ഞങ്ങള്‍ സ്വന്തം വീട്ടിലേക്ക് മാറി! സന്തോഷം പങ്കിട്ട് ലിബിനും തെരേസയും

സരിഗമപ റിയാലിറ്റി ഷോയിലൂടെയായി പ്രേക്ഷകര്‍ക്ക് പ്രിയങ്കരനായി മാറിയതാണ് ലിബിന്‍ സ്‌കറിയ. തുടക്കം മുതലേ സ്ഥിരത നിലനിര്‍ത്തിയ ലിബിനായിരുന്നു ഷോയുടെ വിജയി. ലിബിന് വിജയസാധ്യതയുണ്ടെന്ന് ആരാധകരും പ്രവചിച്ചിരുന്നു. സംഗീതത്തിന്റെ വഴിയെ സഞ്ചരിക്കാനായി തീരുമാനിച്ചതിനെക്കുറിച്ചെല്ലാം ലിബിന്‍ തുറന്ന് പറഞ്ഞിരുന്നു. ഷോയ്ക്ക് ശേഷമുള്ള വിശേഷങ്ങള്‍ പങ്കുവെച്ചും അദ്ദേഹം എത്താറുണ്ട്. അഭിഭാഷകയായ തെരേസയാണ് ലിബിന്റെ ജീവിതസഖി. കൂട്ടിനായി ഒരു മകനുമുണ്ട്. മകന്റെ വിശേഷങ്ങളും ലിബിനും തെരസേയും പങ്കിടാറുണ്ട്. പ്രണയ ദിനതത്തില്‍ ജീവിതത്തിലെ പുതിയ തുടക്കത്തെക്കുറിച്ച് പറഞ്ഞായിരുന്നു ലിബിന്‍ എത്തിയത്. നാളുകള്‍ നീണ്ട കാത്തിരിപ്പിനൊടുവിലായി ലിബിനും തെരേസയും പുതിയ വീട്ടിലേക്ക് മാറിയിരിക്കുകയാണ്.
കാര്യം ഞങ്ങൾക്ക് എന്നും വാലന്റൈൻസ് ഡേ ആണെങ്കിലും ഈ തവണ ഒരു പ്രത്യേകത ഉണ്ട്. ഞങ്ങൾ ഈ പ്രാവശ്യം ആഘോഷിക്കുന്നത് ഞങ്ങളുടെ പുതിയ വീട്ടിലാണ്. ഒരുപാട് നാളത്തെ കാത്തിരിപ്പിനും പ്രാർത്ഥനകൾക്കുമൊടുവിൽ. നിങ്ങളുടെ പ്രാർത്ഥനയും അനുഗ്രഹവും ഉണ്ടാകണേ എന്നായിരുന്നു ലിബിൻ കുറിച്ചത്. എപ്പോഴും അങ്ങനെ തന്നെ ആവട്ടെ എന്നു ആശംസിക്കുന്നുവെന്നായിരുന്നു ആരാധകർ പറഞ്ഞത്. ഷോയിലുണ്ടായിരുന്ന സമയത്തെ അതേ സ്വീകാര്യതയും പിന്തുണയും ഇപ്പോഴും ലിബിന് ലഭിക്കുന്നുണ്ട്. ഫാന്‍സ് ഗ്രൂപ്പുകളെല്ലാം ഇപ്പോഴും സജീവമാണ്.
തന്റെ പാട്ട് കണ്ടല്ല തെരേസ ജീവിതത്തിലേക്ക് വന്നതെന്ന് ലിബിന്‍ പറഞ്ഞിരുന്നു. മമ്മിയാണ് അവളോട് എന്നെക്കുറിച്ച് പറഞ്ഞത്. അങ്ങനെ സുഹൃത്തില്‍ നിന്നും നമ്പര്‍ വാങ്ങി എന്നെ വിളിച്ചിരുന്നു. സൗഹൃദം പിന്നീട് പ്രണയമായി മാറുകയായിരുന്നു. വീട്ടുകാരോട് പറഞ്ഞപ്പോള്‍ അവര്‍ക്ക് പ്രശ്‌നങ്ങളൊന്നുമില്ലായിരുന്നു. തെരേസയ്ക്ക് ഹൈക്കോടതിയില്‍ ജോലി ലഭിച്ചതോടെ കൊച്ചിയില്‍ ഒന്നിച്ച് നില്‍ക്കാനായി വിവാഹം നടത്തുകയായിരുന്നുവെന്നും ലിബിന്‍ മുന്‍പ് പറഞ്ഞിരുന്നു.