറഞ്ഞു.

ഓഡിഷന് പങ്കെടുക്കാൻ പോകുന്നതോടൊപ്പം ഒട്ടേറെ ജോലിക്ക് ഞാൻ പോയിട്ടുണ്ട്. വെൽഡിങ് വർക്ക് ഷോപ്പിൽ ജോലി ചെയ്തു. പ്ലംബിങ് ജോലി , സ്റ്റുഡിയോയിൽ ജോലി , പെട്രോൾ പമ്പിൽ ജോലി ചെയ്തു. പക്ഷേ അതൊന്നും ശരിയായില്ല. മനസ്സിൽ അഭിനയം മാത്രം ഉള്ളത് കൊണ്ട് ആയിരിക്കണം അഭിനയത്തിൽ എത്തിയത് എന്നും താരം പറയുന്നു.

കാലങ്ങളായുള്ള കഷ്ടപ്പാടിന് ശേഷമായാണ് കണ്ണനായി എത്തിയത്. കഥാപാത്രത്തിന് നല്ല റീച്ച് കിട്ടിയതില്‍ അതീവ സന്തുഷ്ടവാനാണ് . മനസ്സ് മടുത്ത് പോയ തരത്തിലുള്ള അനുഭവങ്ങളിലൂടെയാണ് കടന്നുപോയത്. കണ്ണൻ ആയി എത്തിയപ്പോഴും തന്റെ ശരീരം മെലിഞ്ഞതിൽ എനിക്ക് ഏറെ സങ്കടവും ഭയവും ഉണ്ടായിരുന്നു. ജിമ്മിൽ പോയി ശരീരം പുഷ്ടപ്പെടുത്താനോ എന്ന് ചിപ്പിച്ചേച്ചിയോട് ചോദിച്ചിട്ടുണ്ട്. എന്നാൽ ഈ ശരീരം ഉള്ളത് കൊണ്ട് ആണ് ഓഡിഷനിൽ നിനക്ക് അവസരം ലഭിച്ചത് എന്ന് ചിപ്പി ചേച്ചി പറയുമായിരുന്നു. അത് ആത്മവിശ്വാസം കൂട്ടി.