ALSO READ: കല്യാണം കഴിക്കാൻ പോകുന്നതായി രഞ്ജിനി ഹരിദാസ്; ജാതിയും മതവും ഒരു പ്രശ്നമല്ലെന്നും താരം!
അഞ്ചുവർഷം മുൻപുള്ള സുന്ദരനിമിഷം; അന്നുമുതൽ അവൻ എന്റേതും ഞാൻ അവന്റേതും; ശ്രീലക്ഷ്മി ശ്രീകുമാർ!
നവംബർ 17 ന്!
നവംബര് 17ന് ആണ് ശ്രീലക്ഷ്മിയുടെ വിവാഹം നടന്നത്. അടുത്ത ബന്ധുക്കളും സുഹൃത്തുക്കളുമാണ് വിവാഹത്തില് പങ്കെടുത്തത്,വിവാഹത്തിനുശേഷം തിരുവനന്തപുരത്ത് വെച്ച് നടന്ന വിവാഹ വിരുന്ന് ചടങ്ങിൽ പ്രമുഖർ ആണ് പങ്കെടുത്തത്. വിവാഹത്തിന് മുന്പ് പപ്പയെ കണ്ട് അനുഗ്രഹം വാങ്ങണമെന്നും മോള് നല്ല വീട്ടിലേക്ക് പടി കയറി ചെല്ലുകയാണെന്ന് ജഗതി അറിയിക്കുമെന്നും ശ്രീലക്ഷ്മി മുൻപേ വ്യക്തമാക്കിയിരുന്നു.
5 വര്ഷത്തെ പ്രണയം!
അഞ്ചുവർഷത്തെ പ്രണയത്തിനു ഒടുവിൽ ആണ് ശ്രീലക്ഷ്മി വിവാഹിത ആയത്. ജിജിന് ജഹാംഗീർ ആണ് ശ്രീലക്ഷ്മിയുടെ ഭർത്താവ്. ജിജിൻ ദുബായിൽ കൊമേഴ്ഷ്യൽ പൈലറ്റ് ആണ്. വിവാഹശേഷം ദുബായിലാണ് ഇപ്പോൾ ഇരുവരും. കൊച്ചിയില് അയല്ക്കാരായിരുന്നു ജിജിനും ശ്രീലക്ഷ്മിയും അന്ന് മുതൽ തുടങ്ങിയ സൗഹൃദം ആണ് പിന്നീട് പ്രണയത്തിൽ എത്തിയത്.
ആദ്യം പ്രണയം പറഞ്ഞത്!
ജിജിനാണ് പ്രണയത്തെക്കുറിച്ച് ആദ്യം പറഞ്ഞത്. ഒരു കാര്യം പറയാനുണ്ടെന്ന് പറഞ്ഞപ്പോള്ത്തന്നെ ഇതായിരിക്കുമെന്ന് മനസ്സിലായിരുന്നു. ആദ്യമായി കേട്ടപ്പോൾ മറുപടി കൊടുത്തിരുന്നില്ല. ഇതിന്റെ പേരില് ജിജിന് നന്നായി ടെന്ഷനടിച്ചിരുന്നു. ഇത് പറഞ്ഞതിന്റെ പേരില് സൗഹൃദവും നഷ്ടമാവുമോയെന്ന ഭയമായിരുന്നു ജിജിന്. പിന്നീട് താനും ഇഷ്ടം അറിയിക്കുകയും അത് പ്രണയമായി മാറുകയായിരുന്നുവെന്നും ശ്രീലക്ഷ്മി മുൻപ് വ്യക്തമാക്കിയിട്ടുണ്ട്.
അഞ്ചുവർഷം മുൻപത്തെ നിമിഷം!
അഞ്ചുവർഷം മുൻപാണ് അവൻ എന്നോട് പ്രണയാഭ്യർത്ഥന നടത്തുന്നത്.ലച്ചു നീ എന്റെ ഭാര്യയായി ഇരിക്കാമോ എന്നാണ് അദ്ദേഹം ചോദിച്ചത്. അന്ന് മുതൽ ഇന്ന് വരെ ഞാൻ അവന്റേതും, അവൻ എന്റേതും ആണ് അത് എന്നെന്നും അങ്ങിനെ ആയിരിക്കുകയും ചെയ്യും. ഹാപ്പി ആനിവേഴ്സറി ടു അസ്.