സുന്ദരിപ്പൂവിന് പിറന്നാൾ; ആശംസകൾ നേർന്ന് സിത്താരയും!

നടിയും റിമിയുടെ നാത്തൂനുമായ മുക്ത ഹൃദയസ്പർശിയായ പിറന്നാളാശംസ നേർന്നതിന് പിന്നാലെ ഗായകനും റിമിയുടെ അടുത്ത സുഹൃത്തുമായ വിധു പ്രതാപും ഗായിക ജ്യോത്സ്നയുമൊക്കെ ആശംസകളറിയിച്ച് രംഗത്തെത്തിയിരുന്നു.

ഇപ്പോഴിതാ റിമിയ്ക്ക് ആശംസയുമായി രംഗത്തെത്തിയിരിക്കുന്നത് യുവഗായികയായ സിത്താര കൃഷ്ണകുമാറാണ്. മേക്കപ്പ് റൂമിൽ വെച്ച് റിമിയുടെ ചിത്രം പകർത്തുന്ന സിത്താരയുടെ ചിത്രവും സിത്താര പകർത്തിയ റിമിയുടെ ചിത്രവും പങ്കുവെച്ചു കൊണ്ടാണ് ആശംസ അറിയിച്ചിരിക്കുന്നത്.

എല്ലാവരെയും ചിരിപ്പിക്കുന്ന, സന്തോഷിപ്പിക്കുന്ന ഈ സുന്ദരിപൂവിന്റെ പിറന്നാളാണ് എന്നും ഹാപ്പി ബർത്ത് ഡേ ഡിയർ എന്നും സിത്താര കുറിച്ചിരിക്കുന്നു. റിമിയുടെ ഇൻസ്റ്റാഗ്രാം അക്കൌണ്ടും ടാഗ് ചെയ്തു കൊണ്ടാണ് സിതാര ആശംസ കുറിച്ചിരിക്കുന്നത്.

ഇപ്പോൾ മഴവിൽ മനോരമ ചാനലിലെ സൂപ്പർ ഫോർ സീസൺ 2 റിയാലിറ്റി ഷോയുടെ ജഡ്ജുമാരിലൊരാളായി റിമി ടോമി എത്തുന്നുണ്ട്. യുവഗായകരായ ജ്യോത്സ്ന, സിത്താര കൃഷ്ണകുമാർ, വിധു പ്രതാപ് എന്നിവരാണ് സൂപ്പർ ഫോർ സീസൺ 2ലെ മറ്റു വിധികർത്താക്കൾ.