നല്ല പാതിക്ക് ആശംസകളെന്ന് സജീഷ്; സൗഹൃദം നീയില്ലാതെ പൂർണ്ണമാകില്ലെന്ന് ഗോപിയും!

മലപ്പുറം ജില്ലയിലെ തേഞ്ഞിപ്പാലത്ത് കെ.എം. കൃഷ്ണകുമാറിന്റെയും സാലിയുടെയും മകളായിട്ടാണ് താരത്തിന്റെ ജനനം. കാലിക്കറ്റ് യൂണിവേഴ്സിറ്റി കാമ്പസ് സ്കൂൾ,ഫാറൂഖ് കോളേജ്,കാലിക്കറ്റ് യൂണിവേഴ്സിറ്റി എന്നിവിടങ്ങളിലായി വിദ്യാഭ്യാസം പൂർത്തിയാക്കി. ഇംഗ്ലീഷ് ഭാഷയിലും സാഹിത്യത്തിലും ബിരുദാനന്തര ബിരുദധാരി കൂടിയാണ് താരം .

പാലാ സി.കെ. രാമചന്ദ്രൻ, ഉസ്താദ് ഫയാസ് ഖാൻ, വിജയസേനൻ, രാമനാട്ടുകര സതീശൻ എന്നിവരുടെ അടുത്ത് നിന്നാണ് സംഗീതമഭ്യസിച്ചത്. പിന്നീട് ടെലിവിഷൻ ചാനലുകളിലെ സംഗീതപരിപാടികളിലൂടെയും റിയാലിറ്റിഷോകളിലൂടെയുമാണ് ചലച്ചിത്രപിന്നണി രംഗത്തെത്തുന്നത്. മികച്ച പിന്നണിഗായികയ്ക്കുള്ള കേരളസംസ്ഥാന ചലച്ചിത്രപുരസ്കാരം ഒന്നിൽ അധികം തവണ താരത്തെ തേടിയെത്തിയിട്ടുണ്ട്.

ഇന്ന് താരത്തിന് പിറന്നാൾ ദിനമാണ്. 34 വയസ്സുകാരിയായ പ്രിയതാരത്തിന് ആരാധകർ നിരവധി ഫാൻസ് പേജുകളിലൂടെയാണ് ആശംസയുമായി എത്തുന്നത്. അതിൽ ഭർത്താവ് സജീഷ് പങ്ക് വച്ച കുറിപ്പാണു ഏറെ വൈറൽ ആയത്. എന്റെ നേർ പാതിയ്ക്ക്. മോൾടെ അമ്മയ്ക്ക് ജന്മദിനാശംസകൾ എന്നാണ് സജീഷ് കുറിച്ചത്.

ഗോപി സുന്ദറിന്റെയും പങ്കാളി അഭയയുടെയും നല്ല സുഹൃത്താണ് സിത്താര. അതുകൊണ്ടുതന്നെ മൂന്നുപേരും ഒരുമിച്ചുള്ള ചിത്രവും ഒരു കുറിപ്പും ആണ് ഗോപി പങ്ക് വച്ചത്. എന്റെ നല്ല സുഹൃത്തിന് നല്ല പാട്ടുകാരിക്ക്, നിങ്ങൾ ഇല്ലാതെ സൗഹൃദം പൂർണ്ണമാകില്ല സിത്തു എന്നാണ് ഗോപി സുന്ദർ കുറിച്ചത്.