എത്ര ദൂരം പോയാലും ഈ ചിരിയോളം വരില്ല ഒന്നും! മകന്റെ വീഡിയോയുമായി ലിബിന്‍ സക്കറിയ

സരിഗമപ റിയാലിറ്റി ഷോയിലൂടെയായി ശ്രദ്ധിക്കപ്പെട്ട താരമാണ് ലിബിന്‍ സക്കറിയ. വ്യത്യസ്തമായ ആലാപനത്തിലൂടെയായി ലിബിന്‍ തുടക്കം മുതലേ തന്നെ ശ്രദ്ധ നേടിയിരുന്നു. ഭക്തിഗാനങ്ങളൊക്കെ പാടിയിട്ടുണ്ടെങ്കിലും റിയാലിറ്റി ഷോയിലേക്ക് അവസരം ലഭിച്ചപ്പോഴായിരുന്നു ലിബിന്‍ സംഗീതത്തെ ഗൗരവകരമായി കണ്ടത്. ഫൈനലിസ്റ്റുകളില്‍ ഒരാളായി മാറിയ ലിബിനായിരുന്നു ഷോയുടെ വിജയി. തുടക്കം മുതലുള്ള ലിബിന്റെ യാത്രയില്‍ ശക്തമായ പിന്തുണയാണ് ആരാധകര്‍ നല്‍കിയത്. ഷോയ്ക്ക് ശേഷമുള്ള വിശേഷങ്ങളെല്ലാം ലിബിന്‍ സോഷ്യല്‍മീഡിയയിലൂടെയായി പങ്കിടാറുണ്ട്.
ഭാര്യയും മകനും ഒന്നിച്ചുള്ളൊരു ക്യൂട്ട് വീഡിയോ പങ്കിട്ടെത്തിയിരിക്കുകയാണ് ലിബിന്‍ ഇപ്പോള്‍. എത്ര ദൂരം പോയാലും എത്ര ഉയരങ്ങള്‍ താണ്ടിയാലും ഈ ചിരിയോളം വരില്ല ഒന്നും എന്ന ക്യാപ്ഷനോടെയായാണ് വീഡിയോ പങ്കുവെച്ചത്. നിരവധി പേരായിരുന്നു വീഡിയോയ്ക്ക് താഴെയായി സ്‌നേഹം അറിയിച്ചെത്തിയത്. ഭാര്യയ്ക്കും മകനുമൊപ്പമുള്ള ചിത്രങ്ങളും വീഡിയോയും നേരത്തെയും ലിബിന്‍ പങ്കിട്ടിരുന്നു.
അഭിഭാഷകയായ തെരേസയെയാണ് ലിബിന്‍ വിവാഹം ചെയ്തത്. തെരേസ സരിഗമപ ഒന്നും കണ്ടിരുന്നില്ല. പുള്ളിക്കാരിയുടെ മമ്മി ഷോയുടെ സ്ഥിരം പ്രേക്ഷകയായിരുന്നു. ഒരു വീഡിയോ കണ്ടപ്പോഴാണ് ഇദ്ദേഹം ആരെന്നറിയാനായി തെരേസ ഷോ കണ്ടതും എന്നെക്കുറിച്ച് മനസിലാക്കിയതുമെന്നും ലിബിന്‍ പറഞ്ഞിരുന്നു. അഭിമുഖങ്ങള്‍ കണ്ട് എന്റെ ക്യാരക്ടറും കാഴ്ചപ്പാടുമൊക്കെ അവള്‍ക്ക് മനസിലായിരുന്നു. ഒരു സുഹൃത്തില്‍ നിന്നും നമ്പര്‍ വാങ്ങിയാണ് എന്നെ അവള്‍ വിളിച്ചത്. ആശംസ അറിയിക്കാനായി വിളിച്ച് തുടങ്ങിയ ബന്ധം പിന്നെ പ്രണയത്തിലേക്കും വിവാഹത്തിലേക്കും എത്തുകയായിരുന്നു.
കല്യാണപ്രായമൊക്കെ ആയോ എന്നായിരുന്നു സേവ് ദ ഡേറ്റ് ചിത്രങ്ങള്‍ പുറത്തുവന്നപ്പോള്‍ എല്ലാവരും ചോദിച്ചത്. എന്തിനാണ് ഇത്ര നേരത്തെ വിവാഹം കഴിക്കുന്നതെന്ന് ചോദിച്ചവരുമുണ്ട്. ആല്‍ബം ചിത്രീകരണത്തിനിടയിലെ രംഗമായിരിക്കുമെന്ന് കരുതിയവരുമുണ്ടായിരുന്നു. എന്നാല്‍ പിന്നീട് ഞാന്‍ യഥാര്‍ത്ഥത്തില്‍ വിവാഹിതനാവാന്‍ പോവുകയാണെന്ന് അവരെ അറിയിക്കുകയായിരുന്നു.