ആ വാർത്ത ശരി തന്നെ; റോയ്‌സ് ഇനി സോണിയയ്ക്ക് സ്വന്തം!

റിമിടോമിയുടെ മുൻ ഭർത്താവ് റോയ്‌സ് വിവാഹിതൻ ആകുന്നു. വിവാഹത്തിന് മുൻപുള്ള ചടങ്ങുകൾ കഴിഞ്ഞു. സോണിയയാണ് റോയ്സിന്റെ വധു. വിവാഹ നിശ്ചയത്തിന്റെ ചിത്രം ഇപ്പോൾ സോഷ്യൽ മീഡിയയിൽ വൈറൽ ആണ്.

തൃശൂരിൽ വച്ചായിരുന്നു ചടങ്ങുകൾ. മുൻപ് വിവാഹ നിശ്ചയത്തിന്റെ ക്ഷണക്കത്ത് സോഷ്യൽ മീഡിയയിൽ വൈറലായിരുന്നു.എന്നാൽ ഇത് സംബന്ധിച്ച് ചില സംശയങ്ങൾ നിലനിന്നിരുന്നു. എന്നാൽ റോയ്‌സ് ഇനി മുതൽ സോണിയയ്ക്ക് സ്വന്തമാകാൻ പോകുന്ന റിപ്പോർട്ടുകൾ ശരിവയ്ക്കുന്നതാണ് ഇപ്പോൾ പുറത്തുവന്ന ചിത്രങ്ങൾ.

ALSO READ: റോയ്‌സ് വിവാഹിതനാകുന്നു; വധു സോണിയ; ക്ഷണക്കത്ത് വൈറൽ!

2008 ഏപ്രിലിലായിരുന്നു റോയ്‌സ് കിഴക്കൂടനുമായി റിമി ടോമിയുടെ വിവാഹം. കഴിഞ്ഞ വർഷമാണ് ഇരുവരും വിവാഹമോചനം നേടിയത്. ഇരുവരും ഇതിനു മുൻപേ തന്നെ പിരിഞ്ഞു താമസിക്കുകയായിരുന്നതായി റിപ്പോർട്ടുകൾ വന്നിരുന്നു. പരസ്പര ധാരണ പ്രകാരമായിരുന്നു വിവാഹ മോചനം നടക്കുന്നത്.