എന്റെ ലവ് നിന്നെ എനിക്ക് മിസ് ചെയ്യുന്നു; സൗഭാഗ്യയുടെ പോസ്റ്റിന് അർജുന്റെ കമന്റ്!

ചക്കപ്പഴം കോമഡി പരമ്പരയിലൂടെയാണ് അർജുൻ സോമശേഖരൻ മിനി സ്‌ക്രീനിലെക്ക് ചുവട് വയ്ക്കുന്നത്. മുൻപ് ടിക് ടോക്ക് വീഡിയോകളിൽ കൂടിയും നൃത്ത വേദികളിൽ കൂടിയും തിളങ്ങിയ അർജുന് അഭിനയ രംഗത്തും തിളങ്ങാൻ കിട്ടിയ അവസരമാണ് ചക്കപ്പഴം സമ്മാനിച്ചത്. പരമ്പര സംപ്രേക്ഷണം ആരംഭിച്ചിട്ട് ഒരു ദിവസം മാത്രമാണ് പിന്നിട്ടത് എങ്കിലും നിറഞ്ഞ കൈയ്യടിയാണ് ആരാധകർ ചക്കപ്പഴത്തിനു നൽകുന്നത്.

അഭിനയത്തിലേക്ക് കടന്ന അർജുൻ സോമശേഖരന് ആശംസയുമായി സൗഭാഗ്യ വെങ്കിടേഷ്.പങ്കിട്ട കുറിപ്പ് വൈറൽ ആയിരുന്നു "എന്റെ ഭർത്താവ് അഭിമാനം", എന്നാണ് അർജുനെ ടാഗ് ചെയ്തുകൊണ്ടുള്ള വീഡിയോയ്ക്ക് സൗഭാഗ്യ നൽകിയ ക്യാപ്‌ഷൻ. ഇതിനു പിന്നാലെയാണ് പുതിയ ഒരു ചിത്രവും, ക്യാപ്‌ഷനും നൽകി വീണ്ടും സൗഭാഗ്യ രംഗത്ത് വന്നത്. 'ഹാപ്പി ആൻഡ് പ്രൗഡ്‌ വൈഫ്' എന്നാണ് അർജുന്റെ ചിത്രത്തിന് സൗഭാഗ്യ ക്യാപ്‌ഷൻ നൽകിയത്. അതേസമയം മൈ ലവ് നിന്നെ മിസ് ചെയ്യുന്നു എന്നാണ് അർജുൻ ചിത്രത്തിന് നൽകിയ കമന്റ്.

ALSO READ: എം ജി ശ്രീകുമാർ പറഞ്ഞ ആ വാക്കുകളും; ഒപ്പം മിമിക്രി കലാകാരന്മാർക്ക് സല്യൂട്ടും!

നർമ്മരസങ്ങൾ കോർത്തിണക്കിയ പരമ്പരയിൽ എസ്‌പി ശ്രീകുമാർ അശ്വതി ശ്രീകാന്ത് തുടങ്ങിയവരും കേന്ദ്ര കഥാപാത്രങ്ങളായി എത്തുന്നുണ്ട്.

രാത്രി പത്തുമണിക്ക് ഫ്ളവേഴ്സിൽ ആണ് പരമ്പര സംപ്രേക്ഷണം ചെയ്തു തുടങ്ങിയത്. അർജുനെ കൂടാതെ അവതാരക എന്ന നിലയിൽ നിന്നും അശ്വതി മിനിസ്ക്രീൻ അഭിനയരംഗത്തേക്ക് എത്തിയതിന്റെ സന്തോഷവും പ്രേക്ഷകർക്കുണ്ട്. മാത്രമല്ല ശ്രീകുമാർ ഉപ്പും മുളകും പരമ്പരയിൽ നിന്നും പിന്മാറിയതിന്റെ നിരാശ, താരം 'ചക്കപ്പഴത്തിൽ' എത്തിയതോടെ മാറി എന്നാണ് ആരാധകർ പറയുന്നത്.