എന്തിനും ഏതിനും ഒപ്പം ഉണ്ടായിരുന്ന അമ്മ; എന്നെയും മകളെയും പൊന്നുപോലെ നോക്കുന്ന അമ്മ; സോനു സതീഷ്!

സീരിയലുകളിലൂടെയും നൃത്തത്തിലൂടെയും പ്രശസ്തയായ നടിയാണ് സോനു. സീരിയലുകളിൽ പൊതുവെ വില്ലത്തി റോളുകളിൽ ആണ് താരം പ്രത്യക്ഷപ്പെടാറ്. എങ്കിലും സെന്റിമെന്റൽ റോളുകളിലൂടെയും താരം പ്രേക്ഷക പ്രീതി നേടിയെടുത്തിട്ടുണ്ട്. താരത്തിന്റെ സ്ത്രീധനം പരമ്പരയിലെ അഭിനയ മികവാണ് ചുരുങ്ങിയ കാലം കൊണ്ട് പ്രേക്ഷകർക്കിടയിൽ വില്ലത്തി പരിവേഷം സൃഷ്ടിച്ചെടുത്തത്. സോഷ്യൽ മീഡിയയിൽ സജീവമായ നടി അമ്മയുടെ പിറന്നാൾ ദിനം പങ്കിട്ട ഒരു പോസ്റ്റാണ് ഇപ്പോൾ വൈറലായി മാറുന്നത്.


എന്റെ അമ്മ, മോളുടെ സ്വീറ്റ് അമ്മൂമ്മ. എന്റെ പഠനം, നൃത്തം, അഭിനയം, മദർഹുഡ് ടൈം എല്ലാം അമ്മയാണ് എനിക്ക് ഈസിയാക്കി മാറ്റി തന്നത്. നീയില്ലാതെ ഒന്നും സാധ്യമാകുമായിരുന്നില്ല എനിക്ക്. കരിയറും സ്വപ്‌നങ്ങളും ഉപേക്ഷിച്ച് ആണ് എന്നെ അമ്മ കെയർ ചെയ്തത്, ഇപ്പോഴും സ്വന്തം കാര്യങ്ങൾ ശ്രദ്ധിക്കാതെ എന്നെയും എന്റെ മകളെയും നോക്കുന്നു, എന്റെ അഭിലാഷങ്ങൾ നടത്താനായി എനിക്കൊപ്പം നിൽക്കുന്നു, അമ്മേ ഐ ലവ് യൂ- സോനു കുറിച്ചു.


ALSO READ: കാലിന്റെ പ്രശ്നം കൊണ്ട് പ്രണയിനി ഉപേക്ഷിച്ചു; കൂടെനിന്ന് പിന്തുണച്ചത് ശ്രീക്കുട്ടി! രണ്ടാനച്ഛനെ ദൈവമായികാണുന്ന അഭിശ്രീ ജീവിതകഥ

പഠിക്കുന്ന കാലത്ത് കലാതിലകമായിരുന്നു താരം. ഒമ്പതാം ക്ലാസില്‍ പഠിക്കുമ്പോഴാണ് സോനു ക്യാമറക്കണ്ണുകള്‍ക്ക് മുന്നിലെത്തുന്നത്. നിരവധി പരിപാടികളില്‍ പങ്കെടുക്കുകയും മത്സരങ്ങളില്‍ മിന്നും പ്രകടനങ്ങള്‍ കാഴ്ച വെക്കുകയും ചെയ്ത സോനു വാല്‍ക്കണ്ണാടിയുടെ അവതാരകയായിരുന്നു. ആ പരിപാടിയിൽ നിന്നുമാണ് താരത്തിനെ പിന്നീട് സീരിയലില്‍ അഭിനയിക്കാന്‍ വിളിക്കുന്നത്.


മലയാളത്തില്‍ നിന്നും പിന്നീട് തമിഴ് മുനിസ്‌ക്രീനിലേക്കും താരം ചേക്കേറി. പിന്നീട് നിരവധി പരമ്പരകളിലും വേഷമിട്ട സോനു വിവാഹത്തിന് ശേഷവും അഭിനയരംഗത്തുണ്ടായിരുന്നു. ഇപ്പോൾ കുഞ്ഞുവാവ വന്നശേഷം അഭിനയത്തിനും, നൃത്തത്തിനും, അധ്യാപനത്തിനും അൽപ്പം ഇടവേള നൽകിയിരിക്കുകയാണ്.