പപ്പ എവിടെപ്പോയി? കൊച്ചുവിന്റെ എക്‌സ്പ്രഷന്‍ കണ്ടോ! സുദര്‍ശനയുടെ ക്യൂട്ട് വീഡിയോയുമായി സൗഭാഗ്യ

സൗഭാഗ്യ വെങ്കിടേഷും അര്‍ജുന്‍ സോമശേഖറും പ്രേക്ഷകര്‍ക്ക് പരിചിതരാണ്. ഇവര്‍ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. നാളുകള്‍ക്ക് ശേഷമായി ചക്കപ്പഴത്തിലേക്ക് തിരിച്ചെത്തിയിരിക്കുകയാണ് അര്‍ജുന്‍. അമൃത ടിവിയിലെ ഉരുളക്കുപ്പേരിയില്‍ അര്‍ജുനും സൗഭാഗ്യയും ഒന്നിച്ച് അഭിനയിച്ചിരുന്നു. ഡാന്‍സ് പരിപാടികളിലൊക്കെ സജീവമാണെങ്കിലും അഭിനയം തനിക്ക് വഴങ്ങുമോയെന്ന തരത്തിലുള്ള ആശങ്ക എപ്പോഴും അലട്ടാറുണ്ടെന്ന് സൗഭാഗ്യ പറഞ്ഞിരുന്നു. ടിക് ടോക്കിലും റീല്‍സിലുമൊക്കെയായി വീഡിയോ ചെയ്യുന്ന സമയത്ത് സൗഭാഗ്യയ്ക്ക് സിനിമയില്‍ നിന്നും അവസരം ലഭിച്ചിരുന്നു. അഭിനയം തനിക്ക് പറ്റിയ പണിയല്ലെന്ന് ചിന്തിക്കുന്നതിനാല്‍ അതൊന്നും താന്‍ സ്വീകരിച്ചിരുന്നില്ലെന്നും താരം വ്യക്തമാക്കിയിരുന്നു. ഗര്‍ഭിണിയായിരുന്ന സമയത്തും പ്രസവ ശേഷവുമെല്ലാം ഡാന്‍സില്‍ സജീവമായിരുന്നു സൗഭാഗ്യ. ഡാന്‍സ് സ്‌കൂളുമായി ബന്ധപ്പെട്ട് എപ്പോഴും തിരക്കിലാണെന്നും താരം വ്യക്തമാക്കിയിരുന്നു.
ഇടയ്ക്ക് വെച്ച് അര്‍ജുന്‍ ചക്കപ്പഴത്തില്‍ നിന്നും ബ്രേക്കെടുത്തിരുന്നു. ഡാന്‍സ് സ്‌കൂളുമായി ബന്ധപ്പെട്ട് തിരക്കുകളിലായതിനാലാണ് താന്‍ ബ്രേക്കെടുത്തതെന്നായിരുന്നു അര്‍ജുന്‍ പറഞ്ഞത്. ചേട്ടന്‍ ചക്കപ്പഴത്തില്‍ നിന്നും മാറിയതിന് കാരണം ഞാനാണെന്ന തരത്തിലുള്ള വിമര്‍ശനങ്ങള്‍ കേള്‍ക്കേണ്ടി വന്നിട്ടുണ്ടെന്ന് സൗഭാഗ്യ പറഞ്ഞിരുന്നു. നീണ്ടനാളത്തെ ഇടവേള അവസാനിപ്പിച്ച് അര്‍ജുന്‍ ചക്കപ്പഴത്തിലെത്തിയപ്പോള്‍ മികച്ച സ്വീകാര്യതയായിരുന്നു ലഭിച്ചത്. പെണ്ണെ പൈങ്കിളി, നിന്നേയം മോനേയും കാണാതിരിക്കാന്‍ എനിക്കാവുന്നില്ലെന്ന് പറഞ്ഞായിരുന്നു അര്‍ജുന്റെ വരവ്. മികച്ച സ്വീകാര്യതയായിരുന്നു അര്‍ജുന് ലഭിച്ചത്.
യൂട്യൂബ് ചാനലിലൂടെയുമായി സൗഭാഗ്യ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ ശ്രദ്ധിക്കപ്പെടാറുണ്ട്. അടുത്തിടെയായിരുന്നു സുദര്‍ശന ഒന്നാം പിറന്നാളാഘോഷിച്ചത്. അര്‍ജുന്റെ അമ്മയുടെ അപ്രതീക്ഷിത വിയോഗം കഴിഞ്ഞ് നാളുകള്‍ പിന്നിടുന്നതിനിടയിലായിരുന്നു പിറന്നാള്‍. അതിനാല്‍ ഇത്തവണ അവിടെ ആഘോഷങ്ങളൊന്നുമില്ലെന്ന് താര കല്യാണ്‍ വ്യക്തമാക്കിയിരുന്നു. താരയുടെ നേതൃത്വത്തില്‍ ചെറിയൊരാഘോഷം നടത്തിയിരുന്നു. മകളുടെ വിശേഷങ്ങളെല്ലാം പങ്കുവെക്കുന്ന സൗഭാഗ്യ പങ്കിട്ട ക്യൂട്ട് വീഡിയോ വൈറലായിക്കൊണ്ടിരിക്കുകയാണിപ്പോള്‍. കൊച്ചൂ, പപ്പ എവിടെ എന്ന് ചോദിക്കുമ്പോള്‍ ആധിയോടെ ചുറ്റും നോക്കുന്ന സുദര്‍ശനയുടെ ക്യൂട്ട് വീഡിയോയാണ് സൗഭാഗ്യ പങ്കിട്ടത്. നിരവധി പേരാണ് വീഡിയോയുടെ താഴെ സ്നേഹം അറിയിച്ചെത്തിയത്. പപ്പ കൊച്ചിയിലേക്ക് പോയെന്ന് സൗഭാഗ്യ കൊച്ചുവിനോട് പറയുന്നുണ്ടായിരുന്നു. മകള്‍ക്ക് പനിയാണെന്നും അതിന്റെ ടെന്‍ഷനിലാണ് താനെന്നും കഴിഞ്ഞ ദിവസം സൗഭാഗ്യ പറഞ്ഞിരുന്നു. അനുസരണയോടെയായി മരുന്ന് കഴിക്കുന്ന സുദര്‍ശനയേയും സൗഭാഗ്യ കാണിച്ചിരുന്നു. എല്ലാത്തിനും നല്ല സഹകരണമാണെന്ന ക്യാപ്ഷനോടെയായാണ് വീഡിയോ പങ്കുവെച്ചത്.