എന്നെ ഞാനാക്കിയ ദൈവമാണ് എന്റെ അച്ഛന്‍! തളരണ്ട, പിന്നോട്ട് നോക്കണ്ട അച്ഛനും അമ്മയും കൂടെയുണ്ട് എന്ന് പറഞ്ഞ് കട്ടക്ക് കൂടെ നില്‍ക്കുന്ന എന്‍രെ ബ്രോ ഡാഡി! അച്ഛനെക്കുറിച്ച് അമൃത സുരേഷ്

മോഹന്‍ലാല്‍ പൃഥ്വിരാജ് കൂട്ടുകെട്ടിലൊരുങ്ങിയ ചിത്രമായ ബ്രോ ഡാഡി പ്രേക്ഷകര്‍ക്ക് മുന്നിലേക്കെത്തിയിരിക്കുകയാണ്. ഹോട്ട് സ്റ്റാറിലൂടെയായാണ് ചിത്രം റിലീസ് ചെയ്തത്. സിനിമ കണ്ടതിനെക്കുറിച്ചും തന്റെ ബ്രോ ഡാഡിയെക്കുറിച്ചും പറഞ്ഞെത്തിയിരിക്കുകയാണ് അമൃത സുരേഷ്. ഇന്‍സ്റ്റഗ്രാമിലൂടെയായാണ് അമൃത അച്ഛനെക്കുറിച്ച് വാചാലയായത്. സ്വന്തം കൈപ്പടയിലെഴുതിയ കുറിപ്പിന്റെ ഫോട്ടോയാണ് അമൃത പോസ്റ്റ് ചെയ്തത്.
ഇന്ന് എന്നെ ഞാനാക്കി മാറ്റിയ സംഗീതം എന്ന അനുഗ്രഹം ഞാന്‍ പോലും അറിയാതെ എനിക്ക് സമ്മാനിച്ച എന്റെ ദൈവമാണ് എന്റെ അച്ഛന്‍. മൂന്നു വയസ് തുടങ്ങി അച്ഛന്റെ ഫ്‌ളൂട്ടിന്റെ ഒരറ്റം പിടിച്ച് പാട്ട് പാടാന്‍ തുടങ്ങിയപ്പോഴും, ജീവിതത്തില്‍ വെല്ലുവിളികള്‍ നേരിടേണ്ടി വന്നപ്പോഴും 'തളരണ്ടാ' പിന്നോട്ട് നോക്കണ്ടാ, അച്ഛനും അമ്മയും കൂടെയുണ്ട് എന്ന് പറഞ്ഞ് അന്നും ഇന്നും എന്റെ കൂടെ നില്‍ക്കുന്ന എന്റെ അച്ഛന്‍. എല്ലാറ്റിനുമുപരി ഒരു കൂട്ടുകാരനെ പോലെ എന്തും തുറന്ന് പറയാനുള്ള സ്വാതന്ത്രം തന്ന് എന്നെ സ്വതന്ത്രയായി വളര്‍ത്തി.
ഇപ്പോള്‍ എന്റെ അച്ഛന്‍ അമൃതംഗമയയില്‍ ലീഡ് ഫ്‌ളുട്ടിസ്റ്റായും എന്റെ കൂട്ടുകാരുടെ മെന്ററും അതിലുപരി ഞങ്ങളുടെ എല്ലാം ബ്രോ ഡാഡിയും ആണ്. എനിക്ക് വേണ്ടിയും എന്റെ ബ്രോ ഡാഡിയായും നിലകൊള്ളുന്നതിന് എനിക്ക് എന്റെ അച്ഛനോട് ഒരു നന്ദി പറയണം. ഞങ്ങള്‍ക്ക് നിങ്ങളെ ആവശ്യമുള്ളപ്പോഴെല്ലാം അവിടെ ഉണ്ടായിരുന്നതിന് ഞങ്ങളുടെ പ്രിയപ്പെട്ട ബ്രോ ഡാഡിക്ക് നന്ദി പറയുകയാണ്. നിങ്ങളുടെ ജീവിതത്തില്‍ എല്ലാവര്‍ക്കും ഇതുപോലെ ബ്രോ ഡാഡി മൊമന്റ് ഉണ്ടായിരിക്കുമെന്ന് എനിക്ക് ഉറപ്പുണ്ട്. അത് താഴെ കമന്റ് ചെയ്യുകയെന്നുമായിരുന്നു അമൃത ഇൻസ്റ്റഗ്രാമിൽ കുറിച്ചത്.
അച്ഛനാണ് നമ്മുടെ ജീവിതത്തിലെ വലിയ ഹീറോയെന്നായിരുന്നു ആരാധകര്‍ പറഞ്ഞത്. സുരേഷ് അങ്കിള്‍, എന്റെ പപ്പയുടെ സുഹൃത്ത്്, കൊച്ചിലേ മുതല്‍ അറിയാം. വളരെ ഹമ്പിളാണ്, ടാലന്റഡായ ആര്‍ടിസ്റ്റാണ്. അഭിയും മോളും ലക്കിയാണ്, ഇത്രയും നല്ല മാതാപിതാക്കളെ ലഭിച്ചതില്‍ എന്നായിരുന്നു ഒരാള്‍ കമന്റ് ചെയ്തത്.