ഒന്‍പത് വയസ്സില്‍ തുടങ്ങിയ പ്രണയം
ഒരു കുടുംബമൊക്കെയായി കുട്ടികള്‍ക്കെല്ലാം ഒപ്പം ജീവിക്കാനായിരുന്നു എനിക്ക് ആഗ്രഹം. നല്ലൊരു ദാമ്പത്യ ജീവിതം ഞാന്‍ സ്വപ്‌നം കണ്ടിരുന്നു എന്ന് ഷക്കീല പണ്ടേ പറഞ്ഞതാണ്. ഒന്‍പതാം വയസ്സ് മുതല്‍ പ്രണയിക്കാന്‍ തുടങ്ങിയതാണ് എന്നാണ് ഷക്കീല ഇപ്പോള്‍ പറഞ്ഞിരിയ്ക്കുന്നത്. പതിമൂന്നാം വയസ്സിലും പതിനെട്ടാം വയസ്സിലും എല്ലാം പ്രണയം ഉണ്ടായിരുന്നു.
പ്രണയിച്ചവരോട് ഇപ്പോഴും സൗഹൃദം
എനിക്ക് ഒരാളോട് ഇഷ്ടം തോന്നിയാല്‍ അത് തുന്ന് പറയാന്‍ മടിയൊന്നും ഇല്ല. എന്നോടും പലരും ഇഷ്ടം പറഞ്ഞിട്ടുണ്ട്. പക്ഷെ എല്ലാം അതുവരെ മാത്രമേ ഉണ്ടായിരുന്നുള്ളൂ. ഞാന്‍ പണ്ട് പ്രണയിച്ചവരുമായി എല്ലാം ഇപ്പോഴും നല്ല സൗഹൃദം സൂക്ഷിക്കുന്ന ആളാണ് ഞാന്‍. അവര്‍ ഭാര്യമാര്‍ക്കൊപ്പം വന്ന് എന്നെ കാണാറൊക്കെയുണ്ട്.
മദ്യപാല ശീലത്തെ കുറിച്ച്
മദ്യപാന ശീലമാണ് എന്നെ തകര്‍ത്തത് എന്ന് ഞാന്‍ പറയില്ല. ഞാന്‍ മദ്യം കുടിക്കാറുണ്ടായിരുന്നു, പക്ഷെ മദ്യം എന്നെ കുടിച്ചിട്ടില്ല. സങ്കടവും സന്തോഷവും വരുമ്പോള്‍ ഞാന്‍ മദ്യപിയ്ക്കും. രാത്രിയും പകലും ഇരുന്ന് മദ്യപിയ്ക്കുന്ന ശീലം ഒന്നുമില്ല. ഒറ്റ തവണ മാത്രം, മൂന്ന് ദിവസം തുടര്‍ച്ചയായി രാവും പകലും മദ്യപിച്ചിട്ടുണ്ട്. കുടുംബത്തില്‍ ചെറിയ പ്രശ്‌നം ഉണ്ടായ സമയത്തായിരുന്നു അത്. പക്ഷെ പിന്നീട് പകല്‍ മദ്യപിച്ചിട്ടില്ല.
സന്തോഷം വന്നാല്‍ മദ്യപിയ്ക്കും
എല്ലാം നശിച്ചത് കൊണ്ട് മദ്യപാനം നിര്‍ത്തിയതല്ല ഞാന്‍. അമിതമായി കുടിയ്ക്കുന്നത് നിയന്ത്രിച്ചു. ഒരേ ബ്രാന്റ്, ഒരേ സ്ഥലം ഒരേ കാരണം.. എനിക്ക് ബോര്‍ അടിച്ചപ്പോഴാണ് മദ്യപിയ്ക്കുന്നത് നിര്‍ത്തിയത്. സന്തോഷം വന്നാല്‍ ഇപ്പോഴും മദ്യപിക്കാറുണ്ട്.
