'തേജേട്ടൻ വിളിക്കുമ്പോഴും, പാട്ട് പാടിക്കുമ്പോഴും ചെറിയ കുട്ടിയായ പോലെ തോന്നും' സിത്താര!

സംഗീതപ്രേമികളുടെ പ്രിയ ഗായികയാണ് സിത്താര കൃഷ്ണകുമാർ. ഏതു റേഞ്ചിൽ ഉള്ള ഗാനവും അനായാസം പാടുന്ന ഗായികയോട് എന്തോ പറഞ്ഞറിയിക്കാൻ ആകാത്ത ആരാധനയും മലയാളികൾക്കു ഉണ്ട്. ഗായിക എന്നതിലുപരി ബന്ധങ്ങൾക്ക് ഒരു പ്രത്യേക സ്ഥാനം നൽകുന്ന വ്യക്തി കൂടിയാണ് സിത്താര. സോഷ്യൽ മീഡിയയിൽ സജീവമായ സിത്താരയുടെ ഓരോ പോസ്റ്റും ഏറെ ശ്രദ്ധിക്കപ്പെടാറുണ്ട്.

ALSO READ: അഭിനയിക്കാന്‍ എത്തിയത് ആരും അറിയാതെ, ആദ്യ ഷൂട്ടിങ് ഫ്രണ്ട്സ് പഠിക്കുന്ന കോളേജില്‍; നീയും ഞാനും വില്ലത്തി ലക്ഷ്മി നന്ദന്‍

എത്ര വലിയ ഗായിക ആയി ഉയർന്നാലും വന്ന വഴിയും,വളർച്ചയിൽ തന്റെ ഒപ്പം നിന്ന ആളുകൾക്ക് താൻ ഇപ്പോഴും ഒരു പ്രത്യേക സ്ഥാനം നൽകുന്നുണ്ട് എന്നാണ് താരത്തിന്റെ പുതിയ പോസ്റ്റ് സൂചിപ്പിക്കുന്നത്. സംഗീത സംവിധായകൻ തേജ് മെർവിനെകുറിച്ചാണ് സിത്താര പറയുന്നത്.

സിത്താരയുടെ വാക്കുകൾ!

സ്കൂൾ കുട്ടി ആയിരുന്ന കാലത്താണ് ആദ്യമായി തേജേട്ടന് വേണ്ടി പാടുന്നത്, അന്നുമുതൽ ഇന്ന് എന്റെ ഈ പ്രായം വരേയ്ക്കും "മോളെ" എന്നേ മൂപ്പര് വിളിക്കാറുള്ളൂ!!! തേജേട്ടൻ വിളിക്കുമ്പോഴും, പാട്ട് പാടിക്കുമ്പോഴും പിന്നെയും ചെറിയ കുട്ടിയായ പോലെ തോന്നും, ട്രാക്ക് പാടി വിശന്നു പരിപ്പിളകുമ്പോൾ മൂപ്പര് പണ്ട് മ്യൂസിക് സിറ്റി സ്റ്റുഡിയോവിൽ വാങ്ങിപ്പിച്ചു തന്നിരുന്ന ബോംബെ ഹോട്ടൽ ബിരിയാണി ഓർമ്മവരും.
ALSO READ: ആതിരക്ക് പ്രണയ സാഫല്യം; വിവാഹത്തിന് ഇനി നാളുകൾ; കുടുംബവിളക്കിൽ ഉണ്ടാകുമോയെന്നും താരം!
എസ്പിബിയും ശങ്കർ ജിയും ഉൾപ്പടെയുള്ള അതിഭീകരന്മാരുടെ കൂടെ വേദിയിൽ പേടിച്ചരണ്ട് നിൽക്കുമ്പോൾ, വിരലിൽ എണ്ണം പിടിച്ച് വാത്സല്യത്തോടെ ധൈര്യം പകർന്ന് തേജേട്ടൻ അടുത്തുള്ളത് ഓർമ്മവരും!!വർഷങ്ങൾക്ക് ശേഷം തേജേട്ടൻ സംഗീതം നൽകിയ മനോഹരമായ രണ്ട് പാട്ടുകൾ സത്യം ഓഡിയോസിനു വേണ്ടി പാടുമ്പോൾ നിറച്ചും സന്തോഷം,സ്നേഹം!! സംഗീതം- ശ്രീ. തേജ് മെർവിൻ, വരികൾ -ശ്രീ. ഷാഫി കൊല്ലം