ഒന്നിനും കൊള്ളാത്ത ഭര്‍ത്താവെന്ന് പറഞ്ഞവരെല്ലാം തിരുത്തി! ശില്‍പ ബാലയ്‌ക്കൊപ്പം വിഷ്ണുവിന്റെ കിടിലന്‍ പെര്‍ഫോമന്‍സ്

ഇത് ഭയങ്കര സര്‍പ്രൈസാണ്. കാരണം ഞാന്‍ വഴിയല്ലാതെ ഒരിക്കലും വിഷ്ണുവിനെ കോണ്ടാക്റ്റ് ചെയ്യാന്‍ പോലും പറ്റില്ല. ഈ ഫീല്‍ഡുമായി ഒരു ബന്ധവുമില്ലാത്ത ആളാണ്. ഇതെങ്ങനെ ഒപ്പിച്ചുവെന്നാണ് ഞാന്‍ ആലോചിക്കുന്നതെന്നായിരുന്നു ശില്‍പ പറഞ്ഞത്. 8 വര്‍ഷത്തോളം അടുപ്പിച്ച് കലാപ്രതിഭയായിരുന്ന ആളല്ലേ, കലയുമായി ബന്ധമില്ലെന്ന് പറയാനാവില്ലെന്നായിരുന്നു അവതാരകന്‍ പറഞ്ഞത്. ഇവിടെ വന്നാല്‍ എന്താലും പെര്‍ഫോം ചെയ്യണമെന്നായിരുന്നു ശ്വേത മേനോന്‍ വിഷ്ണുവിനോട് പറഞ്ഞത്.

ഇതിലേക്ക് വിളിച്ചപ്പോള്‍ ചിലപ്പോള്‍ ഞാന്‍ ഡാന്‍സ് ചെയ്യേണ്ടി വന്നേക്കാം എന്ന സൂചന തന്നിരുന്നു. ഇടയ്ക്ക് ഹോസ്പിറ്റലില്‍ ആനുവല്‍ ഡേയായിരുന്നു. അന്ന് പെര്‍ഫോം ചെയ്യാനുള്ള പ്ലാനുണ്ടായിരുന്നു. അതിനാണെന്ന് പറഞ്ഞ് ഞങ്ങള്‍ പ്രാക്ടീസ് ചെയ്തിട്ടുണ്ടായിരുന്നു. അപ്പോള്‍ ആ പരിപാടി ഇല്ലേ എന്നായിരുന്നു ശില്‍പ ചോദിച്ചത്. ഇവിടേക്ക് വേണ്ടിയായിരുന്നു പ്രാക്ടീസ് ചെയ്യാന്‍ പറഞ്ഞതെന്നായിരുന്നു വിഷ്ണു പറഞ്ഞത്. നിറഞ്ഞ കൈയ്യടിയായിരുന്നു ഇവരുടെ പെര്‍ഫോമന്‍സിന് ലഭിച്ചത്.

കലാവാസനയുള്ള ഓങ്കോളജിസ്റ്റിനെ ഞാന്‍ ആദ്യമായാണ് കാണുന്നത്. സൂപ്പര്‍ പെര്‍ഫോമന്‍സെന്നായിരുന്നു ശ്വേതയുടെ കമന്റ്. നിങ്ങളുടെ അടുത്ത് വന്ന് ഡാന്‍സ് പഠിച്ചാലോ എന്ന് ആലോചിക്കുന്നുണ്ട്. എന്നും ഇങ്ങനെ തന്നെ സ്‌നേഹത്തോടെ, സന്തോഷത്തോടെ മുന്നോട്ട് പോവട്ടെ. ഞാന്‍ പഠിപ്പിച്ചിട്ടുള്ള കുട്ടിയാണ് ശില്‍പ. എന്നും അവളെ ഇങ്ങനെ ചേര്‍ത്തുപിടിച്ച് പോത്സാഹിപ്പിച്ച് മുന്നോട്ട് പോവൂ എന്നായിരുന്നു ആശ ശരത് പറഞ്ഞത്.

എന്നെ നന്നായി സപ്പോര്‍ട്ട് ചെയ്യുന്നുണ്ട്. ഇവിടത്തെ കാര്യങ്ങളില്‍ ഞാന്‍ നൂറ് ശതമാനം ഇടപെടുന്നതിന് കാരണം വിഷ്ണുവിന്റെ പിന്തുണയാണ്. ഇവിടുന്നുള്ള ഗ്രീന്‍ സിഗ്നലാണ് എന്നെ നയിക്കുന്നത്. എന്തിനാണ് ചോദിക്കുന്നത് എന്നൊക്കെ നമുക്ക് തോന്നും, അതില്ലെങ്കില്‍ ഇവിടെ എനിക്ക് സമാധാനത്തോടെ ഇരിക്കാനാവില്ലെന്നായിരുന്നു ശില്‍പ പ്രതികരിച്ചത്.

ഇങ്ങനെയാണോ ഭര്‍ത്താവ് എന്ന തരത്തില്‍ മുന്‍പ് വിഷ്ണുവിനെതിരെ രൂക്ഷവിമര്‍ശനങ്ങള്‍ ഉയര്‍ന്നതിനെക്കുറിച്ച് ശില്‍പ പറഞ്ഞിരുന്നു. ഇപ്പോഴിതാ അദ്ദേഹം തന്നെ അത് മാറ്റി പറയിപ്പിച്ചിരിക്കുകയാണെന്നായിരുന്നു ആരാധകര്‍ പറഞ്ഞത്. അദ്ദേഹ എത്ര നന്നായാണ് ഡാന്‍സ് ചെയ്തത്. വിവാഹ വീഡിയോയുടെ താഴെ മോശം കമന്റുകളുണ്ടായിരുന്നു. സ്‌കൂള്‍ കാലഘട്ടത്തിലും യൂണിവേഴ്‌സിറ്റിയിലുമെല്ലാം മത്സരിച്ച് സമാനം വാരിക്കൂട്ടിയ ആളാണ് വിഷ്ണു. അദ്ദേഹത്തെക്കുറിച്ച് അറിയാത്തവരാണ് വിമര്‍ശിച്ചതെന്നുമായിരുന്നു കമന്റുകള്‍.