വീഡിയോ എന്ന് കേട്ടാലെ സ്ഥലം വിടും! അമ്മയ്‌ക്കൊപ്പം ശ്രീവിദ്യ മുല്ലച്ചേരി

സിനിമയിലും ചാനല്‍ പരിപാടിയിലുമൊക്കെയായി സജീവമാണ് ശ്രീവിദ്യ മുല്ലച്ചേരി. അടുത്തിടെയായിരുന്നു ശ്രീവിദ്യയുടെ എന്‍ഗേജ്‌മെന്റ് കഴിഞ്ഞത്. സംവിധായകനായ രാഹുല്‍ രാമചന്ദ്രനാണ് ശ്രീവിദ്യയെ ജീവിതസഖിയാക്കുന്നത്. വര്‍ഷങ്ങളായുള്ള പ്രണയത്തിനൊടുവിലായാണ് ഇരുവരും വിവാഹിതരാവുന്നത്. യൂട്യൂബ് ചാനലിലൂടെയായും താരം വിശേഷങ്ങള്‍ പങ്കിടാറുണ്ട്. രാഹുലിനെ പരിചയപ്പെട്ടതിനെക്കുറിച്ചും ആ ബന്ധം പ്രണയമായതിനെക്കുറിച്ചുമെല്ലാം ശ്രീവിദ്യ വാചാലയായിരുന്നു. ഇപ്പോഴിതാ വീണ്ടും ചില വീട്ടുകാര്യങ്ങളുമായെത്തിയിരിക്കുകയാണ് ശ്രീവിദ്യ.
അമ്മയും കൊച്ചിയിലുണ്ട്. അമ്മയ്ക്ക് കുറേ സാധനങ്ങളൊക്കെ മേടിക്കാനുണ്ടെന്ന് പറഞ്ഞിരുന്നു. അച്ഛനും അമ്മയും ചേട്ടനും ചേച്ചിയുമൊന്നും വീഡിയോയില്‍ വരാത്തതിനെക്കുറിച്ച് എല്ലാവരും ചോദിക്കാറുണ്ട്. കുറച്ചെങ്കിലും നിന്ന് തരുന്നത് അമ്മയാണെന്നും ശ്രീവിദ്യ പറഞ്ഞിരുന്നു. ഞാനിപ്പോഴും കാസര്‍കോട് ശൈലിയില്‍ തന്നെയാണ് സംസാരിക്കാറുള്ളത്. എനിക്ക് അതില്‍ അഭിമാനമേയുള്ളൂ. ചിന്നു ഇപ്പോള്‍ പഴയത് പോലെയല്ലെന്നായിരുന്നു ഉണ്ണി പറഞ്ഞത്. ഇഷ്ടം പോലെ പൈസയുണ്ട്. അതുകൊണ്ട് ചിന്നുവാണ് എനിക്കെല്ലാം വാങ്ങിത്തരുന്നതെന്നായിരുന്നു ഉണ്ണി ശ്രീവിദ്യയെക്കുറിച്ച് പറഞ്ഞത്. ഇളയമ്മയും ചിന്നുവും സാരി സെലക്റ്റ് ചെയ്യുന്നതിനെക്കുറിച്ചും ഉണ്ണി പറഞ്ഞിരുന്നു.
ശ്രീവിദ്യയ്‌ക്കൊപ്പം വീഡിയോകളില്‍ രാഹുലും എത്താറുണ്ട്. ഞങ്ങളുടെ അമ്മമാര്‍ എന്നും വിളിച്ച് ഒരുപാട് സംസാരിക്കാറുണ്ട്. തിരുവനന്തപുരം ശൈലിയിലാണ് അമ്മ സംസാരിക്കുന്നത്. ചിന്നുവിന്റെ അമ്മ കാസര്‍കോട് ഭാഷയിലും. എന്താണ് പറയുന്നതെന്ന് രണ്ടാള്‍ക്കും മനസിലാവാറൊന്നുമില്ല. അതുകൊണ്ട് ഞങ്ങള്‍ക്ക് അമ്മായിഅമ്മപ്പോരില്ലെന്നും രാഹുല്‍ പറഞ്ഞിരുന്നു. എന്‍ഗേജ്‌മെന്റ് സമയത്ത് സുരേഷ് ഗോപി ശ്രീവിദ്യയ്ക്കും രാഹുലിനും ആശംസ അറിയിച്ചിരുന്നു. അദ്ദേഹവുമായി അടുത്ത സൗഹൃദമുണ്ടെന്നും ഇരുവരും വ്യക്തമാക്കിയിരുന്നു.