ഇതെനിക്ക് മാറ്റി വെക്കാനാവില്ലായിരുന്നു! ആശുപത്രിയിൽ അഡ്മിറ്റായതിനെക്കുറിച്ച് സീമ വിനീത്

സോഷ്യല്‍മീഡിയയിലൂടെയായി സുപരിചിതയായി മാറിയ മേക്കപ്പ് ആര്‍ടിസ്റ്റാണ് സീമ വിനീത്. തന്റെ ജീവിതാനുഭവങ്ങളെക്കുറിച്ചും നേരിട്ട പ്രതിസന്ധികളെക്കുറിച്ചുമെല്ലാം സീമ വാചാലയാവാറുണ്ട്. ആശുപത്രിയില്‍ നിന്നുള്ള ചിത്രവുമായെത്തിയിരിക്കുകയാണ് സീമ ഇപ്പോള്‍. ജീവിതത്തിലെ മറ്റൊരു പ്രധാന യാത്രയിലാണ് ഇപ്പോള്‍. എല്ലാവരുടേയും പ്രാര്‍ത്ഥന എനിക്കാവശ്യമുണ്ട്. നാല് ദിവസമായി ഞാന്‍ ആശുപത്രിയിലാണ്. ദ്രാവക രൂപത്തിലാണ് ഭക്ഷണം. എന്റെ സ്വപ്‌നത്തിലേക്കുള്ള യാത്ര നീട്ടിവെക്കാന്‍ ഞാന്‍ ആഗ്രഹിക്കുന്നില്ല. മറ്റൊരാളുടെ സന്തോഷത്തിനോ സമാധാനത്തിനോ വേണ്ടിയല്ല ഞാന്‍ ഇത് ചെയ്യുന്നത്. എന്റെ സന്തോഷത്തിന് വേണ്ടിയാണ്. എനിക്ക് കുറേ കോള്‍ വരുന്നുണ്ടായിരുന്നു. അതൊന്നും എടുക്കാന്‍ സാധിച്ചില്ല. വര്‍ക്കുമായി ബന്ധപ്പെട്ട കാര്യങ്ങള്‍ മെസ്സേജായി അയച്ചാല്‍ എനിക്ക് മറുപടി തരാന്‍ പറ്റുമെന്നുമായിരുന്നു സീമ കുറിച്ചത്. നിരവധി പേരാണ് പോസ്റ്റിന് താഴെയായി സീമയുടെ ആരോഗ്യത്തെക്കുറിച്ച് ചോദിച്ചെത്തിയത്.
എത്രയും പെട്ടെന്ന് എല്ലാം ശരിയാവട്ടെ. എല്ലാം നന്നായി നടക്കട്ടെ. പൂര്‍ണ ആരോഗ്യവതിയായി തിരിച്ച് വരൂ. എല്ലാ ആഗ്രഹങ്ങളും വേഗം നടക്കട്ടെ. പെട്ടെന്ന് കണ്ടപ്പോള്‍ പേടിച്ച് പോയി. പിന്നെ വായിച്ചപ്പോഴാണ് സമാധാനമായത് തുടങ്ങിയ കമന്റുകളാണ് പോസ്റ്റിന് താഴെയുള്ളത്.
അല്ല അപ്പോൾ നിങ്ങൾക്കൊക്കെ ദൈവം തന്നത് അതുപോലെ കൊണ്ട് നടന്നാൽ പോരെ എന്തിനാണാവോ ഉള്ളതിൽ നിന്നും മുറിച്ചു കളയുന്നത് അപ്പോൾ നിങ്ങളും നമ്മളും ഒന്നല്ലേ, നിങ്ങൾ കുറച്ചു മുറിച്ചു നമ്മള് മുഴുവനും മുറിച്ചു. കുറെ നാളായി കേൾക്കുന്നതാണ് ദൈവം തന്നത് പോലെ നടന്നൂടെ നടന്നൂടെ എന്ന്, നിങ്ങൾക്ക് എന്താണ് നടക്കാൻ പാടില്ലേ. ദൈവം തന്നതിൽ നിന്നും ദൈവം പറഞ്ഞോ മുറിച്ചു കളയാൻ. നിങ്ങൾക്ക് സ്വർഗം വേണ്ടേ. എല്ലാവരും എല്ലാം തികഞ്ഞവർ അല്ലെന്നു ഇപ്പോൾ മനസ്സിലായില്ലേയെന്നായിരുന്നു ദിവസങ്ങൾക്ക് മുൻപ് സീമ ചോദിച്ചത്.