ഭാര്യയ്‌ക്കൊപ്പം അഭിനയിക്കാനാവില്ലെന്ന് സജിന്‍, ഷഫ്‌നയാണ് എന്നേക്കാള്‍ വലിയ താരം

സാന്ത്വനമെന്ന സീരിയല്‍ കാണുന്നവര്‍ക്കെല്ലാം പരിചിതനാണ് സജിന്‍. പ്ലസ് ടു എന്ന സിനിമയിലൂടെയായിരുന്നു അദ്ദേഹം തുടക്കം കുറിച്ചത്. 10 വര്‍ഷത്തോളം കാത്തിരുന്നാണ് സജിന് മികച്ചൊരു വേഷം ലഭിച്ചിട്ടുള്ളത്. സാന്ത്വനത്തിലെ ഹരിയെ അവതരിപ്പിക്കാന്‍ കഴിഞ്ഞതില്‍ സന്തോഷവാനാണെന്ന് താരം പറയുന്നു. കേരളകൗമുദിക്ക് നല്‍കിയ അഭിമുഖത്തിനിടയിലായിരുന്നു താരം വിശേഷങ്ങള്‍ പങ്കുവെച്ചത്. തന്റെ കഥാപാത്രത്തില്‍ നിന്നും തികച്ചും വ്യത്യസ്തനായ കഥാപാത്രമാണ് ശിവന്‍. തുടക്കം ശരിയാവുമോയെന്ന തരത്തിലുള്ള ആശങ്കയുണ്ടായിരുന്നു.

Also Read: കാർത്തുമ്പിയായി സ്വാതി നിത്യാനന്ദ്

അഭിനയത്തില്‍ സജീവമാകണമെന്നാണ് ആഗ്രഹിച്ചത്. ഭാര്യ ഷഫ്‌നയാണ് അഭിനയ ജീവിതത്തിന് മികച്ച പിന്തുണ നല്‍കുന്നത്. തിരിച്ചുവരവിനായി കാത്തിരുന്നതും അവളായിരുന്നു. അഭിനയത്തോട് തനിക്കെത്ര ഇഷ്ടമുണ്ട് എന്നതിനെക്കുറിച്ച് അവള്‍ക്ക് വ്യക്തമായി അറിയാമായിരുന്നു. വീട്ടിലെല്ലാവരും മികച്ച പിന്തുണയാണ് നല്‍കുന്നത്. മികച്ച അവസരത്തിനായി കാത്തിരിക്കുന്നതിനിടയില്‍ മറ്റൊരു ജോലി നോക്കാന്‍ പറഞ്ഞ് ആരും തന്നെ സമ്മര്‍ദ്ദത്തിൽ ആഴ്ത്തിയിട്ടില്ലെന്നും അദ്ദേഹം പറയുന്നു.

Also Read: 'വാഴക്കുലയേന്തിയ കര്‍ഷകസ്ത്രീ'; ചിത്രങ്ങളുമായി സുബി

അഭിനയത്തെക്കുറിച്ച് പറയുമ്പോള്‍ ഷഫ്‌നയാണ് സീനിയര്‍. അഭിനയത്തിലെ കാര്യങ്ങളെക്കുറിച്ചൊക്കെ അവള്‍ പറഞ്ഞ് തരാറുണ്ട്. വിമര്‍ശനവും അഭിനന്ദനങ്ങളുമൊക്കെയുണ്ടാവാറുണ്ട്. ഭാര്യയ്‌ക്കൊപ്പം അഭിനയിക്കാന്‍ ചമ്മലുണ്ടെന്നും സജിന്‍ പറയുന്നു. ഒരുമിച്ച് അഭിനയിക്കാന്‍ ഷഫ്‌നയ്ക്ക് ആഗ്രഹമുണ്ട്. എന്നാല്‍ എനിക്ക് അതിന് കഴിയുമോയെന്നറിയില്ല. ലൊക്കേഷനിലേക്ക് വരാന്‍ പോലും അവളെ അനുവദിക്കാറില്ല. അവള് നോക്കുന്നത് കാണുമ്പോള്‍ തനിക്ക് ചമ്മല്‍ അനുഭവപ്പെടുമെന്നും സജിന്‍ പറയുന്നു.