സോഷ്യൽ മീഡിയയിൽ ഏറെ സജീവം
സോഷ്യൽ മീഡിയയിൽ ഏറെ സജീവമായ രണ്ടുപേരാണ് ലക്ഷ്മിയും രാഹുലും. മിനിസ്‌ക്രീനിലും ബിഗ് സ്‌ക്രീനിലുമൊക്കെയായി അഭിനയത്തിൽ കഴിവ് തെളിയിച്ച രാഹുല്‍ അവതരണവും തനിക്ക് വഴങ്ങുമെന്ന് തെളിയിച്ചിട്ടുണ്ട്. മോഡലിംഗില്‍ നിന്നും അഭിനയ രംഗത്തേക്കത്തിയ രാഹുൽ ഇന്ത്യന്‍ പ്രണയകഥയിലും കാട്ടുമാക്കാന്‍ എന്ന സിനിമയിലും അഭിനയിച്ചിട്ടുണ്ട്.
ലക്ഷ്മിയെ പരിചയപ്പെടുത്തി രാഹുൽ പറഞ്ഞത്
'ഞാൻ അവളെ ആദ്യമായി കണ്ടുമുട്ടിയപ്പോൾ വരെ അത് വെറും ഒരു സാധാരണ ദിവസം മാത്രം ആയിരുന്നു. എന്നാൽ പിന്നീട് അത് വളരെ വിലപ്പെട്ട ഒരു ദിവസമായി എനിക്ക് മനസിലായി. അവിടെ നിന്നങ്ങോട്ടുള്ള ഓരോ ദിവസവും അവളുടെ മനോഹരമായ ചിരിയും സംസാരവും കാരണം പിന്നീട് ദിവസങ്ങൾ ഒക്കെയും കൂടുതൽ മികച്ചതായി തോന്നി" എന്നായിരുന്നു ലക്ഷ്മിയെ പരിചയപ്പെടുത്തി രാഹുൽ കുറിച്ചത്
ആ പോസ്റ്റുകൾ അപ്രത്യക്ഷം
പ്രണയം പറഞ്ഞുകൊണ്ടുള്ള പോസ്റ്റുകൾ ഇരുവരും പരസ്പരം പങ്കിട്ടിരുന്നുവെങ്കിലും ആ പോസ്റ്റുകൾ അടക്കം ഇരുവരും സോഷ്യൽ മീഡിയയിൽ നിന്നും നീക്കം ചെയ്തിട്ടുണ്ട്. വിവാഹം നടന്നതിന്റെ യാതൊരു ചിത്രങ്ങളോ പോസ്റ്റുകളോ ഇരുവരുടെയും അക്കൗണ്ടുകളിൽ ഇല്ല ഇത് തന്നെയാണ് ആരാധകരിൽ സംശയം കൂട്ടിയതും. നിങ്ങൾ തമ്മിൽ വേർപിരിഞ്ഞോ എന്ന തരത്തിലുള്ള ചോദ്യങ്ങൾ നിരന്തരമായി ഇരുവരുടെയും വോളുകളിൽ ആരാധകർ ചോദിക്കാറുമുണ്ട്.
വിവാഹശേഷം ചെന്നൈയിൽ=
മലയാളത്തിന് പുറമെ അന്യഭാഷയിലും തിളങ്ങിയ രാഹുൽ വിവാഹത്തിന് ശേഷം ചെന്നൈയിൽ ആയിരിക്കുമെന്നും അറിയിച്ചിരുന്നു. എംബിഎ പൂര്‍ത്തിയാക്കിയ ആളാണ് ലക്ഷ്മി. ഞങ്ങള്‍ ഇനി ചെന്നൈയിലേക്ക് മാറുകയാണ്. അവിടെ വെച്ച് ഞങ്ങള്‍ പുതിയ ജീവിതം തുടങ്ങുകയാണ്. ലവ് മാര്യേജായിരുന്നു. ചുരുങ്ങിയ കാലം കൊണ്ട് നടന്ന പ്രണയവിവാഹമാണ് എന്നാണ് വിവാഹശേഷം രാഹുൽ പ്രതികരിച്ചത്.
ഹരിക്ക് നിറഞ്ഞ സ്വീകരണം
മോഡലിംഗില്‍ നിന്നുമായിരുന്നു രാഹുല്‍ അഭിനയത്തിലേക്ക് തിരിഞ്ഞത്. അവതാരകനായും രാഹുല്‍ തിളങ്ങിയിരുന്നു. പൊന്നമ്പിളിയിലെ ഹരിയെ അവതരിപ്പിച്ചതോടെയായിരുന്നു താരം കുടുംബ പ്രേക്ഷകരുടെ സ്വന്തമായി മാറിയത്. മാളവിക വെയ്ല്‍സായിരുന്നു പൊന്നമ്പിളിയെ അവതരിപ്പിച്ചത്. ഇവരുടെ സ്‌ക്രീന്‍ കെമിസ്ട്രിക്ക് ഗംഭീര സ്വീകാര്യതയായിരുന്നു ലഭിച്ചത്.
