അവൻ വന്ന ശേഷം ജീവിതം തന്നെ മാറി; സന്തോഷവും, സ്നേഹവും കൊണ്ട് അവൻ ഞങ്ങളെ വേറെ ലോകത്തിലെത്തിച്ചു; ശ്രീലക്ഷ്മി

നടന്‍ ജഗതി ശ്രീകുമാറിന്റെ മകളും നടിയും ബിഗ്ഗ് ബോസ് താരവുമായ ശ്രീലക്ഷ്മി ശ്രീകുമാര്‍ പ്രേക്ഷകർക്ക് ഏറെ പ്രിയങ്കരിയാണ്. വിവാഹശേഷം ദുബായിൽ സെറ്റിൽഡ് ആയ ശ്രീ ഇപ്പോഴും കരിയറിൽ ശ്രദ്ധ കൊടുക്കുന്ന വ്യക്തിയാണ്.

2019 ല്‍ ആണ് ശ്രീലക്ഷ്മിയും കൊമേഴ്സ്യല്‍ പൈലറ്റ് ആയ ജിജിന്‍ ജഹാംഗീറും തമ്മിലുള്ള വിവാഹം നടന്നത്. കഴിഞ്ഞവർഷം ആണ് ഇരുവരുടെയും ജീവിതത്തിലേക്ക് അർഹം കടന്നു വന്നത്. ഇപ്പോൾ മകന്റെ ഒന്നാം പിറന്നാളിന്റെ സന്തോഷത്തിലാണ് ശ്രീ. സോഷ്യൽ മീഡിയ പോസ്റ്റിലൂടെയാണ് മകന്റെ പിറന്നാൾ സന്തോഷം ശ്രീ പങ്കുവച്ചത്.

എന്റെ ഏറ്റവും വലിയ അനുഗ്രഹം എന്റെ അർഹം . അവന്റെ ആദ്യ പിറന്നാൾ ദിനം വന്നെത്തിയിരിക്കുന്നു. ഞങൾ അത് ആഘോഷിക്കുകയാണ്. അവൻ വന്നശേഷമുള്ള
ഈ ഒരു വർഷകാലം ഞങ്ങളുടെ ജീവിതത്തിലെ ഏറ്റവും സന്തോഷവും സ്നേഹവും നിറഞ്ഞ വർഷമായിരുന്നു.

നിരവധി പ്രത്യേകതകൾ നിറഞ്ഞ നിമിഷങ്ങൾ സമ്മാനിച്ച വർഷം., അതിന് ഞങ്ങൾ നിന്നോട് കടപ്പെട്ടിരിക്കുന്നു. ഞങ്ങളുടെ പിഞ്ചോമന! അർഹമിന് നിങ്ങളുടെ എല്ലാ പ്രാർത്ഥനകളും അനുഗ്രഹങ്ങളും ഇനിയും വേണം. ശ്രീ സോഷ്യൽ മീഡിയയിൽ പങ്കിട്ട പോസ്റ്റിലൂടെ പറയുന്നു. #arhams1stbirthday #mydubai #mamakutty തുടങ്ങിയ ഹാഷ്ടാഗിൽ ശ്രീ പങ്കിട്ട വീഡിയോയും ഇപ്പോൾ വൈറലാണ്.


അവതാരകയായിട്ടാണ് ശ്രീലക്ഷ്മി കരിയര്‍ ആരംഭിച്ചത്. ജഗതിയുടെ മകള്‍ എന്ന ലേബലില്‍ ശ്രദ്ധിയ്ക്കപ്പെട്ട താരം പിന്നീട് ചില സിനിമകളിലും അഭിനയിച്ചു. ബിഗ്ഗ് ബോസ് സീസണ്‍ 3 യിലെ മത്സരാര്‍ത്ഥിയുമായിരുന്നു ശ്രീലക്ഷ്മി.