മികച്ച നടിയും!
തിരുവനന്തപുരം സ്വദേശിനിയായ അപ്സര 8 വർഷത്തോളമായി അഭിനയ ലോകത്തും ചാനൽ പരിപാടികളിലുമായി സജീവമാണ് എങ്കിലും സാന്ത്വനത്തിലെ വില്ലത്തി ആയ ജയന്തി എന്ന കഥാപാത്രം വളരെ വേഗത്തിൽ ആണ് ആരാധക മനസ്സുകളിൽ ഇടം നേടിയത്. അപ്സര മുഖ്യ വേഷത്തിലെത്തി മികച്ച നടിക്കുള്ള സംസ്ഥാന ടെലിവിഷൻ പുരസ്കാരം ലഭിച്ച ‘ഉള്ളത് പറഞ്ഞാല്’ എന്ന സീരിയൽ സംവിധാനം ചെയ്തത് ആൽബി ആയിരുന്നു.
ഒരേ മേഖലയിൽ ഉള്ളവർ
ഒരേ മേഖലയിൽ ഉള്ളവർ ആയത് കൊണ്ട് നേരത്തെ പരിചയം ഉണ്ട്. ആ പരിചയം ആണ് സൗഹൃദത്തിലേക്കും പിന്നീട് പ്രണയത്തിലേക്കും ഇപ്പോൾ വിവാഹത്തിലേക്ക് എത്തിയതെന്നും അപ്സര വനിതയോട് പറഞ്ഞിരുന്നു. 3 വർഷമയി ആൽബിയെ അടുത്ത അറിയാം എന്നും ഒരുമിച്ചു വർക്ക് ചെയ്ത ' ഉള്ളത് പറഞ്ഞാൽ' എന്ന സീരിയലിലെ അഭിനയത്തിനു തനിക്ക് മികച്ച നടിയ്ക്കുള്ള പുരസ്കാരവും ആൽബിയ്ക്ക് മികച്ച സംവിധായകനുള്ള പുരസ്കാരവും ലഭിച്ചിരുന്നു എന്നും അപ്സര വ്യക്തമാക്കിയിരുന്നു.
ഞങ്ങൾക്ക് മക്കളില്ല!
"ഞങ്ങളുടെ കൂടെ ഉണ്ടായില്ലേ കുട്ടികൾ. അതിൽ ഒന്ന് നമ്മുടെ ചേച്ചിയുടെ കുട്ടിയാണ്. മറ്റുരണ്ടു പെൺകുട്ടികൾ നമ്മുടെ സഹോദരന്റെ മക്കളാണ്. വിവാഹം കഴിഞ്ഞപ്പോൾ ഒരുപാട് വാർത്തകൾ വരുന്നത് കണ്ടു. വാർത്ത വരുന്നത് സ്വാഭാവികമാണ്. ഞങ്ങൾ വിചാരിക്കാത്ത കുറച്ചു കാര്യങ്ങൾ വന്നു. ഒന്ന് അപ്സരക്ക് ഒരു മോളുണ്ട്. ആ പെൺകുട്ടിയേം കൊണ്ടാണ് മണ്ഡപത്തിൽ വന്നത് എന്നൊക്കെ എന്നാൽ അതിലൊന്നും ഒരു സത്യവും ഇല്ലെന്നും ഇരുവരും പ്രതികരിച്ചിരുന്നു.
അവൻ എനിക്ക് മകനെപ്പോലെ!
ഞാൻ എന്റെ മോനെ ശ്രദ്ധിക്കാതെ വിവാഹ വേദിയിൽ സന്തോഷിച്ചു നിൽക്കുന്നു എന്ന തരത്തിലൊക്കെയാണ് ചില വാർത്തകൾ. ഇതിനൊക്കെ എന്തു മറുപടി പറയാൻ. ചേച്ചിയുടെ മകനെങ്കിലും അവൻ എനിക്കു മകനെപ്പോലെയാണ്. പറയുന്നവർ പറയട്ടേ...ഞാനതൊന്നും ശ്രദ്ധിക്കുന്നില്ല എന്നും അപ്സര പറയുന്നു. തങ്ങൾക്ക് ഒരു പെൺകുഞ്ഞിനെയാണ് ഇഷ്ടമെന്നും അപ്സര പറയുകയുണ്ടായി.
അപ്സരയുടെ പ്രിയ സിദ്ധുകുട്ടനെക്കുറിച്ചുള്ള സംശയങ്ങൾ ആയിരുന്നു ചിലർ പങ്കിട്ടത്.
അതിനെ പ്രമോട്ട് ചെയ്യണ്ട!
ഉള്ള കാര്യങ്ങൾ നിങ്ങൾ എന്ത് വേണം എങ്കിലും പറഞ്ഞോളൂ. പക്ഷെ ഇല്ലാത്ത കാര്യങ്ങൾ പറയരുത്. ഒരാളെ ഒന്നാമതും രണ്ടാമതും ഒക്കെ വിവാഹം കഴിക്കുന്നത് ഒരേപോലെയാണ്. നമ്മൾ ഒരാളെ വിവാഹം കഴിച്ചിട്ട് അത് നിലനിർത്തികൊണ്ട് പോകാൻ പറ്റാതെ വരുമ്പോൾ അത് വേണ്ടെന്ന് വച്ചിട്ട് മറ്റൊരു വിവാഹം കഴിക്കുന്നത് തെറ്റായ കാര്യമല്ല. അപ്പോൾ അതിനെ പ്രമോട്ട് ചെയ്യേണ്ട കാര്യമില്ലെന്നും ഇരുവരും പ്രതികരിച്ചിരുന്നു.